헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 30)

Εὐμενὴσ δὲ πυνθανόμενοσ προάγειν ἐπ’ αὐτὸν τοὺσ πολεμίουσ ἤθροισε πανταχόθεν τὰσ δυνάμεισ καὶ μάλιστα τὴν ἱππικήν· τοῖσ γὰρ πεζοῖσ οὐ δυνάμενοσ ἐξισωθῆναι τῇ Μακεδονικῇ φάλαγγι κατεσκεύαζεν ἀξιόλογον σύστημα τῶν ἱππέων, δι’ ὧν ἤλπιζε κρατήσειν τῶν ἐναντίων. ὡσ δ’ ἤγγισαν ἀλλήλαισ αἱ δυνάμεισ, ὁ μὲν Κρατερὸσ συναγαγὼν εἰσ ἐκκλησίαν τὸ πλῆθοσ καὶ παρορμήσασ εἰσ τὸν ἀγῶνα τοῖσ οἰκείοισ λόγοισ ἔφησε διδόναι τοῖσ στρατιώταισ, ἐὰν κρατήσωσι τῇ μάχῃ, διαρπάσαι τῶν πολεμίων πάσασ τὰσ ἀποσκευάσ.

πάντων δὲ προθύμων γενομένων ἐξέταξε τὴν δύναμιν, τοῦ μὲν δεξιοῦ κέρατοσ αὐτὸσ ἡγούμενοσ, τοῦ δ’ εὐωνύμου τὴν ἡγεμονίαν παραδοὺσ Νεοπτολέμῳ.

εἶχε δὲ τοὺσ σύμπαντασ πεζοὺσ μὲν δισμυρίουσ, ὧν ἦσαν οἱ πλείουσ Μακεδόνεσ, διαβεβοημένοι ταῖσ ἀνδραγαθίαισ, ἐν οἷσ εἶχε μάλιστα τὰσ ἐλπίδασ τῆσ νίκησ·

ἱππεῖσ δὲ συνηκολούθουν πλείουσ τῶν δισχιλίων. Εὐμενὴσ δ’ εἶχε πεζοὺσ μὲν δισμυρίουσ, παντοδαποὺσ τοῖσ γένεσιν, ἱππεῖσ δὲ πεντακισχιλίουσ, δἰ ὧν τὸν κίνδυνον κρίνειν διεγνώκει.

ἀμφοτέρων δὲ τοὺσ ἱππεῖσ διελομένων ἐπὶ τὰ κέρατα καὶ πολὺ πρὸ τῆσ φάλαγγοσ προϊππευσάντων ὁ μὲν Κρατερὸσ πρῶτοσ μετὰ τῶν ἐπιλέκτων ἐπιρράξασ τοῖσ πολεμίοισ ἠγωνίσατο μὲν περιβλέπτωσ, σφαλέντοσ δὲ τοῦ ἵππου ἔπεσεν ἐπὶ τὴν γῆν, διὰ δὲ τὸν φυρμὸν καὶ τὴν πυκνότητα τῶν ἐφιππευόντων ἀγνοηθεὶσ ὃσ ἦν συνεπατήθη καὶ τὸν βίον ἀλόγωσ κατέστρεψεν. τῇ δὲ τούτου τελευτῇ τῶν πολεμίων ἐπαρθέντων καὶ τῷ πλήθει πανταχόθεν περιχεομένων πολὺσ ἐγίνετο φόνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 30

(디오도로스 시켈로스, Bibliotheca Historica, Books XVIII-XX, book 18, chapter 30)

상위

목록

SEARCH

MENU NAVIGATION