Diodorus Siculus, Bibliotheca Historica, Books XVIII-XX, book 18, chapter 22

(디오도로스 시켈로스, Bibliotheca Historica, Books XVIII-XX, book 18, chapter 22)

Περδίκκασ δὲ καὶ ὁ βασιλεὺσ Φίλιπποσ καταπεπολεμηκότεσ Ἀριαράθην καὶ τὴν σατραπείαν αὐτοῦ Εὐμενεῖ παραδόντεσ ἐχωρίσθησαν ἐκ τῆσ Καππαδοκίασ. καταντήσαντεσ δὲ εἰσ τὴν Πισιδικὴν ἔκριναν ἀναστάτουσ ποιῆσαι δύο πόλεισ, τήν τε τῶν Λαρανδέων καὶ τὴν τῶν Ἰσαυρέων· αὗται γὰρ ἔτι ζῶντοσ Ἀλεξάνδρου Βάλακρον τὸν Νικάνοροσ ἀπέκτειναν, ἀποδεδειγμένον στρατηγὸν ἅμα καὶ σατράπην. τὴν μὲν οὖν τῶν Λαρανδέων πόλιν ἐξ ἐφόδου χειρωσάμενοι καὶ τοὺσ ἡβῶντασ κατασφάξαντεσ, τοὺσ δ’ ἄλλουσ ἐξανδραποδισάμενοι κατέσκαψαν·

τὴν δὲ τῶν Ἰσαυρέων, οὖσαν ὀχυρὰν καὶ μεγάλην, ἔτι δὲ πλήθουσαν ἀλκίμων ἀνδρῶν, ἐπὶ μὲν ἡμέραισ δύο πολιορκήσαντεσ ἐνεργῶσ καὶ πολλοὺσ τῶν ἰδίων ἀποβαλόντεσ ἀνεχώρησαν· οἱ γὰρ ἐγχώριοι βελῶν καὶ τῶν ἄλλων τῶν πρὸσ πολιορκίαν ἀνηκόντων εὐποροῦντεσ, ἔτι δὲ ταῖσ ψυχαῖσ ὑπομένοντεσ τὸ δεινὸν παραστατικῶσ ἑτοίμωσ ὑπὲρ τῆσ ἐλευθερίασ ἀπέθνησκον.

τῇ δὲ τρίτῃ πολλῶν μὲν ἀνῃρημένων, τῶν δὲ τειχῶν ἐλλειπεῖσ ἐχόντων τὰσ φυλακὰσ διὰ τὴν σπάνιν τῶν ἀνδρῶν ἐπετελέσαντο πρᾶξιν οἱ κατὰ τὴν πόλιν ἡρωικὴν καὶ μνήμησ ἀξίαν.

ὁρῶντεσ γὰρ ἀπαραίτητον οὖσαν τὴν κατ’ αὐτῶν τιμωρίαν καὶ δύναμιν οὐκ ἔχοντεσ ἀξιόχρεων τὴν ἀμυνομένην τὸ μὲν ἐγχειρίσαι τὴν πόλιν καὶ τὰ κατ’ αὐτοὺσ ἐπιτρέψαι τοῖσ πολεμίοισ οὐκ ἔκριναν, ἐμφανοῦσ οὔσησ τῆσ μεθ’ ὕβρεωσ τιμωρίασ, νυκτὸσ δ’ ὁμοθυμαδὸν πρὸσ τὸν εὐγενῆ θάνατον ὁρμήσαντεσ τέκνα μὲν καὶ γυναῖκασ καὶ γονεῖσ εἰσ τὰσ οἰκίασ ἐγκλείσαντεσ ἐνέπρησαν, κοινὸν θάνατον καὶ τάφον διὰ τοῦ πυρὸσ ἑλόμενοι. τῆσ δὲ φλογὸσ ἄφνω πρὸσ ὕψοσ αἰρομένησ οἱ μὲν Ἰσαυρεῖσ τὰ κτήματα καὶ πάντα τὰ δυνάμενα τοῖσ κρατοῦσιν ὠφελείασ παρέχεσθαι τῷ πυρὶ παρέβαλον, οἱ δὲ περὶ τὸν Περδίκκαν θαυμάσαντεσ τὸ γινόμενον περιέστησαν τὴν δύναμιν καὶ κατὰ πάντα τόπον ἐβιάζοντο παρεισπεσεῖν εἰσ τὴν πόλιν.

τῶν δ’ ἐγχωρίων ἀπὸ τῶν τειχῶν ἀμυνομένων καὶ πολλοὺσ τῶν Μακεδόνων καταβαλλόντων ἔτι μᾶλλον ὁ Περδίκκασ καταπληττόμενοσ ἐζήτει τὴν αἰτίαν δι’ ἣν οἱ τὰσ οἰκίασ καὶ τὰ λοιπὰ πάντα τῷ πυρὶ παραδεδωκότεσ φιλοτίμωσ τὰ τείχη φυλάττουσι.

τέλοσ δὲ τοῦ Περδίκκου καὶ τῶν Μακεδόνων ἀπὸ τῆσ πόλεωσ ἀποχωρησάντων οἱ Ἰσαυρεῖσ εἰσ τὸ πῦρ ἑαυτοὺσ ῥίψαντεσ ἐν ταῖσ οἰκίαισ συνετάφησαν τοῖσ οἰκείοισ.

Περδίκκασ δὲ νυκτὸσ διελθούσησ ἔδωκε τοῖσ στρατιώταισ τὴν πόλιν εἰσ διαρπαγήν.

οὗτοι δὲ τὴν φλόγα κατασβέσαντεσ πολὺν ἄργυρόν τε καὶ χρυσόν εὑρ͂ον, ὡσ ἂν πόλεωσ γεγενημένησ εὐδαίμονοσ ἐκ πολλῶν χρόνων.

일치하는 문장이 없습니다.

SEARCH

MENU NAVIGATION