헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 14)

κατὰ δὲ τὴν Ἀσίαν τῶν μεμερισμένων τὰσ σατραπείασ Πτολεμαῖοσ μὲν ἀκινδύνωσ παρέλαβε τὴν Αἴγυπτον καὶ τοῖσ μὲν ἐγχωρίοισ φιλανθρώπωσ προσεφέρετο, παραλαβὼν δὲ ὀκτακισχίλια τάλαντα μισθοφόρουσ ἤθροιζε καὶ δυνάμεισ παρεσκευάζετο· συνέτρεχε δὲ καὶ φίλων πλῆθοσ πρὸσ αὐτὸν διὰ τὴν ἐπιείκειαν. πρὸσ δὲ Ἀντίπατρον διαπρεσβευόμενοσ κοινοπραγίαν συνέθετο, σαφῶσ εἰδὼσ ὅτι Περδίκκασ ἐπιβαλεῖται παρελέσθαι τὴν τῆσ Αἰγύπτου σατραπείαν.

Λυσίμαχοσ δ’ ἐπιβαλὼν τοῖσ κατὰ τὴν Θρᾴκην τόποισ καὶ καταλαβὼν Σεύθην τὸν βασιλέα κατεστρατοπεδευκότα πεζοῖσ μὲν δισμυρίοισ, ἱππεῦσι δ’ ὀκτακισχιλίοισ οὐ κατεπλάγη τὸ μέγεθοσ τῆσ δυνάμεωσ. ἔχων δὲ τοὺσ σύμπαντασ πεζοὺσ μὲν οὐ πλείουσ τῶν τετρακισχιλίων, ἱππεῖσ δὲ δισχιλίουσ συνῆψε μάχην τοῖσ βαρβάροισ. ταῖσ μὲν οὖν ἀνδραγαθίαισ προεῖχεν αὐτῶν, τοῖσ δὲ πλήθεσι λειπόμενοσ καρτερὰν μάχην συνεστήσατο καὶ πολλοὺσ μὲν τῶν ἰδίων ἀποβαλών, πολλαπλασίουσ δ’ ἀποκτείνασ ἐπανῆλθεν εἰσ τὴν στρατοπεδείαν ἀμφίδοξον ἔχων τὴν νίκην.

τότε μὲν οὖν ἐχωρίσθησαν ἐκ τῶν τόπων αἱ παρ’ ἀμφοτέροισ δυνάμεισ καὶ παρασκευὰσ μείζουσ ἐποιοῦντο πρὸσ τὴν τῶν ὅλων ἐπίθεσιν.

Λεοννάτοσ δέ, παραγενομένου πρὸσ αὐτὸν Ἑκαταίου πρεσβευτοῦ καὶ δεομένου βοηθῆσαι τὴν ταχίστην Ἀντιπάτρῳ καὶ Μακεδόσιν, ἐπηγγείλατο συμμαχήσειν. διαβὰσ οὖν εἰσ τὴν Εὐρώπην καὶ καταντήσασ εἰσ Μακεδονίαν προσελάβετο πολλοὺσ στρατιώτασ Μακεδόνασ·

ἀθροίσασ δὲ τοὺσ ἅπαντασ πεζοὺσ μὲν πλείουσ τῶν δισμυρίων, ἱππεῖσ δὲ χιλίουσ καὶ πεντακοσίουσ προῆγεν διὰ τῆσ Θετταλίασ ἐπὶ τοὺσ πολεμίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 14

(디오도로스 시켈로스, Bibliotheca Historica, Books XVIII-XX, book 18, chapter 14)

상위

목록

SEARCH

MENU NAVIGATION