헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 73)

Ἀντίγονοσ μὲν οὖν τηλικαύτῃ συμφορᾷ περιβαλὼν τοὺσ πολεμίουσ μεγάλην ἐπὶ στρατηγίᾳ καὶ συνέσει δόξαν ἀπηνέγκατο. θαλασσοκρατῆσαι δὲ ἔσπευδε καὶ τὴν τῆσ Ἀσίασ ἡγεμονίαν ἀδήριτον περιποιήσασθαι. διόπερ ἐξ ἁπάσησ τῆσ δυνάμεωσ ἐπιλέξασ εὐζώνουσ πεζοὺσ μὲν δισμυρίουσ, ἱππεῖσ δὲ τετρακισχιλίουσ προῆγεν ἐπὶ Κιλικίασ, σπεύδων τοὺσ περὶ τὸν Εὐμενῆ κατακόψαι πρὸ τοῦ δύναμιν ἁδροτέραν ἀθροῖσαι. Εὐμενὴσ δὲ πυθόμενοσ τὴν ὁρμὴν τῶν περὶ τὸν Ἀντίγονον ἐπεβάλετο μὲν τὴν Φοινίκην ἀνακτᾶσθαι τοῖσ βασιλεῦσι, κατειλημμένην ἀδίκωσ ὑπὸ Πτολεμαίου, καταταχούμενοσ δ’ ὑπὸ τῶν καιρῶν ἀνέζευξεν ἐκ τῆσ Φοινίκησ καὶ διὰ τῆσ Κοίλησ Συρίασ προῆγε μετὰ τῆσ δυνάμεωσ, σπεύδων τῶν ἄνω λεγομένων σατραπειῶν ἅψασθαι.

περὶ δὲ τὸν Τίγριν ποταμὸν ἐπιθεμένων αὐτῷ τῶν ἐγχωρίων νυκτὸσ ἀπέβαλέ τινασ τῶν στρατιωτῶν.

παραπλησίωσ δὲ καὶ κατὰ τὴν Βαβυλωνίαν ἐπιθεμένου τοῦ Σελεύκου παρὰ τὸν Εὐφράτην ποταμὸν ἐκινδύνευσε μὲν ἅπασαν ἀποβαλεῖν τὴν δύναμιν, διώρυγόσ τινοσ ῥαγείσησ καὶ τῆσ στρατοπεδείασ ὅλησ συγκλυσθείσησ, ὅμωσ δὲ διὰ τῆσ ἰδίασ στρατηγίασ, ἐπί τι χῶμα καταφυγὼν καὶ τὴν διώρυγα πάλιν ἀποστρέψασ, διέσωσεν αὑτόν τε καὶ τὴν δύναμιν. παραδόξωσ δὲ τὰσ τοῦ Σελεύκου χεῖρασ διαφυγὼν διήνυσεν εἰσ τὴν Περσίδα μετὰ τῆσ δυνάμεωσ, ἔχων πεζοὺσ μὲν μυρίουσ καὶ πεντακισχιλίουσ, ἱππεῖσ δὲ τρισχιλίουσ καὶ τριακοσίουσ.

ἀναλαβὼν δὲ τοὺσ στρατιώτασ ἐκ τῆσ κακοπαθίασ διεπέμπετο πρόσ τε τοὺσ σατράπασ καὶ στρατηγοὺσ τοὺσ ἐν ταῖσ ἄνω σατραπείαισ, μεταπεμπόμενοσ στρατιώτασ τε καὶ χρήματα. καὶ τὰ μὲν κατὰ τὴν Ἀσίαν μέχρι τούτου προέβη κατὰ τοῦτον τὸν ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 73

(디오도로스 시켈로스, Bibliotheca Historica, Books XVIII-XX, book 18, chapter 73)

상위

목록

SEARCH

MENU NAVIGATION