헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 4)

κρατερὸσ δὲ τῶν ἐπιφανεστάτων ἀνδρῶν> ὑπάρχων ἔτυχε προαπεσταλμένοσ εἰσ Κιλικίαν ὑπ’ Ἀλεξάνδρου μετὰ τῶν ἀπολυθέντων τῆσ στρατείασ, ὄντων μυρίων. ἅμα δ’ εἰληφὼσ ἐντολὰσ ἦν ἐγγράπτουσ, ἃσ ἔδωκε μὲν ὁ βασιλεὺσ αὐτῷ συντελέσαι, μεταλλάξαντοσ δ’ Ἀλεξάνδρου τοῖσ διαδόχοισ ἔδοξε μὴ συντελεῖν τὰ βεβουλευμένα. ὁ γὰρ Περδίκκασ παραλαβὼν ἐν τοῖσ ὑπομνήμασι τοῦ βασιλέωσ τήν τε συντέλειαν τῆσ Ἡφαιστίωνοσ πυρᾶσ, πολλῶν δεομένην χρημάτων, τάσ τε λοιπὰσ αὐτοῦ ἐπιβολὰσ πολλὰσ καὶ μεγάλασ οὔσασ καὶ δαπάνασ ἀνυπερβλήτουσ ἐχούσασ ἔκρινε συμφέρειν ἀκύρουσ ποιῆσαι.

ἵνα δὲ μὴ δόξῃ διὰ τῆσ ἰδίασ γνώμησ καθαιρεῖν τι τῆσ Ἀλεξάνδρου δόξησ ἐπὶ τὸ κοινὸν τῶν Μακεδόνων πλῆθοσ ἀνήνεγκε τὴν περὶ τούτων βουλήν.

χιλίασ μὲν ναῦσ μακρὰσ μείζουσ τριήρων ναυπηγήσασθαι κατὰ τὴν Φοινίκην καὶ Συρίαν καὶ Κιλικίαν καὶ Κύπρον πρὸσ τὴν στρατείαν τὴν ἐπὶ Καρχηδονίουσ καὶ τοὺσ ἄλλουσ τοὺσ παρὰ θάλατταν κατοικοῦντασ τῆσ τε Λιβύησ καὶ Ἰβηρίασ καὶ τῆσ ὁμόρου χώρασ παραθαλαττίου μέχρι Σικελίασ, ὁδοποιῆσαι δὲ τὴν παραθαλάττιον τῆσ Λιβύησ μέχρι στηλῶν Ἡρακλείων, ἀκολούθωσ δὲ τῷ τηλικούτῳ στόλῳ λιμένασ καὶ νεώρια κατασκευάσαι κατὰ τοὺσ ἐπικαίρουσ τῶν τόπων, ναούσ τε κατασκευάσαι πολυτελεῖσ ἕξ, ἀπὸ ταλάντων χιλίων καὶ πεντακοσίων ἕκαστον, πρὸσ δὲ τούτοισ πόλεων συνοικισμοὺσ καὶ σωμάτων μεταγωγὰσ ἐκ τῆσ Ἀσίασ εἰσ τὴν Εὐρώπην καὶ κατὰ τοὐναντίον ἐκ τῆσ Εὐρώπησ εἰσ τὴν Ἀσίαν, ὅπωσ τὰσ μεγίστασ ἠπείρουσ ταῖσ ἐπιγαμίαισ καὶ ταῖσ οἰκειώσεσιν εἰσ κοινὴν ὁμόνοιαν καὶ συγγενικὴν φιλίαν καταστήσῃ.

τοὺσ δὲ προειρημένουσ ναοὺσ ἔδει κατασκευασθῆναι ἐν Δήλῳ καὶ Δελφοῖσ καὶ Δωδώνῃ, κατὰ δὲ τὴν Μακεδονίαν ἐν Δίῳ μὲν τοῦ Διόσ, ἐν Ἀμφιπόλει δὲ τῆσ Ταυροπόλου, ἐν Κύρνῳ δὲ τῆσ Ἀθηνᾶσ·

ὁμοίωσ δὲ καὶ ἐν Ἰλίῳ ταύτησ τῆσ θεᾶσ κατασκευασθῆναι ναὸν ὑπερβολὴν ἑτέρῳ μὴ καταλείποντα. τοῦ δὲ πατρὸσ Φιλίππου τάφον πυραμίδι παραπλήσιον μιᾷ τῇ μεγίστῃ κατὰ τὴν Αἴγυπτον, ἃσ ἐν τοῖσ ἑπτά τινεσ μεγίστοισ ἔργοισ καταριθμοῦσιν. ἀναγνωσθέντων δὲ τῶν ὑπομνημάτων οἱ Μακεδόνεσ, καίπερ ἀποδεδεγμένοι καλῶσ τὸν Ἀλέξανδρον, ὅμωσ ὑπερόγκουσ καὶ δυσεφίκτουσ τὰσ ἐπιβολὰσ ὁρῶντεσ ἔκριναν μηδὲν τῶν εἰρημένων συντελεῖν.

Περδίκκασ δὲ τὸ μὲν πρῶτον τοὺσ ταραχώδεισ τῶν στρατιωτῶν καὶ μάλιστα ἀλλοτρίωσ ἔχοντασ τὰ πρὸσ αὐτὸν ἀπέκτεινεν, ὄντασ τριάκοντα.

μετὰ δὲ ταῦτα καὶ Μελέαγρον ἐν τῇ στάσει καὶ πρεσβείᾳ προδότην γεγενημένον, ἐπιβαλόμενοσ οἰκείασ διαβολὰσ καὶ κατηγορίασ, ὡσ ἐπιβουλὴν κατ’ αὐτοῦ πεποιημένον ἐκόλασε. μετὰ δὲ ταῦτα ἐν ταῖσ ἄνω σατραπείαισ τῶν κατοικισθέντων Ἑλλήνων ἀποστάντων καὶ δύναμιν ἀξιόλογον συστησαμένων ἕνα τῶν ἐπιφανῶν ἀνδρῶν ἐξέπεμψε Πίθωνα, διαπολεμήσοντα πρὸσ αὐτούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 4

(디오도로스 시켈로스, Bibliotheca Historica, Books XVIII-XX, book 18, chapter 4)

상위

목록

SEARCH

MENU NAVIGATION