Diodorus Siculus, Bibliotheca Historica, Books XVIII-XX, book 18, chapter 15

(디오도로스 시켈로스, Bibliotheca Historica, Books XVIII-XX, book 18, chapter 15)

οἱ δὲ Ἕλληνεσ λύσαντεσ τὴν πολιορκίαν καὶ τὴν στρατοπεδείαν ἐμπρήσαντεσ τὸν μὲν ἀχρεῖον εἰσ παράταξιν ὄχλον καὶ τὰσ παρασκευὰσ εἰσ Μελιτίαν πόλιν ἐξέπεμψαν, αὐτοὶ δ’ εὔζωνοι καὶ πρὸσ μάχην ὄντεσ ἕτοιμοι προῆγον, ἀπαντήσοντεσ τοῖσ περὶ Λεοννάτον πρὸ τοῦ τὸν Ἀντίπατρον συμμίξαι καὶ τὰσ δυνάμεισ ἀμφοτέρασ εἰσ ἕνα τόπον συνελθεῖν. εἶχον δὲ τοὺσ σύμπαντασ πεζοὺσ μὲν δισμυρίουσ καὶ δισχιλίουσ·

οἱ γὰρ Αἰτωλοὶ πάντεσ προαπηλλαχότεσ ἦσαν εἰσ τὴν οἰκείαν καὶ τῶν ἄλλων Ἑλλήνων οὐκ ὀλίγοι κατ’ ἐκεῖνον τὸν καιρὸν ὑπῆρχον εἰσ τὰσ πατρίδασ κεχωρισμένοι· ἱππεῖσ δὲ συνεστρατεύοντο πλείουσ τῶν τρισχιλίων καὶ πεντακοσίων, ὧν ἦσαν Θετταλοὶ δισχίλιοι διάφοροι ταῖσ ἀρεταῖσ, ἐν οἷσ εἶχον μάλιστα τὰσ τῆσ νίκησ ἐλπίδασ. γενομένησ δ’ ἱππομαχίασ ἰσχυρᾶσ ἐπὶ πολὺν χρόνον καὶ τῶν Θετταλῶν διὰ τὰσ ἀρετὰσ ἐπικρατούντων ὁ μὲν Λεοννάτοσ λαμπρῶσ ἀγωνισάμενοσ καὶ διακλεισθεὶσ εἰσ τόπον τελματώδη τοῖσ ὅλοισ ἠλαττοῦτο, πολλοῖσ δὲ τραύμασι περιπεσὼν καὶ τελευτήσασ ὑπὸ τῶν ἰδίων ἤρθη καὶ πρὸσ τὴν ἀποσκευὴν ἀπηνέχθη τετελευτηκώσ·

τῇ δ’ ἱππομαχίᾳ λαμπρῶσ τῶν Ἑλλήνων νενικηκότων Μένωνοσ ἱππαρχοῦντοσ τοῦ Θετταλοῦ, εὐθὺσ ἡ τῶν Μακεδόνων φάλαγξ φοβουμένη τοὺσ ἱππεῖσ ἀπεχώρησεν ἐκ τοῦ πεδίου πρὸσ τὰσ ὑπερκειμένασ δυσχωρίασ καὶ τῇ τῶν τόπων ὀχυρότητι τὴν ἀσφάλειαν περιεποιήσατο.

τῇ δ’ ὑστεραίᾳ παραγενηθέντοσ Ἀντιπάτρου μετὰ τῆσ δυνάμεωσ καὶ συμμίξαντοσ τοῖσ ἡττημένοισ μίαν οἱ πάντεσ Μακεδόνεσ ἐποιήσαντο τὴν στρατοπεδείαν καὶ τὴν τῶν ὅλων στρατηγίαν παρέλαβεν Ἀντίπατροσ.

οὗτοσ δὲ κρίνασ ἐπὶ τοῦ παρόντοσ ἡσυχίαν ἔχειν καὶ θεωρῶν τοὺσ πολεμίουσ ἱπποκρατοῦντασ τὴν μὲν διὰ τῶν ὁμαλῶν ἀποχώρησιν ἀπέγνω, διὰ δὲ τῆσ δυσχωρίασ προάγων καὶ τοὺσ ὑπερδεξίουσ τόπουσ προκαταλαμβανόμενοσ ἀπεχώρησεν ἐκ τούτων τῶν τόπων.

Ἀντίφιλοσ δὲ ὁ τῶν Ἑλλήνων στρατηγὸσ ἐπιφανεῖ μάχῃ νικήσασ τοὺσ Μακεδόνασ ἐφήδρευε περὶ Θετταλίαν διατρίβων καὶ καραδοκῶν τὴν τῶν πολεμίων ὁρμήν.

καὶ τὰ μὲν κατὰ τοὺσ Ἕλληνασ ἐν τοιαύταισ εὐημερίαισ ὑπῆρχε. τῶν δὲ Μακεδόνων θαλασσοκρατούντων οἱ Ἀθηναῖοι πρὸσ ταῖσ ὑπαρχούσαισ ναυσὶν ἄλλασ κατεσκεύασαν, ὥστε γενέσθαι τὰσ πάσασ ἑκατὸν ἑβδομήκοντα.

τῶν δὲ Μακεδονικῶν νεῶν οὐσῶν διακοσίων καὶ τεσσαράκοντα τὴν ναυαρχίαν εἶχε Κλεῖτοσ. οὗτοσ δὲ ναυμαχήσασ πρὸσ Ηἐτίωνα τὸν Ἀθηναίων ναύαρχον ἐνίκησε δυσὶν ναυμαχίαισ καὶ συχνὰσ τῶν πολεμίων νεῶν διέφθειρε περὶ τὰσ καλουμένασ Ἐχινάδασ νήσουσ.

일치하는 문장이 없습니다.

SEARCH

MENU NAVIGATION