헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 28)

ἡ μὲν οὖν ἁρμάμαξα, τοιαύτην ἔχουσα τὴν κατασκευὴν καὶ διὰ τῆσ ὁράσεωσ μᾶλλον ἢ τῆσ ἀπαγγελίασ φαινομένη μεγαλοπρεπεστέρα, πολλοὺσ ἐπεσπᾶτο θεωροὺσ διὰ τὴν περιβόητον δόξαν· οἱ γὰρ ἐκ τῶν πόλεων καθ’ ἃσ αἰεὶ γίνοιτο πανδημεὶ συνήντων καὶ πάλιν προέπεμπον, οὐκ ἐμπιμπλάμενοι τῆσ κατὰ τὴν θεωρίαν τέρψεωσ. ἀκολούθωσ δὲ ταύτῃ τῇ μεγαλοπρεπείᾳ παρηκολούθει πλῆθοσ ὁδοποιῶν καὶ τεχνιτῶν, ἔτι δὲ τῶν στρατιωτῶν παραπεμπόντων.

Ἀρριδαῖοσ μὲν οὖν σχεδὸν ἔτη δύο καταναλώσασ περὶ τὴν κατασκευὴν τῶν ἔργων ἀπεκόμισε τὸ σῶμα τοῦ βασιλέωσ ἐκ Βαβυλῶνοσ εἰσ Αἴγυπτον· Πτολεμαῖοσ δὲ τιμῶν τὸν Ἀλέξανδρον ἀπήντησε μετὰ δυνάμεωσ μέχρι τῆσ Συρίασ καὶ παραλαβὼν τὸ σῶμα τῆσ μεγίστησ φροντίδοσ ἠξίωσεν.

ἔκρινε γὰρ ἐπὶ τοῦ παρόντοσ εἰσ μὲν Ἄμμωνα μὴ παρακομίζειν, κατὰ δὲ τὴν ἐκτισμένην ὑπ’ αὐτοῦ πόλιν, ἐπιφανεστάτην οὖσαν σχεδόν τι τῶν κατὰ τὴν οἰκουμένην, ἀποθέσθαι. κατεσκεύασεν οὖν τέμενοσ κατὰ τὸ μέγεθοσ καὶ κατὰ τὴν κατασκευὴν τῆσ Ἀλεξάνδρου δόξησ ἄξιον, ἐν ᾧ κηδεύσασ αὐτὸν καὶ θυσίαισ ἡρωικαῖσ καὶ ἀγῶσι μεγαλοπρεπέσι τιμήσασ οὐ παρ’ ἀνθρώπων μόνον, ἀλλὰ καὶ παρὰ θεῶν καλὰσ ἀμοιβὰσ ἔλαβεν.

οἱ μὲν γὰρ ἄνθρωποι διὰ τὸ τῆσ ψυχῆσ εὐχάριστον καὶ μεγαλόψυχον συνέτρεχον πάντοθεν εἰσ τὴν Ἀλεξάνδρειαν καὶ προθύμωσ ἑαυτοὺσ εἰσ τὴν στρατείαν παρείχοντο, καίπερ τῆσ βασιλικῆσ δυνάμεωσ μελλούσησ πολεμεῖν πρὸσ Πτολεμαῖον, καὶ κινδύνων προδήλων καὶ μεγάλων ὄντων ὅμωσ ἅπαντεσ τὴν τούτου σωτηρίαν τοῖσ ἰδίοισ κινδύνοισ ἑκουσίωσ περιεποιήσαντο·

οἱ δὲ θεοὶ διὰ τὴν ἀρετὴν καὶ εἰσ πάντασ τοὺσ φίλουσ ἐπιείκειαν ἐκ τῶν μεγίστων κινδύνων παραδόξωσ αὐτὸν διέσωσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 28

(디오도로스 시켈로스, Bibliotheca Historica, Books XVIII-XX, book 18, chapter 28)

상위

목록

SEARCH

MENU NAVIGATION