Diodorus Siculus, Bibliotheca Historica, Books XVIII-XX, book 18, chapter 32

(디오도로스 시켈로스, Bibliotheca Historica, Books XVIII-XX, book 18, chapter 32)

ἅμα δὲ τούτοισ πραττομἐνοισ καὶ τὸ λοιπὸν πλῆθοσ τῶν ἱππέων συμπεσὸν εἰσ μάχην πολὺν ἐποίει φόνον. διὸ καὶ τῶν μὲν πιπτόντων, τῶν δὲ τραυματιζομένων τὸ μὲν πρῶτον ἰσόρροποσ ἦν ὁ κίνδυνοσ, μετὰ ταῦτα δὲ φανερᾶσ γενομένησ τῆσ τοῦ Νεοπτολέμου τελευτῆσ καὶ τῆσ ἐπὶ θατέρου κέρατοσ τροπῆσ ἅπαντεσ πρὸσ φυγὴν ὡρ́μησαν καὶ καθάπερ πρὸσ τεῖχοσ ὀχυρὸν πρὸσ τὴν τῶν πεζῶν φάλαγγα κατέφυγον. ὁ δ’ Εὐμενὴσ ἀρκεσθεὶσ τῷ προτερήματι καὶ τῶν στρατηγικῶν σωμάτων ἀμφοτέρων κυριεύσασ ἀνεκαλέσατο τῇ σάλπιγγι τοὺσ στρατιώτασ.

στήσασ δὲ τρόπαιον καὶ τοὺσ νεκροὺσ θάψασ διεπέμψατο πρὸσ τὴν τῶν ἡττημένων φάλαγγα, παρακαλῶν ἑαυτῷ προσθέσθαι καὶ διδοὺσ ἐξουσίαν ἑκάστοισ ὅποι βούλονται τὴν ἀποχώρησιν ποιήσασθαι. δεξαμένων δὲ τὰσ διαλύσεισ τῶν Μακεδόνων καὶ δόντων τὰσ διὰ τῶν ὁρ́κων πίστεισ ἔλαβον ἐξουσίαν ἔν τισι κώμαισ πλησίον κειμέναισ ἐπισιτίσασθαι καὶ παρεκρούσαντο τὸν Εὐμενῆ·

ἀναλαβόντεσ γὰρ ἑαυτοὺσ καὶ τὰσ τροφὰσ παρασκευασάμενοι νυκτὸσ ἀπηλλάγησαν καὶ λαθραίωσ ἀπεχώρουν πρὸσ τὸν Ἀντίπατρον. ὁ δ’ Εὐμενὴσ ἐπεβάλετο μὲν κολάσαι τὴν ἀθεσίαν τῶν παραβεβηκότων τοὺσ ὁρ́κουσ καὶ διώκειν ἐκ ποδῶν τὴν φάλαγγα, οὐδὲν δὲ δυνάμενοσ πρᾶξαι διά τε τὰσ ἀρετὰσ τῶν ἀποχωρούντων καὶ διὰ τὴν ἐκ τῶν τραυμάτων ἐλάττωσιν ἀπέγνω τὸν διωγμόν.

οὗτοσ μὲν οὖν ἐπιφανεῖ μάχῃ νικήσασ καὶ δύο μεγάλουσ ἡγεμόνασ ἀνελὼν μεγάλησ ἔτυχε δόξησ.

일치하는 문장이 없습니다.

SEARCH

MENU NAVIGATION