헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 1)

Πυθαγόρασ ὁ Σάμιοσ καί τινεσ ἕτεροι τῶν παλαιῶν φυσικῶν ἀπεφήναντο τὰσ ψυχὰσ τῶν ἀνθρώπων ὑπάρχειν ἀθανάτουσ, ἀκολούθωσ δὲ τῷ δόγματι τούτῳ καὶ προγινώσκειν αὐτὰσ τὰ μέλλοντα καθ’ ὃν ἂν καιρὸν ἐν τῇ τελευτῇ τὸν ἀπὸ τοῦ σώματοσ χωρισμὸν ποιῶνται. τούτοισ δὲ ἐοίκε συμφωνεῖν καὶ ὁ ποιητὴσ Ὅμηροσ, παρεισάγων τὸν Ἕκτορα κατὰ τὸν τῆσ τελευτῆσ καιρὸν προλέγοντα τῷ Ἀχιλλεῖ τὸν μέλλοντα συντόμωσ αὐτῷ συνακολουθήσειν θάνατον.

ὁμοίωσ δὲ καὶ κατὰ τοὺσ νεωτέρουσ χρόνουσ ἐπὶ πολλῶν καταστρεφόντων τὸν βίον ἱστορεῖται γεγονέναι τὸ προειρημένον καὶ μάλιστα ἐπὶ τῆσ Ἀλεξάνδρου τοῦ Μακεδόνοσ τελευτῆσ.

οὗτοσ γὰρ ἐν Βαβυλῶνι μεταλλάττων τὸν βίον, κατὰ τὴν ἐσχάτην ἀναπνοὴν ἐρωτηθεὶσ ὑπὸ τῶν φίλων τίνι τὴν βασιλείαν ἀπολείπει, εἶπεν Τῷ ἀρίστῳ·

προορῶμαι γὰρ ἐπιτάφιον μέγαν ἀγῶνα γενησόμενόν μοι τῶν φίλων. ὅπερ καὶ πρὸσ ἀλήθειαν ἐξέβη·

οἱ γὰρ ἐπιφανέστατοι τῶν φίλων ὑπὲρ τοῦ πρωτείου διενεχθέντεσ πολλοὺσ καὶ μεγάλουσ ἀγῶνασ συνεστήσαντο μετὰ τὴν Ἀλεξάνδρου τελευτήν. τὰσ δὲ συντελεσθείσασ ὑπ’ αὐτῶν πράξεισ ἡ βύβλοσ αὕτη περιέχουσα ποιήσει φανερὸν τὸ ῥηθὲν τοῖσ φιλαναγνωστοῦσιν. ἡ μὲν γὰρ πρὸ ταύτησ βύβλοσ τὰσ Ἀλεξάνδρου πράξεισ ἁπάσασ περιείληφε μέχρι τῆσ τελευτῆσ·

αὕτη δὲ τὰ τοῖσ διαδεξαμένοισ τὴν τούτου βασιλείαν πεπραγμένα περιέχουσα τελευτὴν μὲν ἔχει τὸν προηγούμενον ἐνιαυτὸν τῆσ Ἀγαθοκλέουσ τυραννίδοσ, περιείληφεν δ’ ἔτη ἑπτά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 1

(디오도로스 시켈로스, Bibliotheca Historica, Books XVIII-XX, book 18, chapter 1)

상위

목록

SEARCH

MENU NAVIGATION