헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 53)

ἡμεῖσ δὲ διεληλυθότεσ τὰ περὶ Ἀντίγονον μεταβιβάσομεν τὴν ἀναγραφὴν ἐπὶ τὰ συμβάντα περὶ Εὐμενῆ. οὗτοσ γὰρ μεγάλαισ καὶ παραδόξοισ μεταβολαῖσ χρώμενοσ διετέλεσεν ἀεὶ παρ’ ἐλπίδασ ἀγαθῶν τε καὶ κακῶν μεταλαμβάνων. πρὸ μὲν γὰρ τούτων τῶν καιρῶν συναγωνιζόμενοσ Περδίκκᾳ τε καὶ τοῖσ βασιλεῦσιν ἔλαβε σατραπείαν Καππαδοκίαν καὶ τοὺσ συνορίζοντασ ταύτῃ τόπουσ, ἐν οἷσ μεγάλων δυνάμεων καὶ πολλῶν χρημάτων κυριεύσασ περιβόητον ἔσχε τὴν εὐτυχίαν.

κρατερὸν μὲν γὰρ καὶ Νεοπτόλεμον, διωνομασμένουσ ἡγεμόνασ καὶ τὰσ ἀνικήτουσ τῶν Μακεδόνων ἔχοντασ δυνάμεισ, ἐνίκησε παρατάξει καὶ αὐτοὺσ κατὰ τὴν μάχην ἀνεῖλεν.

δόξασ δὲ ἀνυπόστατοσ εἶναι τηλικαύτησ ἐπειράθη μεταβολῆσ ὥστε ὑπ’ Ἀντιγόνου μεγάλῃ παρατάξει λειφθῆναι καὶ μετ’ ὀλίγων φίλων ἀναγκασθῆναι καταφυγεῖν εἴσ τι χωρίον παντελῶσ μικρόν.

εἰσ τοῦτο δ’ ἐγκλεισθεὶσ καὶ περιληφθεὶσ ὑπὸ τῶν πολεμίων διπλοῖσ τείχεσιν οὐδένα βοηθὸν ἔσχε τῆσ ἰδίασ συμφορᾶσ. ἐνιαυσίου δ’ οὔσησ τῆσ πολιορκίασ καὶ τῆσ σωτηρίασ ἀπογινωσκομένησ ἄφνω παράδοξοσ λύσισ ἐφάνη τῶν ἀτυχημάτων.

ὁ γὰρ πολιορκῶν τὸν Εὐμενῆ καὶ σπεύδων ἀνελεῖν Ἀντίγονοσ ἐκ μεταβολῆσ παρεκάλεσεν αὐτὸν πρὸσ κοινοπραγίαν καὶ λαβὼν διὰ τῶν ὁρ́κων τὰσ πίστεισ τῆσ πολιορκίασ ἀπελύθη. μετὰ δέ τινα χρόνον ἀνελπίστωσ διασωθεὶσ τότε μὲν περὶ τὴν Καππαδοκίαν διέτριβεν ἀναλαμβάνων τοὺσ προγεγονότασ φίλουσ καὶ τοὺσ κατὰ τὴν χώραν πλανωμένουσ τῶν συνεστρατευκότων αὐτῷ πρότερον.

ἀγαπώμενοσ δὲ διαφερόντωσ ταχὺ πολλοὺσ ἔσχε κοινωνοὺσ τῶν αὐτῶν ἐλπίδων καὶ πρὸσ τὴν μετ’ αὐτοῦ στρατείαν ὑπακούοντασ. τέλοσ δὲ ἐν ὀλίγαισ ἡμέραισ χωρὶσ τῶν ἐν τῷ φρουρίῳ συμπεπολιορκημένων φίλων πεντακοσίων ἔσχε στρατιώτασ ἐθελοντὶ ὑπακούοντασ πλείουσ τῶν δισχιλίων.

τῆσ τύχησ δ’ αὐτῷ συνεργούσησ τηλικαύτην ἔλαβεν αὔξησιν ὥστε παραλαβεῖν τὰσ βασιλικὰσ δυνάμεισ καὶ προστῆναι τῶν βασιλέων πρὸσ τοὺσ καταλύειν αὐτῶν τὴν ἀρχὴν τετολμηκότασ. ἀλλὰ ταῦτα μὲν μικρὸν ὕστερον ἀκριβέστερον διέξιμεν ἐν τοῖσ οἰκείοισ καιροῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 53

(디오도로스 시켈로스, Bibliotheca Historica, Books XVIII-XX, book 18, chapter 53)

상위

목록

SEARCH

MENU NAVIGATION