헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 64)

ἅμα δὲ τούτοισ πραττομένοισ Νικάνωρ ὁ τὴν Μουνυχίαν κατέχων ἀκούων τὸν μὲν Κάσανδρον ἐκ Μακεδονίασ κεχωρίσθαι πρὸσ Ἀντίγονον, τὸν δὲ Πολυπέρχοντα προσδόκιμον εἶναι συντόμωσ ἥξειν εἰσ τὴν Ἀττικὴν μετὰ τῆσ δυνάμεωσ ἠξίου τοὺσ Ἀθηναίουσ διαφυλάττειν τὴν πρὸσ τὸν Κάσανδρον εὔνοιαν. οὐθενὸσ δὲ αὐτῷ προσέχοντοσ, ἀλλὰ καὶ τὴν φρουρὰν πάντων οἰομένων δεῖν ἐξάγειν τὴν ταχίστην τὸ μὲν πρῶτον παρακρουσάμενοσ τὸν δῆμον ἔπεισεν ὀλίγασ ἡμέρασ ἐπισχεῖν·

πράξειν γὰρ αὐτὸν τὰ συμφέροντα τῇ πόλει· μετὰ δὲ ταῦτα τῶν Ἀθηναίων ἐπί τινασ ἡμέρασ ἡσυχίαν ἐχόντων ἔλαθε νυκτὸσ κατ’ ὀλίγουσ στρατιώτασ εἰσαγαγὼν εἰσ τὴν Μουνυχίαν, ὥστε γενέσθαι δύναμιν ἀξιόχρεων τηρεῖν τὴν φυλακὴν καὶ διαγωνίζεσθαι πρὸσ τοὺσ ἐπιβαλλομένουσ πολιορκεῖν τὴν φρουράν. οἱ δὲ Ἀθηναῖοι γνόντεσ τὸν Νικάνορα μηδὲν ὑγιὲσ πράττοντα πρὸσ μὲν τοὺσ βασιλέασ καὶ Πολυπέρχοντα πρεσβείαν ἐξέπεμψαν, ἀξιοῦντεσ βοηθεῖν αὐτοῖσ κατὰ τὸ διάγραμμα τὸ γραφὲν ὑπὲρ τῆσ τῶν Ἑλλήνων αὐτονομίασ·

αὐτοὶ δὲ πλεονάκισ ἐκκλησίαν συναγαγόντεσ ἐβουλεύοντο πῶσ χρηστέον εἰή περὶ τοῦ πρὸσ Νικάνορα πολέμου. τούτων δ’ ἔτι περὶ ταῦτ’ ἀσχολουμένων ὁ Νικάνωρ, πολλοὺσ ἐξενολογηκώσ, λάθρᾳ νυκτὸσ ἐξαγαγὼν τοὺσ στρατιώτασ κατελάβετο τὰ τείχη τοῦ Πειραιέωσ καὶ τοῦ λιμένοσ τὰ κλεῖθρα.

οἱ δὲ Ἀθηναῖοι τὴν μὲν Μουνυχίαν οὐκ ἀπειληφότεσ, τὸν δὲ Πειραιᾶ προσαποβεβληκότεσ χαλεπῶσ ἔφερον. διόπερ ἑλόμενοι πρέσβεισ τῶν ἐπιφανῶν ἀνδρῶν καὶ φιλίαν ἐχόντων πρὸσ Νικάνορα Φωκίωνα τὸν Φώκου καὶ Κόνωνα τὸν Τιμοθέου καὶ Κλέαρχον τὸν Ναυσικλέουσ ἐξαπέστειλαν, ἐγκαλοῦντεσ μὲν ἐπὶ τοῖσ πεπραγμένοισ, ἀξιοῦντεσ δὲ ἀποδοῦναι τὴν αὐτονομίαν αὐτοῖσ κατὰ τὸ γεγενημένον διάταγμα.

ὁ δὲ Νικάνωρ ἀποκρίσεισ ἔδωκε πρεσβεύειν αὐτοὺσ πρὸσ Κάσανδρον· ὑπ’ ἐκείνου γὰρ καθεσταμένον φρούραρχον μηδαμῶσ ἔχειν ἐξουσίαν ἰδιοπραγεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 64

(디오도로스 시켈로스, Bibliotheca Historica, Books XVIII-XX, book 18, chapter 64)

상위

목록

SEARCH

MENU NAVIGATION