Diodorus Siculus, Bibliotheca Historica, Books XVIII-XX, book 18, chapter 59

(디오도로스 시켈로스, Bibliotheca Historica, Books XVIII-XX, book 18, chapter 59)

εὐθὺσ οὖν παραγγείλασ τοῖσ περὶ αὐτὸν ἀναζευγνύειν προῆγεν ἐκ Καππαδοκίασ, ἔχων ἱππεῖσ μὲν περὶ πεντακοσίουσ, πεζοὺσ δὲ πλείουσ τῶν δισχιλίων· οὐ γὰρ ἔσχεν ἀναστροφὴν προσδέξασθαι τοὺσ ἀφυστεροῦντασ τῶν ἐπηγγελμένων συστρατεύσεσθαι διὰ τὸ προσάγειν παρ’ Ἀντιγόνου δύναμιν ἀξιόλογον καὶ στρατηγοὺσ τοὺσ περὶ Μένανδρον, κωλύσοντασ αὐτὸν ἐνδιατρίβειν τῇ Καππαδοκίᾳ, πολέμιον γενόμενον τοῖσ περὶ Ἀντίγονον. ἀλλὰ γὰρ ἡ δύναμισ αὕτη τρισὶν ὕστερον ἡμέραισ παραγενομένη καὶ τῶν καιρῶν ὑστεροῦσα ἐπεβάλετο μὲν διώκειν τοὺσ μετ’ Εὐμενοῦσ προάγοντασ, οὐ δυναμένη δὲ καταλαβεῖν ἐπανῆλθεν εἰσ Καππαδοκίαν.

ὁ δ’ Εὐμενὴσ συντόνουσ τὰσ ὁδοιπορίασ ποιησάμενοσ καὶ ταχὺ τὸν Ταῦρον ὑπερβαλὼν ἧκεν εἰσ τὴν Κιλικίαν.

οἱ δὲ τῶν ἀργυρασπίδων ἡγεμόνεσ Ἀντιγένησ καὶ Τεύταμοσ, πειθαρχοῦντεσ ταῖσ παρὰ τῶν βασιλέων ἐπιστολαῖσ, ἀπάντησιν ἐποιήσαντο τῷ Εὐμενεῖ μετὰ τῶν φίλων ἐκ πολλοῦ διαστήματοσ. ἀσπασάμενοι δὲ φιλοφρόνωσ καὶ συγχαρέντεσ ἐπὶ τῷ διασεσῶσθαι παραδόξωσ αὐτὸν ἐκ τῶν μεγίστων κινδύνων ἐπηγγέλλοντο πάντα συμπράξειν αὐτῷ προθύμωσ· οἵ τε ἀργυράσπιδεσ Μακεδόνεσ, ὄντεσ περὶ τρισχιλίουσ, ὁμοίωσ ἀπήντησαν μετὰ φιλοφροσύνησ τε καὶ ὁρμῆσ. πάντεσ δ’ ἐθαύμαζον τὸ τῆσ τύχησ εὐμετάβολον καὶ παράδοξον, ὁρῶντεσ τούσ τε βασιλεῖσ καὶ τοὺσ Μακεδόνασ ὀλίγῳ μὲν χρόνῳ πρότερον κατεγνωκότασ Εὐμενοῦσ καὶ τῶν φίλων αὐτοῦ θάνατον, τότε δὲ ἐπιλαθομένουσ τῆσ ἰδίασ κρίσεωσ μὴ μόνον ἀθῷον ἀφεικότασ τῆσ τιμωρίασ, ἀλλὰ καὶ πάσησ τῆσ βασιλείασ τὴν ἡγεμονίαν αὐτῷ παραδεδωκότασ.

καὶ τοῦτ’ εὐλόγωσ ἔπασχον ἅπαντεσ οἱ τότε τὰσ Εὐμενοῦσ ἐπισκοπούμενοι περιπετείασ.

τίσ γὰρ οὐκ ἂν λαβὼν ἔννοιαν τῆσ κατὰ τὸν ἀνθρώπινον βίον ἀνωμαλίασ καταπλαγείη τὴν ἐπ’ ἀμφότερα τὰ μέρη τῆσ τύχησ παλίρροιαν; ἢ τίσ ἂν ταῖσ κατὰ τὴν εὐτυχίαν ἐξουσίαισ πιστεύσασ ἀναλάβοι φρόνημα μεῖζον τῆσ ἀνθρωπίνησ ἀσθενείασ; ὁ γὰρ κοινὸσ βίοσ ὥσπερ ὑπὸ θεῶν τινοσ οἰακιζόμενοσ ἐναλλὰξ ἀγαθοῖσ τε καὶ κακοῖσ κυκλεῖται πάντα τὸν αἰῶνα.

διόπερ παράδοξόν ἐστιν οὐκ εἰ γέγονέν τι παράλογον, ἀλλ’ εἰ μὴ πᾶν ἐστι τὸ γινόμενον ἀνέλπιστον. διὸ καὶ τὴν ἱστορίαν προσηκόντωσ ἄν τισ ἀποδέξαιτο· τῇ γὰρ τῶν πράξεων ἀνωμαλίᾳ καὶ μεταβολῇ διορθοῦται τῶν μὲν εὐτυχούντων τὴν ὑπερηφανίαν, τῶν δ’ ἀκληρούντων τὴν ἀτυχίαν.

일치하는 문장이 없습니다.

SEARCH

MENU NAVIGATION