헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 63)

τρόπον· τοῦ δὲ Φιλώτου τὴν κοινὴν ἐπιστολὴν ἀναδόντοσ τοῖσ ἡγεμόσι συνήχθησαν οἵ τε ἀργυράσπιδεσ καὶ οἱ ἄλλοι Μακεδόνεσ κατ’ ἰδίαν ἄνευ τοῦ Εὐμενοῦσ καὶ τὴν ἐπιστολὴν προσέταξαν ἀναγνωσθῆναι. ἦν δ’ ἐν αὐτῇ γεγραμμένη κατηγορία μὲν τοῦ Εὐμενοῦσ, παράκλησισ δὲ τῶν Μακεδόνων συλλαβεῖν τὸν Εὐμενῆ ταχέωσ καὶ ἀποκτεῖναι·

ἐὰν δὲ ταῦτα μὴ πράξωσιν, ὅτι μετὰ πάσησ τῆσ δυνάμεωσ ἥξει πολεμήσων αὐτοῖσ καὶ τοῖσ μὴ πειθαρχοῦσι τὴν προσήκουσαν ἐπιθήσει τιμωρίαν. ἀναγνωσθείσησ δὲ τῆσ ἐπιστολῆσ εἰσ πολλὴν ἀπορίαν ἐνέπεσον οἵ τε ἡγεμόνεσ καὶ οἱ Μακεδόνεσ πάντεσ·

ἀναγκαῖον γὰρ ἦν αὐτοῖσ ἢ πρὸσ τοὺσ βασιλεῖσ ἀποκλίναντασ ὑπ’ Ἀντιγόνου τιμωρίασ τυχεῖν ἢ πειθαρχήσαντασ Ἀντιγόνῳ ὑπὸ Πολυπέρχοντοσ καὶ τῶν βασιλέων κολασθῆναι. τοιαύτησ δὲ συγχύσεωσ ἐπεχούσησ τὰ πλήθη ἧκεν ὁ Εὐμενὴσ καὶ τὴν ἐπιστολὴν ἀναγνοὺσ παρεκάλεσε τοὺσ Μακεδόνασ πράττειν τὰ τοῖσ βασιλεῦσι δεδογμένα, τῷ δὲ ἀποστάτῃ γεγονότι μὴ προσέχειν.

πολλὰ δὲ διαλεχθεὶσ οἰκεῖα τῆσ ὑποθέσεωσ οὐ μόνον αὐτὸσ ἀπελύθη τῶν ἐνεστώτων κινδύνων, ἀλλὰ καὶ τὸ πλῆθοσ εἰσ εὔνοιαν μείζονα τῆσ προϋπαρχούσησ παρεστήσατο.

οὗτοσ μὲν οὖν πάλιν εἰσ ἀνελπίστουσ κινδύνουσ ἐμπεσὼν παραδόξωσ ἰσχυροτέραν κατεσκεύασε τὴν περὶ αὑτὸν δύναμιν.

διὸ καὶ τοῖσ στρατιώταισ παραγγείλασ ἀναζευγνύειν προῆγεν ἐπὶ Φοινίκησ, σπεύδων τὰσ ναῦσ ἐξ ἁπασῶν τῶν πόλεων ἀθροῖσαι καὶ στόλον ἀξιόλογον κατασκευάσαι, ὅπωσ Πολυπέρχων μὲν προσλαβόμενοσ τὰσ ἐκ τῆσ Φοινίκησ ναῦσ θαλαττοκρατῇ καὶ δύνηται διαβιβάζειν ἀσφαλῶσ, ὅταν βούληται, τὰσ ἐκ τῆσ Μακεδονίασ δυνάμεισ εἰσ τὴν Ἀσίαν ἐπ’ Ἀντίγονον. οὗτοσ μὲν οὖν ἐν Φοινίκῃ διέτριβε κατασκευαζόμενοσ τὴν ναυτικὴν δύναμιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 18, chapter 63

(디오도로스 시켈로스, Bibliotheca Historica, Books XVIII-XX, book 18, chapter 63)

상위

목록

SEARCH

MENU NAVIGATION