Diodorus Siculus, Bibliotheca Historica, Books XVIII-XX, book 18, chapter 44

(디오도로스 시켈로스, Bibliotheca Historica, Books XVIII-XX, book 18, chapter 44)

ἐπ’ ἄρχοντοσ δ’ Ἀθήνησιν Ἀπολλοδώρου Ῥωμαῖοι κατέστησαν ὑπάτουσ Κόιντον Ποπίλλιον καὶ Κόιντον Πόπλιον. ἐπὶ δὲ τούτων Ἀντίγονοσ καταπεπολεμηκὼσ τοὺσ περὶ τὸν Εὐμενῆ ἔκρινε στρατεύειν ἐπὶ τὸν Ἀλκέταν καὶ Ἄτταλον· οὗτοι γὰρ ὑπελείποντο τῶν Περδίκκου φίλων καὶ οἰκείων ἡγεμόνεσ μὲν ἀξιόλογοι, στρατιώτασ δ’ ἔχοντεσ ἱκανοὺσ ἀμφισβητῆσαι πραγμάτων. ἀναζεύξασ οὖν μετὰ πάσησ τῆσ δυνάμεωσ ἐκ Καππαδοκίασ προῆγεν ἐπὶ τὴν Πισιδικήν, ἐν ᾗ συνέβαινε διατρίβειν τοὺσ περὶ τὸν Ἀλκέταν. ὀξεῖαν δὲ καὶ παντελῶσ ἐπιτεταμένην τὴν πορείαν ποιησάμενοσ ἐν ἡμέραισ ἑπτὰ καὶ ταῖσ ἴσαισ νυξὶ διήνυσε σταδίουσ δισχιλίουσ καὶ πεντακοσίουσ εἰσ τὴν ὀνομαζομένην Κρητῶν πόλιν.

λαθὼν δὲ τοὺσ πολεμίουσ διὰ τὴν ὀξύτητα τῆσ πορείασ καὶ γενόμενοσ πλησίον αὐτῶν ἀγνοούντων τὴν παρουσίαν ἔφθασεν ἀκρολοφίασ τινὰσ καὶ δυσχωρίασ προκαταλαβόμενοσ. οἱ δὲ περὶ τὸν Ἀλκέταν πυθόμενοι τὴν παρουσίαν τῶν πολεμίων τὴν μὲν φάλαγγα ταχέωσ ἐξέταξαν, τοῖσ δ’ ἱππεῦσι προσπεσόντεσ τοῖσ τὴν ἀκρώρειαν προκατέχουσιν ἐφιλοτιμοῦντο βίᾳ κρατῆσαι καὶ ἀπὸ τῆσ ἀκρολοφίασ ἐκβαλεῖν.

γενομένησ δὲ μάχησ ἰσχυρᾶσ καὶ πολλῶν παρ’ ἀμφοτέρων πεσόντων ὁ μὲν Ἀντίγονοσ ἔχων ἱππεῖσ ἑξακισχιλίουσ ἀπὸ κράτουσ ἤλαυνεν ἐπὶ τὴν τῶν ἐναντίων φάλαγγα, σπεύδων ἀποκόψαι τῶν περὶ τὸν Ἀλκέταν τὴν ἐπὶ ταύτην καταφυγήν.

οὗ συντελεσθέντοσ οἱ μὲν ἐπὶ τῆσ ἀκρωρείασ ὄντεσ, πολὺ τοῖσ τε πλήθεσιν ὑπερέχοντεσ καὶ τῇ δυσχωρίᾳ τῶν τόπων πλεονεκτοῦντεσ, ἐτρέψαντο τοὺσ προσμαχομένουσ.

οἱ δὲ περὶ τὸν Ἀλκέταν τῆσ μὲν ἐπὶ τοὺσ πεζοὺσ καταφυγῆσ ἀποκεκλεισμένοι, τῷ δὲ πλήθει τῶν πολεμίων εἰσ μέσον ἀπειλημμένοι πρόδηλον εἶχον τὴν ἀπώλειαν.

일치하는 문장이 없습니다.

SEARCH

MENU NAVIGATION