헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 74)

κατὰ δὲ τὴν Εὐρώπην Πολυπέρχοντοσ διὰ τὴν ἐλάττωσιν τῆσ κατὰ τοὺσ Μεγαλοπολίτασ πολιορκίασ καταφρονηθέντοσ αἱ πλεῖσται τῶν Ἑλληνίδων πόλεων ἀφιστάμεναι τῶν βασιλέων πρὸσ Κάσανδρον ἀπέκλιναν. Ἀθηναίων δὲ μὴ δυναμένων ἀποτρίψασθαι τὴν φρουρὰν μήτε διὰ τοῦ Πολυπέρχοντοσ μήτε δι’ Ὀλυμπιάδοσ ἀπετόλμησέ τισ τῶν ἐπαινουμένων πολιτῶν εἰπεῖν ἐν ἐκκλησίᾳ διότι συμφέρει πρὸσ Κάσανδρον διαλύσασθαι. τὸ μὲν οὖν πρῶτον ἐγένετο θόρυβοσ, τῶν μὲν ἀντιλεγόντων, τῶν δὲ συγκατατιθεμένων τοῖσ λόγοισ·

. ὡσ δὲ ἀνεθεωρήθη τὸ συμφέρον, ἔδοξε τοῖσ πᾶσι πρεσβεύειν πρὸσ Κάσανδρον καὶ τίθεσθαι τὰ πρὸσ αὐτὸν ὡσ ἂν ᾖ δυνατόν. γενομένων δὲ πλειόνων ἐντεύξεων συνέθεντο τὴν εἰρήνην ὥστε τοὺσ Ἀθηναίουσ ἔχειν πόλιν τε καὶ χώραν καὶ προσόδουσ καὶ ναῦσ καὶ τἄλλα πάντα φίλουσ ὄντασ καὶ συμμάχουσ Κασάνδρου, τὴν δὲ Μουνυχίαν κατὰ τὸ παρὸν κρατεῖν Κάσανδρον, ἑώσ ἂν διαπολεμήσῃ πρὸσ τοὺσ βασιλεῖσ, καὶ τὸ πολίτευμα διοικεῖσθαι ἀπὸ τιμήσεων ἄχρι μνῶν δέκα, καταστῆσαι δ’ ἐπιμελητὴν τῆσ πόλεωσ ἕνα ἄνδρα Ἀθηναῖον ὃν ἂν δόξῃ Κασάνδρῳ·

καὶ ᾑρέθη Δημήτριοσ ὁ Φαληρεύσ. οὗτοσ δὲ παραλαβὼν τὴν ἐπιμέλειαν τῆσ πόλεωσ ἦρχεν εἰρηνικῶσ καὶ πρὸσ τοὺσ πολίτασ φιλανθρώπωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 18, chapter 74

(디오도로스 시켈로스, Bibliotheca Historica, Books XVIII-XX, book 18, chapter 74)

상위

목록

SEARCH

MENU NAVIGATION