헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 20)

οὕτω δὲ τῶν πραγμάτων τῷ Θίβρωνι προχωρούντων ἡ τύχη ταχὺ μεταβαλοῦσα ἐταπείνωσεν αὐτὸν διὰ τοιαύτασ αἰτίασ. τῶν ἡγεμόνων τῶν παρ’ αὐτῷ τισ Κρὴσ μὲν τὸ γένοσ, ὄνομα δὲ Μνασικλῆσ, ἐμπειρίαν δ’ ἔχων τῶν πολεμικῶν πράξεων διηνέχθη πρὸσ αὐτόν, ἐγκαλέσασ περὶ τοῦ μερισμοῦ τῶν λαφύρων, καὶ φύσει ταραχώδησ ὢν καὶ θρασὺσ ηὐτομόλησε πρὸσ τοὺσ Κυρηναίουσ. κατηγορήσασ δὲ πολλὰ τοῦ Θίβρωνοσ εἰσ ὠμότητα καὶ ἀπιστίαν ἔπεισε λῦσαι τὰσ ὁμολογίασ καὶ τῆσ ἐλευθερίασ ἀντέχεσθαι.

διὸ καὶ ταλάντων ἑξήκοντα μόνον ἀποδεδομένων, τῶν δὲ λοιπῶν χρημάτων οὐ διδομένων ὁ μὲν Θίβρων ἐγκαλέσασ τοῖσ ἀφεστηκόσι συνέλαβε τῶν Κυρηναίων τοὺσ παρόντασ ἐν τῷ λιμένι, ὄντασ περὶ ὀγδοήκοντα, εὐθὺ δὲ τὴν δύναμιν ἐπαγαγὼν ἐπὶ τὴν πόλιν ἐπολιόρκει τὴν Κυρήνην· οὐδὲν δὲ δυνάμενοσ πρᾶξαι πάλιν πρὸσ τὸν λιμένα ἐπανῆλθε. τῶν δὲ Βαρκαίων καὶ τῶν Ἑσπεριτῶν συμμαχούντων τῷ Θίβρωνι Κυρηναῖοι μέροσ μὲν τῆσ δυνάμεωσ ἀπέλιπον ἐν τῇ Κυρήνῃ, μέρει δὲ στρατεύσαντεσ ἐπόρθουν τὴν τῶν ἀστυγειτόνων χώραν.

τούτων δ’ ἐπικαλεσαμένων βοηθεῖν τὸν Θίβρωνα ἅπαντασ τοὺσ στρατιώτασ ἐξήγαγεν ἐπὶ τὴν συμμαχίαν.

καθ’ ὃν δὴ χρόνον ὁ Κρὴσ συλλογισάμενοσ τὴν ἐρημίαν τοῦ λιμένοσ ἔπεισε τοὺσ ἐν Κυρήνῃ καταλειφθέντασ ἐπιθέσθαι τῷ λιμένι. ὑπακουσάντων δ’ εὐδὺσ αὐτὸσ καθηγούμενοσ ἐπέθετο τῷ λιμένι καὶ διὰ τὴν ἀπουσίαν τοῦ Θίβρωνοσ ῥᾳδίωσ ἐγκρατὴσ γενόμενοσ τὰ περιλειπόμενα τῶν φορτίων ἀποκατέστησε τοῖσ ἐμπόροισ καὶ τὸν λιμένα φιλοτίμωσ ἐτήρει.

ὁ δὲ Θίβρων τὸ μὲν πρῶτον ἀθύμωσ εἶχεν, ἀπολωλεκὼσ τόπον ἐπίκαιρον καὶ τὰσ τῶν στρατιωτῶν ἀποσκευάσ·

μετὰ δὲ ταῦτα θαρσήσασ δαὶ τὴν πόλιν τὴν ὀνομαζομένην Ταύχειρα ἐκπολιορκήσασ ἀνέδραμε ταῖσ ἐλπίσι. μετ’ ὀλίγον δὲ πάλιν αὐτὸν συνέβη περιπεσεῖν μεγαλοισ ἐλαττώμασιν. οἱ γὰρ ἐν ταῖσ ναυσὶν ὄντεσ τοῦ λιμένοσ ἐστερημένοι, τροφῆσ δὲ ἀποροῦντεσ εἰώθεισαν καθ’ ἡμέραν ἐπὶ τὴν χώραν ἐξιέναι καὶ τὰσ τροφὰσ ἐκ ταύτησ πορίζεσθαι.

οἱ δὲ Λίβυεσ ἐνεδρεύσαντεσ αὐτοὺσ πλανωμένουσ κατὰ τὴν χώραν πολλοὺσ μὲν ἀπέκτειναν, οὐκ ὀλίγουσ δ’ ἐζώγρησαν· οἱ δὲ περιλειφθέντεσ ἐκ τοῦ κινδύνου καταφυγόντεσ εἰσ τὰσ ναῦσ ἀπέπλεον εἰσ τὰσ συμμαχίδασ πόλεισ. ἐπιγενομένου δὲ μεγάλου πνεύματοσ αἱ πλεῖσται μὲν ὑπὸ τῆσ θαλάσσησ κατεπόθησαν, τῶν δ’ ἄλλων αἱ μὲν εἰσ Κύπρον, αἱ δ’ εἰσ Αἴγυπτον ἀπερρίφησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 20

(디오도로스 시켈로스, Bibliotheca Historica, Books XVIII-XX, book 18, chapter 20)

상위

목록

SEARCH

MENU NAVIGATION