헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 58)

ἐπ’ ἄρχοντοσ δ’ Ἀθήνησιν Ἀρχίππου Ῥωμαῖοι κατέστησαν ὑπάτουσ Κόιντον Αἴλιον καὶ Λεύκιον Παπίριον. ἐπὶ δὲ τούτων Εὐμενὴσ μὲν ἄρτι τὴν ἐκ τοῦ φρουρίου πεποιημένοσ ἀποχώρησιν ἐκομίσατο τὰσ ἐπιστολὰσ τὰσ ἀποσταλείσασ ὑπὸ Πολυπέρχοντοσ, ἐν αἷσ ἦν γεγραμμένον χωρὶσ τῶν προειρημένων ὅτι πεντακόσια μὲν τάλαντα διδόασιν αὐτῷ δωρεὰν οἱ βασιλεῖσ εἰσ ἐπανόρθωσιν τῶν γεγενημένων περὶ αὐτὸν ἐλαττωμάτων καὶ διότι γράμματα ἀπέστειλαν οἱ βασιλεῖσ πρὸσ τοὺσ ἐν τῇ Κιλικίᾳ στρατηγοὺσ καὶ θησαυροφύλακασ, ὅπωσ αὐτῷ τὰ πεντακόσια τάλαντα δῶσι καὶ τῶν ἄλλων χρημάτων ὅσα ἂν αἰτήσῃ πρόσ τε τὰσ ξενολογίασ καὶ τὰσ ἄλλασ τὰσ κατεπειγούσασ χρείασ, τούσ τε τῶν ἀργυρασπίδων Μακεδόνων τρισχιλίων ἀφηγουμένουσ, ἵνα παραδῶσιν αὑτοὺσ Εὐμενεῖ καὶ τἄλλα συμπράττωσι προθύμωσ, ὡσ ἂν ἀποδεδειγμένῳ στρατηγῷ τῆσ ὅλησ Ἀσίασ αὐτοκράτορι. ἧκεν δὲ καὶ παρ’ Ὀλυμπιάδοσ αὐτῷ γράμματα, δεομένησ καὶ λιπαρούσησ βοηθεῖν τοῖσ βασιλεῦσι καὶ ἑαυτῇ·

μόνον γὰρ ἐκεῖνον πιστότατον ἀπολελεῖφθαι τῶν φίλων καὶ δυνάμενον διορθώσασθαι τὴν ἐρημίαν τῆσ βασιλικῆσ οἰκίασ. ἠξίου δ’ αὐτὸν ἡ Ὀλυμπιὰσ συμβουλεῦσαι πότερον αὐτῷ δοκεῖ συμφέρειν μένειν αὐτὴν ἐν Ἠπείρῳ καὶ μὴ πιστεύειν τοῖσ αἰεὶ δοκοῦσι μὲν ἐπιμεληταῖσ εἶναι, τῇ δὲ ἀληθείᾳ τὴν βασιλείαν εἰσ ἑαυτοὺσ μεθιστῶσιν, ἢ ἐπανέρχεσθαι.

ὁ δ’ Εὐμενὴσ πρὸσ μὲν τὴν Ὀλυμπιάδα παραχρῆμα ἀντέγραψε, συμβουλεύων κατὰ τὸ παρὸν μένειν ἐν Ἠπείρῳ, μέχρι ἂν ὁ πόλεμοσ λάβῃ τινὰ κρίσιν.

αὐτὸσ δ’ ἀεὶ τὴν εὔνοιαν βεβαιοτάτην πρὸσ τοὺσ βασιλεῖσ τετηρηκὼσ ἔκρινεν Ἀντιγόνῳ μὲν μὴ προσέχειν ἐξιδιαζομένῳ τὴν βασιλείαν, τοῦ δὲ Ἀλεξάνδρου παιδὸσ προσδεομένου βοηθείασ διά τε τὴν ὀρφανίαν καὶ διὰ τὴν τῶν ἡγεμόνων πλεονεξίαν διέλαβεν ἁρμόζειν ἑαυτῷ πάντα κίνδυνον ἀναδέχεσθαι τῆσ τῶν βασιλέων σωτηρίασ ἕνεκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 58

(디오도로스 시켈로스, Bibliotheca Historica, Books XVIII-XX, book 18, chapter 58)

상위

목록

SEARCH

MENU NAVIGATION