헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 54)

νυνὶ δ’ ἀρκούντωσ τὰ κατὰ τὴν Ἀσίαν διεληλυθότεσ μεταβησόμεθα πρὸσ τὰσ κατὰ τὴν Εὐρώπην συντελεσθείσασ πράξεισ. Κάσανδροσ γὰρ ἀποτετευχὼσ τῆσ κατὰ τὴν Μακεδονίαν ἡγεμονίασ οὐκ ἔπτηξεν, ἀλλ’ ἔκρινεν ἀντέχεσθαι ταύτησ, αἰσχρὸν εἶναι διαλαμβάνων τὴν τοῦ πατρὸσ ἀρχὴν ὑφ’ ἑτέρων διοικεῖσθαι. ὁρῶν δὲ τὴν τῶν Μακεδόνων ὁρμὴν κεκλιμένην πρὸσ τὸν Πολυπέρχοντα τῶν μὲν φίλων οἷσ ἐπίστευε κατ’ ἰδίαν προσδιαλεγόμενοσ ἐξέπεμπεν ἐπὶ τὸν Ἑλλήσποντον ἀνυπόπτωσ, αὐτὸσ δ’ ἐφ’ ἡμέρασ τινὰσ σχολάσασ ἐπὶ τῆσ χώρασ καὶ κυνήγια συνιστάμενοσ ἐγέννησε περὶ αὑτοῦ διάληψιν ὡσ οὐκ ἀντιποιούμενοσ τῆσ ἀρχῆσ.

ὡσ δ’ εὐτρεπῆ πάντα ἦν αὐτῷ τὰ πρὸσ τὴν ἀποδημίαν, ἔλαθεν ἀναζεύξασ ἐκ τῆσ Μακεδονίασ.

καταντήσασ δ’ εἰσ τὴν Χερρόνησον κἀκεῖθεν ἀναζεύξασ παρῆλθεν εἰσ Ἑλλήσποντον. διαπλεύσασ δ’ εἰσ τὴν Ἀσίαν πρὸσ Ἀντίγονον ἠξίου βοηθεῖν αὐτῷ, φήσασ καὶ Πτολεμαῖον ἐπηγγέλθαι συμμαχήσειν. ὁ δ’ Ἀντίγονοσ προθύμωσ αὐτὸν προσδεξάμενοσ ἐπηγγείλατο πάντα συμπράξειν προθύμωσ αὐτῷ καὶ δύναμιν παραχρῆμα δώσειν πεζικήν τε καὶ ναυτικήν. ταῦτα δ’ ἔπραττε προσποιούμενοσ διὰ τὴν πρὸσ Ἀντίπατρον φιλίαν συνεργεῖν, τῇ δ’ ἀληθείᾳ βουλόμενοσ τοὺσ περὶ Πολυπέρχοντα πολλοὺσ καὶ μεγάλουσ περισπασμοὺσ ἔχειν, ὅπωσ αὐτὸσ ἀκινδύνωσ τὴν Ἀσίαν ἐπέλθῃ καὶ τὴν τῶν ὅλων ἡγεμονίαν εἰσ αὑτὸν περιστήσῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 54

(디오도로스 시켈로스, Bibliotheca Historica, Books XVIII-XX, book 18, chapter 54)

상위

목록

SEARCH

MENU NAVIGATION