헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 42)

μετὰ δὲ ταῦτα ὁ Εὐμενὴσ πρὸσ τὸν Ἀντίπατρον πρεσβευτὰσ ἀπέστειλε περὶ τῶν ὁμολογιῶν, ὧν ἦν ἡγούμενοσ Ιἑρώνυμοσ ὁ τὰσ τῶν διαδόχων ἱστορίασ γεγραφώσ. αὐτὸσ δὲ πολλαῖσ καὶ ποικίλαισ κεχρημένοσ τοῦ βίου μεταβολαῖσ οὐκ ἐταπεινοῦτο τῷ φρονήματι, σαφῶσ εἰδὼσ τὴν τύχην ὀξείασ τὰσ εἰσ ἀμφότερα τὰ μέρη ποιουμένην μεταβολάσ. ἑώρα γὰρ τοὺσ μὲν τῶν Μακεδόνων βασιλεῖσ κενὸν ἔχοντασ τὸ τῆσ βασιλείασ πρόσχημα, πολλοὺσ δὲ καὶ μεγάλουσ τοῖσ φρονήμασιν ἄνδρασ διαδεχομένουσ τὰσ ἡγεμονίασ, πάντασ δὲ ἰδιοπραγεῖν βουλομένουσ.

ἤλπιζεν οὖν, ὅπερ ἦν πρὸσ ἀλήθειαν, πολλοὺσ αὐτοῦ χρείαν ἕξειν διά τε τὴν φρόνησιν καὶ τὴν ἐμπειρίαν τῶν πολεμικῶν, ἔτι δὲ τὴν ὑπερβολὴν τῆσ ἐν τῇ πίστει βεβαιότητοσ. ὁρῶν δὲ τοὺσ ἵππουσ, διὰ τὴν ἐν τῇ στενοχωρίᾳ τραχύτητα μὴ δυναμένουσ γυμνάζεσθαι, πρὸσ τὴν ἐν ταῖσ ἱππομαχίαισ χρείαν ἀχρήστουσ ἐσομένουσ ἐπενοήσατό τινα ξένην καὶ παρηλλαγμένην τῶν ἵππων γυμνασίαν.

τὰσ γὰρ κεφαλὰσ αὐτῶν ταῖσ σειραῖσ ἀναδεσμεύων ἔκ τινων δοκίων ἢ παττάλων καὶ δύο ἢ τρεῖσ διχάδασ ἐωρήσασ συνηνάγκαζεν τοῖσ ὀπισθίοισ ποσὶν ἐπιβεβηκέναι, τοῖσ δ’ ἔμπροσθεν μόγισ ψαύειν τῆσ γῆσ μικρὸν ἀπολείποντασ·

εὐθὺσ οὖν ὁ μὲν ἵπποσ βουλόμενοσ στηρίζεσθαι τοῖσ ἐμπροσθίοισ διεπονεῖτο τῷ τε σώματι παντὶ καὶ τοῖσ σκέλεσι, συμπασχόντων ἁπάντων τῶν κατὰ τὸν ὄγκον μελῶν· τοιαύτησ δὲ γινομένησ κινήσεωσ ἱδρώσ τε πολὺσ ἐκ τοῦ σώματοσ ἐξεχεῖτο καὶ τῇ τῶν πόνων ὑπερβολῇ τὴν ἀκρότητα τῶν γυμνασίων τοῖσ ζῴοισ περιεποιεῖτο. τοῖσ δὲ στρατιώταισ ἅπασι τὰσ αὐτὰσ τροφὰσ παρείχετο, μετέχων αὐτὸσ τῆσ λιτότητοσ, καὶ διὰ τῆσ ὁμοίασ συμπεριφορᾶσ πολλὴν εὔνοιαν ἑαυτῷ, τοῖσ δὲ συμπεφευγόσι πᾶσιν ὁμόνοιαν συγκατεσκεύασε.

καὶ τὰ μὲν κατὰ τὸν Εὐμενῆ καὶ τοὺσ συμπεφευγότασ εἰσ τὴν πέτραν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 42

(디오도로스 시켈로스, Bibliotheca Historica, Books XVIII-XX, book 18, chapter 42)

상위

목록

SEARCH

MENU NAVIGATION