헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 41)

μετὰ δὲ ταῦθ’ ὁ μὲν Εὐμενὴσ ἐπεβάλετο φεύγειν εἰσ Ἀρμενίαν καὶ τῶν ἐν ταύτῃ κατοικούντων τινὰσ πρὸσ τὴν συμμαχίαν συλλαβέσθαι· καταταχούμενοσ δὲ καὶ τοὺσ στρατιώτασ ὁρῶν ἀποχωροῦντασ πρὸσ τὸν Ἀντίγονον κατελάβετο χωρίον ὀχυρὸν ὃ προσηγορεύετο Νῶρα. ἦν δὲ τὸ φρούριον τοῦτο παντελῶσ μικρὸν διὰ τὸ τὸν περίβολον ἔχειν μὴ πλείω δυεῖν σταδίων, κατὰ δὲ τὴν ἐρυμνότητα θαυμαστόν·

ἐπὶ γὰρ πέτρασ ὑψηλῆσ εἶχε τὰσ οἰκίασ συνῳκοδομημένασ καὶ τὰ μὲν ὑπὸ τῆσ φύσεωσ, τὰ δ’ ὑπὸ τῆσ ἐκ τῶν χειρῶν κατασκευῆσ θαυμαστῶσ ὠχύρωτο. εἶχε δὲ καὶ παραθέσεισ σίτου πολλοῦ καὶ ξύλων καὶ ἁλῶν ὥστ’ εἰσ ἔτη πολλὰ δύνασθαι χορηγῆσαι πάντα τοῖσ εἰσ αὐτὴν καταφυγοῦσι.

συνέφυγον δὲ μετ’ αὐτοῦ τῶν φίλων οἱ ταῖσ εὐνοίαισ διαφέροντεσ καὶ κεκρικότεσ συναποθνήσκειν αὐτῷ κατὰ τοὺσ ἐσχάτουσ κινδύνουσ· οἱ δὲ πάντεσ ὑπῆρχον ἱππεῖσ τε καὶ πεζοὶ περὶ ἑξακοσίουσ. Ἀντίγονοσ δὲ παραλαβὼν τὴν μετ’ Εὐμενοῦσ δύναμιν καὶ τῶν σατραπειῶν καὶ τῶν ἐν ταύταισ προσόδων κύριοσ γενόμενοσ, ἔτι δὲ παραλαβὼν πλῆθοσ χρημάτων μειζόνων πραγμάτων ὠρέγετο·

οὐκέτι γὰρ οὐδεὶσ τῶν κατὰ τὴν Ἀσίαν ἡγεμόνων ἀξιόμαχον εἶχε δύναμιν διαγωνίσασθαι πρὸσ αὐτὸν περὶ τῶν πρωτείων. διὸ καὶ πρὸσ Ἀντίπατρον κατὰ μὲν τὸ παρὸν προσεποιεῖτο φιλικῶσ διακεῖσθαι, διεγνώκει δὲ τὰ καθ’ αὑτὸν ἀσφαλισάμενοσ μηκέτι προσέχειν μήτε τοῖσ βασιλεῦσι μήτε Ἀντιπάτρῳ.

τὸ μὲν οὖν πρῶτον περιέλαβε τοὺσ καταπεφευγότασ εἰσ τὸ φρούριον διπλοῖσ τοῖσ τείχεσι καὶ τάφροισ καὶ χαρακώμασι θαυμαστοῖσ·

μετὰ ταῦτα δ’ εἰσ σύλλογον ἐλθὼν Εὐμενεῖ καὶ τὴν προϋπάρχουσαν φιλίαν ἀνανεωσάμενοσ ἔπειθεν αὐτὸν κοινοπραγεῖν. ὁ δὲ εἰδὼσ τὴν τύχην ὀξέωσ μεταβάλλουσαν μείζονασ ᾔτει φιλανθρωπίασ τῆσ περὶ αὐτὸν οὔσησ περιστάσεωσ· ᾤετο γὰρ δεῖν αὐτῷ συγχωρηθῆναι τὰσ ἐξ ἀρχῆσ δεδομένασ σατραπείασ καὶ τῶν ἐγκλημάτων ἁπάντων ἀπόλυσιν.

ὁ δὲ Ἀντίγονοσ περὶ μὲν τούτων ἐπὶ τὸν Ἀντίπατρον τὴν ἀναφορὰν ἐποιήσατο, τοῦ δὲ χωρίου τὴν ἱκανὴν φυλακὴν ἀπολιπὼν ὡρ́μησεν ἐπὶ τοὺσ ἐπιπορευομένουσ ἡγεμόνασ τῶν πολεμίων καὶ δυνάμεισ ἔχοντασ Ἀλκέταν τε τὸν ἀδελφὸν τοῦ Περδίκκου καὶ Ἄτταλον τὸν τοῦ στόλου παντὸσ κυριεύοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 41

(디오도로스 시켈로스, Bibliotheca Historica, Books XVIII-XX, book 18, chapter 41)

상위

목록

SEARCH

MENU NAVIGATION