헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 26)

ἐπ ἄρχοντοσ δ’ Ἀθήνησι Φιλοκλέουσ ἐν Ῥώμῃ κατεστάθησαν ὕπατοι Γάιοσ Σολπίκιοσ καὶ Γάιοσ Αἴλιοσ. ἐπὶ δὲ τούτων Ἀρριδαῖοσ ὁ κατασταθεὶσ ἐπὶ τὴν κατακομιδὴν τοῦ Ἀλεξάνδρου σώματοσ, συντετελεκὼσ τὴν ἁρμάμαξαν ἐφ’ ἧσ ἔδει κατακομισθῆναι τὸ βασιλικὸν σῶμα, παρεσκευάζετο τὰ πρὸσ τὴν κομιδήν. ἐπεὶ δὲ τὸ κατασκευασθὲν ἔργον, ἄξιον ὑπάρχον τῆσ Ἀλεξάνδρου δόξησ, οὐ μόνον κατὰ τὴν δαπάνην διήνεγκε τῶν ἄλλων, ὡσ ἀπὸ πολλῶν ταλάντων κατασκευασθέν, ἀλλὰ καὶ τῇ κατὰ τὴν τέχνην περιττότητι περιβόητον ὑπῆρξε, καλῶσ ἔχειν ὑπολαμβάνομεν ἀναγράψαι περὶ αὐτοῦ.

πρῶτον μὲν γὰρ τῷ σώματι κατεσκευάσθη χρυσοῦν σφυρήλατον ἁρμόζον καὶ τοῦτ’ ἀνὰ μέσον ἐπλήρωσαν ἀρωμάτων τῶν ἅμα δυναμένων τὴν εὐωδίαν καὶ τὴν διαμονὴν παρέχεσθαι τῶ σώματι.

ἐπάνω δὲ τῆσ θήκησ ἐπετέθειτο καλυπτὴρ χρυσοῦσ, ἁρμόζων ἀκριβῶσ καὶ περιλαμβάνων τὴν ἀνωτάτω περιφέρειαν.

ταύτησ δ’ ἐπάνω περιέκειτο φοινικὶσ διαπρεπὴσ χρυσοποίκιλτοσ, παρ’ ἣν ἔθεσαν τὰ τοῦ μετηλλαχότοσ ὅπλα, βουλόμενοι συνοικειοῦν τὴν ὅλην φαντασίαν ταῖσ προκατειργασμέναισ πράξεσι. μετὰ δὲ ταῦτα παρέστησαν τὴν τοῦτο κομιοῦσαν ἁρμάμαξαν, ἧσ κατεσκεύαστο κατὰ μὲν τὴν κορυφὴν καμάρα χρυσῆ, ἔχουσα φολίδα λιθοκόλλητον, ἧσ ἦν τὸ μὲν πλάτοσ ὀκτὼ πηχῶν, τὸ δὲ μῆκοσ δώδεκα, ὑπὸ δὲ τὴν ὑπωροφίαν παρ’ ὅλον τὸ ἔργον θριγκὸσ χρυσοῦσ, τῷ σχήματι τετράγωνοσ, ἔχων τραγελάφων προτομὰσ ἐκτύπουσ, ἐξ ὧν ἤρτηντο κρίκοι χρυσοῖ διπάλαιστοι, δι’ ὧν κατακεκρέμαστο στέμμα πομπικόν, χρώμασι παντοδαποῖσ διαπρεπῶσ κατηνθισμένον.

ἐπὶ δὲ τῶν ἄκρων ὑπῆρχε θύσανοσ δικτυωτόσ, ἔχων εὐμεγέθεισ κώδωνασ, ὥστ’ ἐκ πολλοῦ διαστήματοσ προσπίπτειν τὸν ψόφον τοῖσ ἐγγίζουσι.

κατὰ δὲ τὰσ τῆσ καμάρασ γωνίασ ἐφ’ ἑκάστησ ἦν πλευρᾶσ Νίκη χρυσῆ τροπαιοφόροσ. τὸ δ’ ἐκδεχόμενον τὴν καμάραν περίστυλον χρυσοῦν ὑπῆρχεν, ἔχον Ιὠνικὰ κιονόκρανα. ἐντὸσ δὲ τοῦ περιστύλου δίκτυον ἦν χρυσοῦν, τὸ πάχοσ τῇ πλοκῇ δακτυλιαῖον καὶ πίνακασ παραλλήλουσ ζῳοφόρουσ τέσσαρασ ἴσουσ τοῖσ τοίχοισ ἔχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 26

(디오도로스 시켈로스, Bibliotheca Historica, Books XVIII-XX, book 18, chapter 26)

상위

목록

SEARCH

MENU NAVIGATION