헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 21)

ὁ δὲ Θίβρων τηλικαύτῃ συμφορᾷ περιπεσὼν ὅμωσ ἀντείχετο τοῦ πολέμου, προχειρισάμενοσ δὲ τῶν φίλων τοὺσ εὐθέτουσ ἔπεμψεν εἰσ τὴν Πελοπόννησον ἀναληψομένουσ τῶν ξένων τοὺσ ἐνδιατρίβοντασ περὶ Ταίναρον. ἔτι γὰρ τῶν ἀμισθώτων γενομένων πολλοὶ διεπλανῶντο ζητοῦντεσ τοὺσ μισθοδοτήσοντασ καὶ τότε περὶ Ταίναρον ὑπῆρχον πλείουσ τῶν δισχιλίων καὶ πεντακοσίων. τούτουσ δὲ οἱ πεμφθέντεσ ἀνέλαβον, τὸν δὲ εἰσ Κυρήνην πλοῦν ἐποιοῦντο.

τῆσ δὲ τούτων πρότερον παρουσίασ οἱ μὲν Κυρηναῖοι θαρρήσαντεσ τοῖσ γεγονόσι προτερήμασι μάχην συνῆψαν καὶ νικήσαντεσ τὸν Θίβρωνα πολλοὺσ τῶν στρατιωτῶν ἀπέκτειναν. διὰ δὲ τὰσ ἐλαττώσεισ ὁ Θίβρων ἀπογινώσκων ἤδη τὰ κατὰ τὴν Κυρήνην παραδόξωσ πάλιν ἐθάρρησε.

τῶν γὰρ ἀπὸ Ταινάρου στρατιωτῶν καταπλευσάντων καὶ μεγάλησ αὐτῷ χειρὸσ προσγενομένησ εὐέλπισ ἐγένετο τῇ ψυχῇ. οἱ δὲ Κυρηναῖοι πάλιν θεωροῦντεσ τὸν πόλεμον αὐξόμενον μετεπέμψαντο τὴν συμμαχίαν παρὰ τῶν πλησιοχώρων Λιβύων καὶ παρὰ τῶν Καρχηδονίων, ἀθροίσαντεσ δὲ τοὺσ ἅπαντασ μετὰ τῶν πολιτικῶν στρατιώτασ τρισμυρίουσ ἡτοιμάζοντο παρατάξει περὶ τῶν ὅλων διακριθῆναι.

οἱ δὲ Κυρηναῖοι τῶν στρατηγῶν ἁπάντων ἀνῃρημένων ἐν τῇ μάχῃ τὸν Κρῆτα Μνασικλῆν μεθ’ ἑτέρων εἵλοντο στρατηγόν.

Θίβρων δ’ ἐπαρθεὶσ τῇ νίκῃ τὸν λιμένα τῶν Κυρηναίων ἐπολιόρκησε καὶ τῇ Κυρήνῃ καθ’ ἡμέραν προσβολὰσ ἐποιεῖτο. χρονίζοντοσ δὲ τοῦ πολέμου Κυρηναῖοι μὲν σπανίζοντεσ τροφῆσ ἐστασίασαν πρὸσ ἀλλήλουσ·

ἐπικρατούντων δὲ τῶν δημοτικῶν καὶ τοὺσ κτηματικοὺσ ἐκβαλλόντων οἱ τῆσ πατρίδοσ στερηθέντεσ ἔφυγον οἱ μὲν πρὸσ Θίβρωνα, οἱ δ’ εἰσ Αἴγυπτον. οὗτοι δὲ πείσαντεσ τὸν Πτολεμαῖον κατάγειν αὐτοὺσ ἧκον ἄγοντεσ δύναμιν ἀξιόλογον πεζικήν τε καὶ ναυτικὴν καὶ στρατηγὸν Ὀφέλλαν·

ὧν τὴν παρουσίαν ἀκούσαντεσ οἱ παρὰ τῷ Θίβρωνι φυγάδεσ, νυκτὸσ ἐπιχειρήσαντεσ πρὸσ τούτουσ ἀπιέναι λάθρᾳ, φωραθέντεσ ἅπαντεσ κατεκόπησαν. οἱ δὲ τῆσ Κυρήνησ στρατηγοῦντεσ δημοτικοί, φοβηθέντεσ τὴν τῶν φυγάδων κάθοδον, διελύσαντο πρὸσ τὸν Θίβρωνα καὶ κοινῇ πολεμεῖν πρὸσ τὸν Ὀφέλλαν παρεσκευάζοντο.

Ὀφέλλασ δὲ καταπολεμήσασ τὸν Θίβρωνα καὶ ζωγρήσασ, ἔτι δὲ τῶν πόλεων ἐγκρατὴσ γενόμενοσ παρέδωκε τάσ τε πόλεισ καὶ τὴν χώραν Πτολεμαίῳ τῷ βασιλεῖ.

οἱ μὲν οὖν Κυρηναῖοι καὶ αἱ περιοικοῦσαι πόλεισ τοῦτον τὸν τρόπον ἀποβαλοῦσαι τὴν ἐλευθερίαν ὑπὸ τὴν Πτολεμαϊκὴν βασιλείαν ἐτάχθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 21

(디오도로스 시켈로스, Bibliotheca Historica, Books XVIII-XX, book 18, chapter 21)

상위

목록

SEARCH

MENU NAVIGATION