헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 19)

ἡμεῖσ δ’ ἐπεὶ τὰσ κατὰ τὸν Λαμιακὸν πόλεμον ἐπιτελεσθείσασ πράξεισ διήλθομεν, μεταβησόμεθα πρὸσ τὸν ἐν τῇ Κυρήνῃ γενόμενον πόλεμον, ἵνα μὴ μακρὰν τοῖσ χρόνοισ ἀποπλανῶμεν τὸ σύνεχὲσ τῆσ ἱστορίασ. ἀναγκαῖον δ’ ἐστὶ βραχὺ τοῖσ χρόνοισ προσαναδραμεῖν, ὅπωσ σαφεστέρασ ποιήσωμεν τὰσ κατὰ μέροσ πράξεισ. Ἁρπάλου γὰρ τὸν ἐκ τῆσ Ἀσίασ δρασμὸν ποιησαμένου καὶ καταπλεύσαντοσ εἰσ Κρήτην μετὰ τῶν μισθοφόρων, καθάπερ ἐν τῇ πρὸ ταύτησ βύβλῳ δεδηλώκαμεν, Θίβρων, εἷσ τῶν φίλων νομιζόμενοσ, δολοφονήσασ τὸν Ἅρπαλον κύριοσ ἐγένετο τῶν τε χρημάτων καὶ τῶν στρατιωτῶν, ὄντων ἑπτακισχιλίων.

ὁμοίωσ δὲ καὶ τῶν νεῶν ἐγκρατὴσ γενόμενοσ καὶ τοὺσ στρατιώτασ εἰσ ταύτασ θέμενοσ κατέπλευσεν εἰσ τὴν χώραν τῶν Κυρηναίων.

ἀνειληφὼσ δὲ μεθ’ αὑτοῦ τοὺσ ἐκ τῆσ Κυρήνησ φυγάδασ καὶ τούτουσ ἔχων καθηγουμένουσ τῆσ ἐπιβουλῆσ διὰ τὴν τῶν τόπων ἐμπειρίαν, ἀπαντησάντων τῶν Κυρηναίων καὶ μάχησ γενομένησ ὁ Θίβρων νικήσασ πολλοὺσ μὲν ἀπέκτεινεν, οὐκ ὀλίγουσ δ’ ἐζώγρησε. κυριεύσασ δὲ τοῦ λιμένοσ καὶ πολιορκήσασ καὶ καταπληξάμενοσ τοὺσ Κυρηναίουσ ἠνάγκασεν ὁμολογίασ ποιήσασθαι ὥστε αὐτοὺσ δοῦναι ἀργυρίου τάλαντα πεντακόσια, τῶν δὲ ἁρμάτων τά ἡμίση πρὸσ τὰσ στρατείασ συνεκπέμπειν.

διεπρεσβεύσατο δὲ καὶ πρὸσ τὰσ ἄλλασ πόλεισ, ἀξιῶν συμμαχεῖν ὡσ μέλλοντοσ αὐτοῦ τὴν πλησιόχωρον Λιβύην καταστρέφεσθαι.

διήρπασε δὲ καὶ τῶν ἐμπόρων τὰ καταληφθέντα χρήματα ἐν τῷ λιμένι καὶ τοῖσ στρατιώταισ εἰσ διαρπαγὴν ἔδωκεν, ἐκκαλούμενοσ αὐτῶν τὰσ προθυμίασ εἰσ τὸν πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 19

(디오도로스 시켈로스, Bibliotheca Historica, Books XVIII-XX, book 18, chapter 19)

상위

목록

SEARCH

MENU NAVIGATION