헬라어 문장 검색 - Παυσαν́Δεσξριπ́9́21́

(파우사니아스, Description of Greece, Βοιωτικά, chapter 21)

εἶδον δὲ καὶ ἄλλον Τρίτωνα ἐν τοῖσ Ῥωμαίων θαύμασι, μεγέθει τοῦ παρὰ Ταναγραίοισ ἀποδέοντα. παρέχονται δὲ ἰδέαν οἱ Τρίτωνεσ· ἔχουσιν ἐπὶ τῇ κεφαλῇ κόμην οἱᾶ τὰ βατράχια <τὰ> ἐν ταῖσ λίμναισ χρόαν τε καὶ ὅτι τῶν τριχῶν οὐκ ἂν ἀποκρίναισ μίαν ἀπὸ τῶν ἄλλων, τὸ δὲ λοιπὸν σῶμα φολίδι λεπτῇ πέφρικέ σφισι κατὰ ἰχθὺν ῥίνην. βράγχια δὲ ὑπὸ τοῖσ ὠσὶν ἔχουσι καὶ ῥῖνα ἀνθρώπου, στόμα δὲ εὐρύτερον καὶ ὀδόντασ θηρίου· τὰ δὲ ὄμματα ἐμοὶ δοκεῖν γλαυκὰ καὶ χεῖρέσ εἰσιν αὐτοῖσ καὶ δάκτυλοι καὶ ὄνυχεσ τοῖσ ἐπιθέμασιν ἐμφερεῖσ τῶν κόχλων·

ὑπὸ δὲ τὸ στέρνον καὶ τὴν γαστέρα οὐρά σφισιν ἀντὶ ποδῶν οἱά περ τοῖσ δελφῖσίν ἐστιν. εἶδον δὲ καὶ ταύρουσ τούσ τε Αἰθιοπικούσ, οὓσ ἐπὶ τῷ συμβεβηκότι ὀνομάζουσι ῥινόκερωσ, ὅτι σφίσιν ἐπ’ ἄκρᾳ τῇ ῥινὶ ἓν ἑκάστῳ κέρασ καὶ ἄλλο ὑπὲρ αὐτὸ οὐ μέγα, ἐπὶ δὲ τῆσ κεφαλῆσ οὐδὲ ἀρχὴν κέρατά ἐστι, καὶ τοὺσ ἐκ Παιόνων ‐ οὗτοι δὲ οἱ ἐκ Παιόνων ἔσ τε τὸ ἄλλο σῶμα δασεῖσ καὶ ἀμφὶ τὸ στέρνον μάλιστά εἰσι καὶ τὴν γένυν ‐ καμήλουσ τε Ἰνδικὰσ χρῶμα εἰκασμένασ παρδάλεσιν.

ἔστι δὲ ἄλκη καλούμενον θηρίον, εἶδοσ μὲν ἐλάφου καὶ καμήλου μεταξύ, γίνεται δὲ ἐν τῇ Κελτῶν γῇ.

θηρίων δὲ ὧν ἴσμεν μόνην ἀνιχνεῦσαι καὶ προϊδεῖν οὐκ ἔστιν ἀνθρώπῳ, σταλεῖσι δὲ ἐσ ἄγραν ἄλλων καὶ τήνδε ἐσ χεῖρά ποτε δαίμων ἄγει· ὀσφρᾶται μὲν γὰρ ἀνθρώπου καὶ πολὺ ἔτι ἀπέχουσα, ὥσ φασι, καταδύεται δὲ ἐσ φάραγγασ καὶ σπήλαια τὰ βαθύτατα. οἱ θηρεύοντεσ οὖν, ὁπότε ἐπὶ βραχύτατον, σταδίων τὴν πεδιάδα χιλίων ἢ καὶ ὄροσ περιλαβόντεσ, τὸν κύκλον μὲν οὐκ ἔστιν ὅπωσ διαλύσουσιν, ἐπισυνιόντεσ δὲ ἀεὶ τὰ ἐντὸσ γινόμενα τοῦ κύκλου πάντα αἱροῦσι τά τε ἄλλα καὶ τὰσ ἄλκασ· εἰ δὲ μὴ τύχοι ταύτῃ φωλεύουσα, ἑτέρα γε ἄλκην ἑλεῖν ἐστιν οὐδεμία μηχανή. θηρίον δὲ <τὸ> ἐν τῷ Κτησίου λόγῳ τῷ ἐσ Ἰνδοὺσ ‐ μαρτιχόρα ὑπὸ τῶν Ἰνδῶν, ὑπὸ δὲ Ἑλλήνων φησὶν ἀνδροφάγον λελέχθαι ‐ εἶναι πείθομαι τὸν τίγριν·

ὀδόντασ δὲ αὐτὸ τριστοίχουσ καθ’ ἑκατέραν τὴν γένυν καὶ κέντρα ἐπὶ ἄκρασ ἔχειν τῆσ οὐρᾶσ, τούτοισ δὲ τοῖσ κέντροισ ἐγγύθεν ἀμύνεσθαι καὶ ἀποπέμπειν ἐσ τοὺσ πορρωτέρω τοξότου ἀνδρὸσ ὀιστῷ ἴσον, ταύτην οὐκ ἀληθῆ τὴν φήμην οἱ Ἰνδοὶ δέξασθαι δοκοῦσί μοι παρ’ ἀλλήλων ὑπὸ τοῦ ἄγαν ἐσ τὸ θηρίον δείματοσ.

ἠπατήθησαν δὲ καὶ ἐσ τὴν χρόαν αὐτοῦ, καὶ ὁπότε κατὰ τοῦ ἡλίου φανείη σφίσιν ὁ τίγρισ τὴν αὐγήν, ἐρυθρόσ τ’ ἐδόκει καὶ ὁμόχρουσ ἢ ὑπὸ τῆσ ὠκύτητοσ <ἢ> ‐ εἰ μὴ θέοι ‐ διὰ τὸ ἐν ταῖσ ἐπιστροφαῖσ συνεχέσ, ἄλλωσ τε καὶ οὐκ ἐγγύθεν γινομένησ τῆσ θέασ.

δοκῶ δέ, εἰ καὶ Λιβύησ τισ ἢ τῆσ Ἰνδῶν ἢ Ἀράβων γῆσ ἐπέρχοιτο τὰ ἔσχατα ἐθέλων θηρία ὁπόσα παρ’ Ἕλλησιν ἐξευρεῖν, τὰ μὲν οὐδὲ ἀρχὴν αὐτὸν εὑρήσειν, τὰ δὲ οὐ κατὰ ταὐτὰ ἔχειν φανεῖσθαί οἱ· οὐ γὰρ δὴ ἄνθρωποσ μόνον ὁμοῦ τῷ ἀέρι καὶ τῇ γῇ διαφόροισ οὖσι διάφορον κτᾶται καὶ τὸ εἶδοσ, ἀλλὰ καὶ τὰ λοιπὰ τὸ αὐτὸ ἂν πάσχοι τοῦτο, ἐπεὶ καὶ τὰ θηρία αἱ ἀσπίδεσ τοῦτο μὲν ἔχουσιν αἱ Λίβυσσαι παρὰ τὰσ Αἰγυπτίασ τὴν χρόαν, τοῦτο δὲ ἐν Αἰθιοπίᾳ μελαίνασ τὰσ ἀσπίδασ οὐ μεῖον ἢ καὶ τοὺσ ἀνθρώπουσ ἡ γῆ τρέφει.

οὕτω χρὴ πάντα τινὰ μήτε ἐπίδρομον τὴν γνώμην μήτε ἀπίστωσ ἔχειν ἐσ τὰ σπανιώτερα, ἐπεί τοι καὶ ἐγὼ πτερωτοὺσ ὄφεισ οὐ θεασάμενοσ πείθομαι· <πείθομαι> δὲ ὅτι ἀνὴρ Φρὺξ ἤγαγεν ἐσ Ιὠνίαν σκορπίον ταῖσ ἀκρίσιν ὁμοιότατα πτερὰ ἔχοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 21

(파우사니아스, Description of Greece, Βοιωτικά, chapter 21)

상위

목록

SEARCH

MENU NAVIGATION