헬라어 문장 검색 - Παυσαν́Δεσξριπ́9́18́

(파우사니아스, Description of Greece, Βοιωτικά, chapter 18)

ἐκ Θηβῶν δὲ ὁδὸσ ἐσ Χαλκίδα κατὰ πύλασ ταύτασ ἐστὶ τὰσ Προιτίδασ. τάφοσ δὲ ἐπὶ τῇ λεωφόρῳ δείκνυται Μελανίππου, Θηβαίων ἐν τοῖσ μάλιστα ἀγαθοῦ τὰ πολεμικά· καὶ ἡνίκα ἐπεστράτευσαν οἱ Ἀργεῖοι, Τυδέα ὁ Μελάνιπποσ οὗτοσ καὶ ἀδελφῶν τῶν Ἀδράστου Μηκιστέα ἀπέκτεινε, καί οἱ καὶ αὐτῷ τὴν τελευτὴν ὑπὸ Ἀμφιαράου γενέσθαι λέγουσι. τούτου δὲ ἐγγύτατα τρεῖσ εἰσιν ἀργοὶ λίθοι·

Θηβαίων δὲ οἱ τὰ ἀρχαῖα μνημονεύοντεσ Τυδέα φασὶν εἶναι τὸν ἐνταῦθα κείμενον, ταφῆναι δὲ αὐτὸν ὑπὸ Μαίονοσ, καὶ ἐσ μαρτυρίαν τοῦ λόγου παρέσχον τῶν ἐν Ἰλιάδι ἔποσ Τυδέοσ, ὃν Θήβῃσι χυτὴ κατὰ γαῖα καλύπτει. ἑξῆσ δέ ἐστι τῶν Οἰδίποδοσ παίδων μνήματα·

<καὶ τὰ> ἐπ’ αὐτοῖσ δρώμενα οὐ θεασάμενοσ πιστὰ ὅμωσ ὑπείληφα εἶναι. φασὶ γὰρ καὶ ἄλλοισ οἱ Θηβαῖοι τῶν καλουμένων ἡρώων καὶ τοῖσ παισὶν ἐναγίζειν τοῖσ Οἰδίποδοσ· τούτοισ δὲ ἐναγιζόντων αὐτῶν τὴν φλόγα, ὡσαύτωσ δὲ καὶ τὸν ἀπ’ αὐτῆσ καπνὸν διχῇ διίστασθαι. ἐμὲ δὲ ἐπηγάγοντο ὧν λέγουσιν ἐσ πίστιν ἰδόντα ἄλλο τοιόνδε. ἐν Μυσίᾳ τῇ ὑπὲρ Καί̈κου πόλισμά ἐστι Πιονίαι, τὸν δὲ οἰκιστὴν οἱ ἐνταῦθα Πίονιν τῶν τινα ἀπογόνων τῶν Ἡρακλέουσ φασὶν εἶναι·

μελλόντων δὲ ἐναγίζειν αὐτῷ καπνὸσ αὐτόματοσ ἄνεισιν ἐκ τοῦ τάφου. ταῦτα μὲν οὖν συμβαίνοντα εἶδον, Θηβαῖοι δὲ καὶ Τειρεσίου μνῆμα ἀποφαίνουσι, πέντε μάλιστα καὶ δέκα ἀπωτέρω σταδίοισ ἢ Οἰδίποδοσ τοῖσ παισίν ἐστιν ὁ τάφοσ· συμβῆναι Τειρεσίᾳ τὴν τελευτὴν ἐν τῇ Ἁλιαρτίᾳ, τὸ παρὰ σφίσιν ἐθέλουσιν εἶναι κενὸν μνῆμα.

ἔστι δὲ καὶ Ἕκτοροσ Θηβαίοισ τάφοσ τοῦ Πριάμου πρὸσ Οἰδιποδίᾳ καλουμένῃ κρήνῃ, κομίσαι δὲ αὐτοῦ τὰ ὀστᾶ ἐξ Ἰλίου φασὶν ἐπὶ τοιῷδε μαντεύματι·

Θηβαῖοι Κάδμοιο πόλιν καταναιετάοντεσ,αἴ κ’ ἐθέλητε πάτραν οἰκεῖν σὺν ἀμύμονι πλούτῳ,Ἕκτοροσ ὀστέα Πριαμίδου κομίσαντεσ ἐσ οἴκουσἐξ Ἀσίησ Διὸσ ἐννεσίῃσ’ ἡρ́ωα σέβεσθαι. τῇ δὲ Οἰδιποδίᾳ κρήνῃ τὸ ὄνομα ἐγένετο, ὅτι ἐσ αὐτὴν τὸ αἷμα ἐνίψατο Οἰδίπουσ τοῦ πατρῴου φόνου.

πρὸσ δὲ τῇ πηγῇ τάφοσ ἐστὶν Ἀσφοδίκου· καὶ ὁ Ἀσφόδικοσ οὗτοσ ἀπέκτεινεν ἐν τῇ μάχῃ τῇ πρὸσ Ἀργείουσ Παρθενοπαῖον τὸν Ταλαοῦ, καθὰ οἱ Θηβαῖοι λέγουσιν, ἐπεὶ τά γε ἐν Θηβαί̈δι ἔπη τὰ ἐσ τὴν Παρθενοπαίου τελευτὴν Περικλύμενον τὸν ἀνελόντα φησὶν εἶναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 18

(파우사니아스, Description of Greece, Βοιωτικά, chapter 18)

상위

목록

SEARCH

MENU NAVIGATION