헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 69)

ταῦτ’ εἰπὼν ἐπαύσατο. ἐπεὶ δ’ αἱ τῶν πρεσβυτέρων γνῶμαι τῇ Μενηνίου προσέθεντο, καὶ καθῆκεν ὁ λόγοσ ἐπὶ τοὺσ νεωτέρουσ, ὀρθῆσ οὔσησ ἁπάσησ τῆσ βουλῆσ ἀνίσταται Σπόριοσ Ναύτιοσ, οἰκίασ ἐν τοῖσ πάνυ λαμπροτάτησ διάδοχοσ· ὁ γὰρ ἡγεμὼν αὐτῶν τοῦ γένουσ Ναύτιοσ ἀπὸ τῶν σὺν Αἰνείᾳ στειλάντων τὴν ἀποικίαν, ὃσ ἦν Ἀθηνᾶσ ἱερεὺσ Πολιάδοσ καὶ τὸ ξόανον ἀπηνέγκατο τῆσ θεᾶσ μετανιστάμενοσ, ὃ διεφύλαττον ἄλλοι παρ’ ἄλλων μεταλαμβάνοντεσ οἱ τοῦ γένουσ ὄντεσ τοῦ Ναυτίων·

ὃσ ἐδόκει καὶ διὰ τὴν οἰκείαν ἀρετὴν λαμπρότατοσ εἶναι τῶν νέων, καὶ οὐκ εἰσ μακρὰν τῆσ ὑπατικῆσ ἐξουσίασ τεύξεσθαι. ἀρξάμενοσ δ’ ἀπολογεῖσθαι κοινὴν ἀπολογίαν ὑπὲρ ἁπάντων τῶν νέων, ὡσ οὔτε φιλονεικίᾳ τῇ πρὸσ τοὺσ πατέρασ οὔτε αὐθαδείᾳ χρησαμένων, ὅτε τὴν ἐναντίαν ἔσχον ἐν τῇ προτέρᾳ βουλῇ προαίρεσιν, ἀλλ’ εἴπερ ἄρα ἡμάρτανον διὰ τὴν ἡλικίαν γνώμῃ σφαλέντων, τελευτῶν ἔφη τὸ πιστὸν τούτου παρέξεσθαι τὴν μεταβολήν.

συγχωρεῖν γοῦν αὐτοῖσ ὡσ ἄμεινον φρονοῦσιν ἐπιψηφίζεσθαι πᾶν, ὅ τι ἂν ἡγῶνται τῷ κοινῷ συμφέρειν, ὡσ οὐδὲν σφῶν γε πρὸσ ταῦτ’ ἐναντιωσομένων, ἀλλὰ πεισομένων τοῖσ πρεσβυτέροισ. ὅμοια δὲ τούτῳ καὶ τῶν ἄλλων νέων ἀποφηναμένων ἐκτὸσ ὀλίγων τινῶν πάνυ τῶν Ἀππίου συγγενῶν ἐπαινέσαντεσ τὴν εὐκοσμίαν αὐτῶν οἱ ὕπατοι καὶ παρακαλέσαντεσ εἰσ πάντα τὰ κοινὰ τοιούτουσ ἑαυτοὺσ παρέχειν πρεσβευτὰσ εἵλοντο δέκα τοὺσ ἐπιφανεστάτουσ τῶν πρεσβυτέρων, ἐκτὸσ ἑνὸσ ἅπαντασ ὑπατικούσ.

οἱ δ’ ἀποδειχθέντεσ ἦσαν οἵδε· Ἀγρίππασ Μενήνιοσ Γαϊού υἱὸσ Λαινάτησ, Μάνιοσ Οὐαλέριοσ Οὐολούσσου υἱὸσ . . . Ποπλίου υἱὸσ .

. . Πόπλιοσ Ποστούμιοσ Κοίντου υἱὸσ Τούβερτοσ, Τῖτοσ Αἰβούτιοσ Τίτου υἱὸσ Φλαούιοσ, Σέρβιοσ Σολπίκιοσ Ποπλίου υἱὸσ Καμερῖνοσ, Αὖλοσ Ποστούμιοσ Ποπλίου υἱὸσ Βάλβοσ, Αὖλοσ Οὐεργίνιοσ Αὔλου υἱὸσ Καιλιμοντανόσ. μετὰ ταῦτα τῆσ βουλῆσ διαλυθείσησ οἱ μὲν ὕπατοι προελθόντεσ εἰσ ἐκκλησίαν τὸ δόγμα τῆσ βουλῆσ ἀνέγνωσαν καὶ τοὺσ πρεσβευτὰσ παρήγαγον·

ἁπάντων δ’ ἀξιούντων τὰσ ἐντολάσ, ἃσ ἔδωκαν αὐτοῖσ, μαθεῖν, εἶπον ἐν τῷ φανερῷ, πράττειν, ὅτῳ ἂν τρόπῳ δύνωνται, φιλίαν τῷ δήμῳ συνθέσθαι πρὸσ τοὺσ πατρικίουσ ἄτερ δόλου καὶ ἀπάτησ καὶ καταγαγεῖν τοὺσ φεύγοντασ ἐπὶ τὰ σφέτερα ἐν τάχει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 69

(디오니시오스, Antiquitates Romanae, Books IV-VI, book 6, chapter 69)

상위

목록

SEARCH

MENU NAVIGATION