헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 42)

ταῦτ’ εἰπόντοσ αὐτοῦ πᾶσ ὁ δῆμοσ ἄσμενοσ ἀκούσασ ὡσ οὐδὲν ἔτι φενακισθησόμενοσ ὑπέσχετο συνάρασθαι τοῦ πολέμου, καὶ γίνεται δέκα στρατιωτικὰ τάγματα, ἐξ ἀνδρῶν τετρακισχιλίων ἕκαστον. τούτων τρία μὲν ἑκάτεροσ τῶν ὑπάτων ἔλαβε καὶ τῶν ἱππέων ὅσον ἑκάστῳ προσεμερίσθη· τὰ δὲ τέτταρα καὶ τοὺσ λοιποὺσ ἱππεῖσ ὁ δικτάτωρ.

καὶ αὐτίκα παρασκευασάμενοι ᾤχοντο διὰ τάχουσ ἐπὶ μὲν Αἰκανοὺσ Τῖτοσ Οὐετούριοσ, ἐπὶ δ’ Οὐολούσκουσ Αὖλοσ Οὐεργίνιοσ, αὐτὸσ δ’ ὁ δικτάτωρ Οὐαλέριοσ ἐπὶ Σαβίνουσ, τὴν δὲ πόλιν ἅμα τοῖσ γεραιτέροισ καὶ ὀλίγῳ τινὶ στρατεύματι ἀκμαίῳ Τῖτοσ Λάρκιοσ ἐφύλαττεν. ὁ μὲν οὖν Οὐολούσκων πόλεμοσ ταχεῖαν τὴν κρίσιν ἔλαβε·

πλήθει γὰρ ὑπεραίρειν πολὺ νομίσαντεσ τῶν προτέρων κακῶν ἀναμνησθέντεσ, ἀγωνισταὶ ταχίουσ ἢ φρονιμώτεροι ἀναγκασθέντεσ γενέσθαι θᾶττον πρῶτοι ὡρ́μησαν ἐπὶ τοὺσ Ῥωμαίουσ, ἡνίκα ὤφθησαν ἐν συνόψει στρατοπεδεύσαντεσ. γενομένησ δὲ μάχησ καρτερᾶσ πολλὰ μὲν δράσαντεσ γενναῖα, πλείω δὲ τὰ δεινὰ ὑπομείναντεσ εἰσ φυγὴν τρέπονται, καὶ ὅ τε χάραξ αὐτῶν ἑάλω καὶ πόλισ ἐπιφανὴσ ἐκ πολιορκίασ παρέστη· ὄνομα αὐτῇ.

ὁμοίωσ δὲ καὶ τὸ Σαβίνων φρόνημα ἐν ὀλίγῳ πάνυ ἐταπεινώθη χρόνῳ μιᾷ παρατάξει ἐξ ἀμφοτέρων βουληθέντων ἐπικρατεῖν. ἔπειτα ἥ τε χώρα προὐνομεύθη, καὶ πολίχναι τινὲσ ἑάλωσαν, ἐξ ὧν πολλὰ καὶ σώματα καὶ χρήματα οἱ στρατιῶται ἔλαβον. Αἰκανοὶ δὲ τὰ τῆσ ἀσθενείασ ἑαυτῶν ὑφορῶντεσ ἐπεὶ τὰ τῶν συμμάχων τέλοσ ἔχοντα ἐπύθοντο, χωρίοισ τ’ ἐχυροῖσ ἐπεκάθηντο καὶ εἰσ μάχασ οὐ προῄεσαν, τάσ τ’ ἀποχωρήσεισ, ὅπῃ ἐδύναντο, δι’ ὀρῶν ἢ δρυμῶν κρυφαίασ ἐποιοῦντο, καὶ διέτριψαν μὲν ἄχρι τινὸσ διαφέροντεσ τὸν πόλεμον·

οὐ μέντοιγε διασώσασθαι ἀθῶον τὴν στρατιὰν ἐδυνήθησαν ἐπιθεμένων αὐτοῖσ τῶν Ῥωμαίων ἐν χωρίοισ κρημνώδεσι τολμηρῶσ καὶ λαβόντων τὸ στρατόπεδον κατὰ κράτοσ. ἔπειτα φυγή τ’ αὐτῶν ἐκ τῆσ Λατίνων γῆσ ἐγένετο καὶ παραδόσεισ τῶν πόλεων, ἃσ ἔτυχον αὑτῶν τῇ πρώτῃ ἐφόδῳ καταλαβόμενοι, εἰσὶ δ’ ὧν καὶ ἐκ φιλονεικίασ οὐκ ἐκλιπόντων τὰσ ἄκρασ ἁλώσεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 42

(디오니시오스, Antiquitates Romanae, Books IV-VI, book 6, chapter 42)

상위

목록

SEARCH

MENU NAVIGATION