헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 28)

ταῦθ’ ὁρῶντεσ οἱ βουλευταὶ τὸν ἕτερον τῶν ὑπάτων Σερουίλιον, ὃσ ἐν τῷ παρόντι πιθανώτεροσ εἶναι τοῖσ πολλοῖσ ἐδόκει, βοηθεῖν ἐδέοντο τῇ πατρίδι. ὁ δὲ συγκαλέσασ τὸν δῆμον εἰσ τὴν ἀγορὰν τοῦ παρόντοσ καιροῦ τὴν ἀνάγκην ἐπεδείκνυεν οὐκέτι προσδεχομένην πολιτικὰσ φιλονεικίασ καὶ ἠξίου νῦν μὲν ὁμόσε τοῖσ πολεμίοισ χωρεῖν κοινῇ γνώμῃ χρησαμένουσ καὶ μὴ περιιδεῖν ἀνάστατον τὴν πατρίδα γινομένην, ἐν ᾗ θεοὶ πατρῷοι καὶ θῆκαι προγόνων ἑκάστοισ ἦσαν, ἃ τιμιώτατά ἐστι πᾶσιν ἀνθρώποισ· καὶ ἀφορήτουσ ὕβρεισ ἀναγκασθησομένασ ὑπομενεῖν, μάλιστα δὲ παίδων ἔτι νηπίων οὐκ ἐπὶ τοιαύταισ ἐλπίσιν ἀνατραφέντων οἰκτεῖραι λώβασ καὶ προπηλακισμοὺσ ἀνηλεεῖσ·

ὅταν δὲ τὸν παρόντα κίνδυνον ἅπαντεσ ὁμοίαισ προθυμίαισ χρησάμενοι παραλύσωνται, τότε δὴ σκοπεῖν, τίνα τρόπον ἴσην καὶ κοινὴν καὶ σωτήριον ἅπασι τὴν πολιτείαν καταστήσονται, μήτε τῶν πενήτων ἐπιβουλευόντων ταῖσ τῶν πλουσίων οὐσίαισ μήτ’ ἐκείνων προπηλακιζόντων τοὺσ ταῖσ τύχαισ ταπεινοτέρουσ·

ἥκιστα γὰρ εἶναι ταῦτα πολιτικά· ἀλλὰ καὶ τοῖσ ἀπόροισ ἐπικουρία τισ ἔσται πολιτική, καὶ τοῖσ συμβάλλουσι τὰ χρέα βοήθεια μετρία τοῖσ γοῦν ἀδικουμένοισ, καὶ τὸ κράτιστον τῶν ἐν ἀνθρώποισ ἀγαθῶν καὶ πάσασ φυλάττον ἐν ὁμονοίᾳ τὰσ πόλεισ, πίστισ ἐπὶ συναλλαγαῖσ, οὐχ ἅπασα καὶ διὰ παντὸσ ἐκ μόνησ ἀναιρεθήσεται τῆσ Ῥωμαίων πόλεωσ. ταῦτα καὶ ὅσα ἄλλα ἐν τοιούτῳ καιρῷ λεχθῆναι προσῆκε διεξελθὼν τελευτῶν ὑπὲρ τῆσ ἰδίασ εὐνοίασ, ἣν ἔχων διετέλει πρὸσ τὸν δῆμον, ἀπελογεῖτο, καὶ ἠξίου συνάρασθαι τῆσ στρατείασ αὐτῷ ταύτησ, ἀνθ’ ὧν πρόθυμοσ εἰσ αὐτοὺσ ἦν, τῆσ μὲν κατὰ πόλιν ἐπιμελείασ τῷ συνάρχοντι προσηκούσησ, ἑαυτῷ δὲ τῆσ ἡγεμονίασ τῶν πολέμων ἀποδεδομένησ·

ταύτασ γὰρ τὰσ τύχασ αὐτοῖσ βραβεῦσαι τὸν κλῆρον.

ὑπεσχῆσθαι δ’ αὑτῷ ἔφη τὴν βουλὴν ἐμπεδώσειν, ὅ τι ἂν διομολογήσηται τῷ πλήθει, αὑτὸν δ’ ἐκείνοισ, πείσειν τοὺσ δημότασ μὴ προδώσειν τοῖσ πολεμίοισ τὴν πατρίδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 28

(디오니시오스, Antiquitates Romanae, Books IV-VI, book 6, chapter 28)

상위

목록

SEARCH

MENU NAVIGATION