헬라어 문장 검색 - Διονψσ́Αντιθυί1́89́

(디오니시오스, Antiquitates Romanae, book 1, chapter 89)

ἃ μὲν οὖν ἐμοὶ δύναμισ ἐγένετο σὺν πολλῇ φροντίδι ἀνευρεῖν Ἑλλήνων τε καὶ Ῥωμαίων συχνὰσ ἀναλεξαμένῳ γραφὰσ ὑπὲρ τοῦ τῶν Ῥωμαίων. γένουσ, τοιάδ’ ἐστίν. ὥστε θαρρῶν ἤδη τισ ἀποφαινέσθω πολλὰ χαίρειν φράσασ τοῖσ βαρβάρων καὶ δραπετῶν καὶ ἀνεστίων ἀνθρώπων καταφυγὴν τὴν Ῥώμην ποιοῦσιν Ἑλλάδα πόλιν αὐτήν, ἀποδεικνύμενοσ μὲν κοινοτάτην τε πόλεων καὶ φιλανθρωποτάτην, ἐνθυμούμενοσ. ὅτι τὸ μὲν τῶν Ἀβοριγίνων φῦλον Οἰνωτρικὸν ἦν, τοῦτο δὲ Ἀρκαδικόν·

μεμνημένοσ δὲ τῶν συνοικησάντων αὐτοῖσ Πελασγῶν, οἳ Θετταλίαν καταλιπόντεσ Ἀργεῖοι τὸ γένοσ ὄντεσ εἰσ Ἰταλίαν ἀφίκοντο·

Εὐάνδρου τε αὖ καὶ Ἀρκάδων ἀφίξεωσ, οἳ περὶ τὸ Παλλάντιον ᾤκησαν, Ἀβοριγίνων αὐτοῖσ παρασχόντων τὸ χωρίον· ἔτι δὲ Πελοποννησίων τῶν σὺν Ἡρακλεῖ παραγενομένων, οἳ κατῴκησαν ἐπὶ τοῦ Σατορνίου· τελευταῖον δὲ τῶν ἀπαναστάντων ἐκ τῆσ Τρωάδοσ καὶ συγκερασθέντων τοῖσ προτέροισ. τούτων γὰρ ἂν οὐδὲν εὑρ́οι τῶν ἐθνῶν οὔτε ἀρχαιότερον οὔτε Ἑλληνικώτερον. αἱ δὲ τῶν βαρβάρων ἐπιμιξίαι, δι’ ἃσ ἡ πόλισ πολλὰ τῶν ἀρχαίων ἐπιτηδευμάτων ἀπέμαθε, σὺν χρόνῳ ἐγένοντο.

καὶ θαῦμα μὲν τοῦτο πολλοῖσ ἂν εἶναι δόξειε τὰ εἰκότα λογισαμένοισ, πῶσ οὐχ ἅπασα ἐξεβαρβαρώθη Ὀπικούσ τε ὑποδεξαμένη καὶ Μαρσοὺσ καὶ· Σαυνίτασ καὶ Τυρρηνοὺσ καὶ Βρεττίουσ Ὀμβρικῶν τε καὶ Λιγύων καὶ Ἰβήρων καὶ Κελτῶν συχνὰσ μυριάδασ ἄλλα τε πρὸσ τοῖσ εἰρημένοισ ἔθνη τὰ μὲν ἐξ αὐτῆσ Ἰταλίασ, τὰ δ’ ἐξ ἑτέρων ἀφιγμένα τόπων μυρία ὅσα οὔτε ὁμόγλωττα οὔτε ὁμοδίαιτα, ὧν καὶ βίουσ σύγκλυδασ ἀναταραχθέντασ ἐκ τοσαύτησ διαφωνίασ πολλὰ τοῦ παλαιοῦ κόσμου τῆσ πόλεωσ νεοχμῶσαι εἰκὸσ ἦν·

τοὺσ ἐπιεικεῖσ, ᾧ μάλιστα διαλλάσσει φύσισ Ἑλλὰσ βαρβάρου, μήτε τῶν ἄλλων συμβολαίων μηδ’ ὁτιοῦν.

ἀποχρῶσι δὲ τὸν λόγον τόνδε Ἀχαιῶν οἱ περὶ τὸν Πόντον ᾠκημένοι τεκμηριῶσαι, Ἠλείων μὲν ἐκ τοῦ Ἑλληνικωτάτου γενόμενοι, βαρβάρων δὲ συμπάντων τῶν νῦν ὄντεσ ἀγριώτατοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 89

(디오니시오스, Antiquitates Romanae, book 1, chapter 89)

상위

목록

SEARCH

MENU NAVIGATION