헬라어 문장 검색 - Διονψσ́Αντιθυί1́81́

(디오니시오스, Antiquitates Romanae, book 1, chapter 81)

ὡσ δὲ ταῦτα κράτιστα εἶναι ἔδοξε συγκαλέσασ τοὺσ κωμήτασ ἅπαντασ ὁ Ῥωμύλοσ καὶ δεηθεὶσ εἰσ τὴν Ἄλβαν ἐπείγεσθαι διαταχέων μὴ κατὰ τὰσ αὐτὰσ πύλασ ἅπαντασ μηδ’ ἀθρόουσ εἰσιόντασ, μή τισ ὑπόνοια πρὸσ τοὺσ ἐν τῇ πόλει γένηται, καὶ περὶ τὴν ἀγορὰν ὑπομένοντασ ἑτοίμουσ εἶναι δρᾶν τὸ κελευόμενον, ἀπῄει πρῶτοσ εἰσ τὴν πόλιν. οἱ δὲ τὸν Ῥῶμον ἄγοντεσ ἐπειδὴ κατέστησαν ἐπὶ τὸν βασιλέα, τάσ τε ὕβρεισ ἁπάσασ, ὅσασ ἦσαν ὑβρισμένοι πρὸσ τῶν μειρακίων, κατηγόρουν καὶ τοὺσ τραυματίασ σφῶν ἐπεδείκνυσαν τιμωρίασ εἰ μὴ τεύξονται καταλείψειν προλέγοντεσ τὰ βουφόρβια.

Ἀμόλιοσ δὲ τοῖσ χωρίταισ κατὰ πλῆθοσ ἐληλυθόσι χαρίζεσθαι βουλόμενοσ καὶ τῷ Νεμέτορι ̔παρὼν γὰρ ἐτύγχανε συναγανακτῶν τοῖσ πελάταισ’ εἰρήνην τε ἀνὰ τὴν χώραν σπεύδων εἶναι καὶ ἅμα καὶ τὸ αὔθαδεσ τοῦ μειρακίου, ὡσ ἀκατάπληκτον ἦν ἐν τοῖσ λόγοισ, δι’ ὑποψίασ λαμβάνων καταψηφίζεται τὴν δίκην· τῆσ δὲ τιμωρίασ τὸν Νεμέτορα ποιεῖ κύριον εἰπών, ὡσ τῷ δράσαντι δεινὰ τὸ ἀντιπαθεῖν οὐ πρὸσ ἄλλου τινὸσ μᾶλλον ἢ τοῦ πεπονθότοσ ὀφείλεται. ἀκολουθῶν ὁ Νεμέτωρ τοῦ τε σώματοσ τὴν εὐπρέπειαν ἀπεθαύμαζεν, ὡσ πολὺ τὸ βασιλικὸν εἶχε, καὶ τοῦ φρονήματοσ τὴν εὐγένειαν ἐνεθυμεῖτο, ἣν καὶ παρὰ τὰ δεινὰ διέσωσεν οὐ πρὸσ οἶκτον οὐδὲ λιπαρήσεισ, ὡσ ἅπαντεσ ἐν ταῖσ τοιαῖσδε ποιοῦσι τύχαισ, τραπόμενοσ, ἀλλὰ σὺν εὐκόσμῳ σιωπῇ πρὸσ τὸν μόρον ἀπιών.

ὡσ δ’ εἰσ τὴν οἰκίαν ἀφίκοντο μεταστῆναι τοὺσ ἄλλουσ κελεύσασ μονωθέντα τὸν Ῥῶμον ἤρετο τίσ εἰή καὶ τίνων, ὡσ οὐκ ἂν ἐκ τῶν τυχόντων γε ἄνδρα τοιοῦτον γενόμενον.

εἰπόντοσ δὲ τοῦ Ῥώμου τοσοῦτον εἰδέναι μόνον κατὰ πύστιν τοῦ τρέφοντοσ, ὅτι σὺν ἀδελφῷ διδύμῳ ἐκτεθείη βρέφοσ εἰσ νάπην εὐθὺσ ἀπὸ γονῆσ καὶ πρὸσ τῶν νομέων ἀναιρεθεὶσ ἐκτραφείη, βραχὺν ἐπισχὼν χρόνον εἴτε ὑποτοπηθείσ τι τῶν ἀληθῶν εἴτε τοῦ δαίμονοσ ἄγοντοσ εἰσ τοὐμφανὲσ τὸ πρᾶγμα λέγει πρὸσ αὐτόν· ὅτι μὲν ἐπ’ ἐμοὶ γέγονασ, ὦ Ρ̓ῶμε, παθεῖν ὅ τι ἂν δικαιώσω, καὶ ὡσ περὶ πολλοῦ ποιήσαιντ’ ἂν οἱ κομίσαντέσ σε δεῦρο πολλὰ καὶ δεινὰ παθόντεσ ἀποθανεῖν, οὐδὲν δεῖ πρὸσ εἰδότα λέγειν.

εἰ δέ σε θανάτου τε καὶ ἄλλου παντὸσ ἐκλυσαίμην κακοῦ, ἆρ’ ἂν εἰδείησ μοι χάριν καὶ δεομένῳ ὑπουργήσειασ ὃ κοινὸν ἀμφοῖν ἔσται ἀγαθόν;

ἀποκριναμένου δὲ τοῦ μειρακίου ὁπόσα τοὺσ ἐν ἀπογνώσει βίου κειμένουσ ἡ τοῦ σωθήσεσθαι ἐλπὶσ τοῖσ κυρίοισ τούτου λέγειν καὶ ὑπισχνεῖσθαι ἐπαίρει, λῦσαι κελεύσασ αὐτὸν ὁ Νεμέτωρ καὶ πάντασ ἀπελθεῖν ἐκποδῶν φράζει τὰσ αὑτοῦ τύχασ, ὡσ Ἀμόλιοσ αὐτὸν ἀδελφὸσ ὢν ἀπεστέρησε τῆσ βασιλείασ ὀρφανόν τε τέκνων ἔθηκε, τὸν μὲν ἐπὶ θήρᾳ κρύφα διαχειρισάμενοσ, τὴν δ’ ἐν εἱρκτῇ δεδεμένην φυλάττων, τά τε ἄλλα ὁπόσα δεσπότησ χρώμενοσ δούλῳ λωβᾶται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 81

(디오니시오스, Antiquitates Romanae, book 1, chapter 81)

상위

목록

SEARCH

MENU NAVIGATION