헬라어 문장 검색 - Διονψσ́Αντιθυί1́80́

(디오니시오스, Antiquitates Romanae, book 1, chapter 80)

ὡσ δὲ Τουβέρων Αἴλιοσ δεινὸσ ἀνὴρ καὶ περὶ τὴν συναγωγὴν τῆσ ἱστορίασ ἐπιμελὴσ γράφει, προειδότεσ οἱ τοῦ Νεμέτοροσ θύσοντασ τὰ Λύκαια τοὺσ νεανίσκουσ τῷ Πανὶ τὴν Ἀρκαδικὴν ὡσ Εὐάνδροσ κατεστήσατο θυσίαν ἐνήδρευσαν τὸν καιρὸν ἐκεῖνον τῆσ ἱερουργίασ, ἡνίκα χρῆν τοὺσ περὶ τὸ Παλλάντιον οἰκοῦντασ τῶν νέων ἐκ τοῦ Λυκαίου τεθυκότασ περιελθεῖν δρόμῳ τὴν κώμην γυμνοὺσ ὑπεζωσμένουσ τὴν αἰδῶ ταῖσ δοραῖσ τῶν νεοθύτων. τοῦτο δὲ καθαρμόν τινα τῶν κωμητῶν πάτριον ἐδύνατο, ὡσ καὶ νῦν ἔτι δρᾶται. ἐν δὴ τούτῳ τῷ χρόνῳ τοὺσ ἱεροποιοὺσ νεανίσκουσ οἱ βουκόλοι λοχήσαντεσ κατὰ τὸ στενόπορον τῆσ ὁδοῦ, ἐπειδὴ τὸ πρῶτον τάγμα τὸ σὺν τῷ Ῥώμῳ κατ’ αὐτοὺσ ἐγένετο, τῶν ἀμφὶ Ῥωμύλον τε καὶ ἄλλων ὑστεριζόντων ̔τριχῇ γὰρ ἐνενέμηντο καὶ ἐκ διαστήματοσ ἔθεον’ οὐ περιμείναντεσ τοὺσ λοιποὺσ ὁρμῶσιν ἐπὶ τοὺσ πρώτουσ ἐμβοήσαντεσ ἀθρόοι καὶ περιστάντεσ ἔβαλλον οἱ μὲν ἀκοντίοισ, οἱ δὲ λίθοισ, οἱ δ’ ὡσ ἕκαστοί τι διὰ χειρὸσ εἶχον.

οἱ δ’ ἐκπλαγέντεσ τῷ παραδόξῳ τοῦ πάθουσ καὶ ἀμηχανοῦντεσ ὅ τι δράσειαν πρὸσ ὡπλισμένουσ ἄνοπλοι μαχόμενοι κατὰ πολλὴν εὐπέτειαν ἐχειρώθησαν.

ὁ μὲν οὖν Ῥῶμοσ ἐπὶ τοῖσ πολεμίοισ γενόμενοσ οὕτωσ, εἴθ’ ὡσ ὁ Φάβιοσ παραδέδωκε δέσμιοσ εἰσ τὴν Ἄλβαν ἀπήγετο.

Ῥωμύλοσ δ’ ἐπειδὴ τὸ περὶ τὸν ἀδελφὸν ἔγνω πάθοσ, διώκειν εὐθὺσ ᾤετο δεῖν τοὺσ ἀκμαιοτάτουσ ἔχων τῶν νομέων, ὡσ ἔτι κατὰ τὴν ὁδὸν ὄντα καταληψόμενοσ τὸν Ῥῶμον· ἀποτρέπεται δ’ ὑπὸ τοῦ Φαιστύλου. ἔμπροσθεν χρόνον ἀπόρρητα ποιούμενοσ τοῖσ μειρακίοισ διετέλεσεν, ὡσ μὴ θᾶττον ὁρμήσωσι παρακινδυνεῦσαί τι πρὶν ἐν τῷ κρατίστῳ τῆσ ἀκμῆσ γενέσθαι, τότε δὴ πρὸσ τῆσ ἀνάγκησ βιασθεὶσ μονωθέντι τῷ Ῥωμύλῳ λέγει.

μαθόντι δὲ τῷ νεανίσκῳ πᾶσαν ἐξ ἀρχῆσ τὴν κατασχοῦσαν αὐτοὺσ τύχην τῆσ τε μητρὸσ οἶκτοσ εἰσέρχεται καὶ Νεμέτοροσ φροντίσ, καὶ πολλὰ βουλευσαμένῳ μετὰ τοῦ Φαιστύλου τῆσ μὲν αὐτίκα ὁρμῆσ ἐπισχεῖν ἐδόκει, πλείονι δὲ παρασκευῇ δυνάμεωσ χρησάμενον ὅλον ἀπαλλάξαι τὸν οἶκον τῆσ Ἀμολίου παρανομίασ κίνδυνόν τε τὸν ἔσχατον ὑπὲρ τῶν μεγίστων ἄθλων ἀναρρῖψαι, πράττειν δὲ μετὰ τοῦ μητροπάτοροσ ὅ τι ἂν ἐκείνῳ δοκῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, book 1, chapter 80

(디오니시오스, Antiquitates Romanae, book 1, chapter 80)

상위

목록

SEARCH

MENU NAVIGATION