헬라어 문장 검색 - Διονψσ́Αντιθυί1́73́

(디오니시오스, Antiquitates Romanae, book 1, chapter 73)

ἔχων δὲ πολλοὺσ καὶ ἄλλουσ τῶν Ἑλληνικῶν παρέχεσθαι συγγραφέων, οἳ διαφόρουσ ἀποφαίνουσι τοὺσ οἰκιστὰσ τῆσ πόλεωσ, ἵνα μὴ δόξω μακρηγορεῖν ἐπὶ τοὺσ Ῥωμαίων ἐλεύσομαι συγγραφεῖσ. παλαιὸσ μὲν οὖν οὔτε συγγραφεὺσ οὔτε λογογράφοσ ἐστὶ Ῥωμαίων οὐδὲ εἷσ· ἐκ παλαιῶν μέντοι λόγων ἐν ἱεραῖσ δέλτοισ σωζομένων ἕκαστόσ τι παραλαβὼν ἀνέγραψεν.

τούτων δέ τινεσ μὲν Αἰνείου γενέσθαι υἱοὺσ λέγουσι Ῥωμύλον τε καὶ Ῥῶμον τοὺσ οἰκιστὰσ τῆσ Ῥώμησ, ἕτεροι δὲ θυγατρὸσ Αἰνείου παῖδασ, ὅτου δὲ πατρὸσ οὐκέτι διορίζοντεσ·

δοθῆναι δ’ αὐτοὺσ ὑπ’ Αἰνείου Λατίνῳ τῷ βασιλεῖ τῶν Ἀβοριγίνων ὁμηρεύσοντασ, ὅτε καὶ αἱ πίστεισ τοῖσ ἐπιχωρίοισ πρὸσ τοὺσ ἐπήλυδασ ἐγένοντο. ἀσπαζόμενον δὲ αὐτοὺσ Λατῖνον τῇ τε ἄλλῃ θεραπείᾳ περιέπειν εὖ καὶ ἐκγόνου ἄρρενοσ ἄπαιδα τελευτῶντα διαδόχουσ μέρουσ τινὸσ τῆσ ἑαυτοῦ ἀρχῆσ καταλιπεῖν. ἄλλοι δὲ λέγουσιν Αἰνείου τελευτήσαντοσ Ἀσκάνιον ἅπασαν τὴν Λατίνων ἀρχὴν παραλαβόντα νείμασθαι πρὸσ τοὺσ ἀδελφοὺσ Ῥωμύλον τε καὶ Ῥῶμον τήν τε χώραν καὶ τὴν δύναμιν τὴν Λατίνων τριχῇ·

αὐτὸν μὲν δὴ τήν τε Ἄλβαν κτίσαι καὶ ἄλλ’ ἄττα πολίσματα· Ῥῶμον δὲ Καπύην μὲν ἀπὸ τοῦ προπάππου Κάπυοσ, Ἀγχίσην δὲ ἀπὸ τοῦ προπάτοροσ Ἀγχίσου, Αἰνείαν δὲ τὴν ὕστερον κληθεῖσαν Ιἄνικλον ἀπὸ τοῦ πατρόσ, Ῥώμην δὲ ἀφ’ ἑαυτοῦ, ταύτην δὲ χρόνουσ τινὰσ ἐρημωθεῖσαν ἑτέρασ αὖθισ ἐλθούσησ ἀποικίασ, ἣν Ἀλβανοὶ ἔστειλαν ἡγουμένου Ῥωμύλου καὶ Ῥώμου, τὴν ἀρχαίαν κτίσιν ἀπολαβεῖν·

ὥστε διττὰσ εἶναι τῆσ Ῥώμησ τὰσ κτίσεισ· τὴν μὲν ὀλίγον ὕστερον τῶν Τρωικῶν γενομένην, τὴν δὲ πεντεκαίδεκα γενεαῖσ ὑστεροῦσαν τῆσ προτέρασ. εἰ δέ τισ ἀπιδεῖν βουλήσεται τὰ προσωτέρω καὶ τρίτη τισ ἀρχαιοτέρα τούτων εὑρεθήσεται Ῥώμη γενομένη πρὶν Αἰνείαν καὶ Τρῶασ ἐλθεῖν εἰσ Ἰταλίαν.

ταῦτα δὲ οὐ τῶν ἐπιτυχόντων τισ οὐδὲ νέων συγγραφεὺσ ἱστόρηκεν, ἀλλ’ Ἀντίοχοσ ὁ Συρακούσιοσ, οὑ καὶ πρότερον ἐμνήσθην. φησὶ δὲ Μόργητοσ ἐν Ἰταλίᾳ βασιλεύοντοσ ἡ̓͂ν δὲ τότε Ἰταλία ἡ ἀπὸ Τάραντοσ ἄχρι Ποσειδωνίασ παράλιοσ’ ἐλθεῖν ὡσ αὐτὸν ἄνδρα φυγάδα ἐκ Ῥώμησ.

λέγει δὲ ὧδε· ἑ̓πεὶ δὲ Ἰταλὸσ κατεγήρα, Μόργησ ἐβασίλευσεν. ἐπὶ τούτου δὲ ἀνὴρ ἀφίκετο ἐκ Ῥώμησ φυγάσ· Σικελὸσ ὄνομα αὐτῷ. οὕτωσ ὀνομαζόμενον ἀσαφὲσ ἐκείνου καταλιπόντοσ οὐδ’ ἐγὼ δύναμαι συμβαλεῖν.

περὶ μὲν οὖν τῶν παλαιῶν κτίσεων ἱκανὰ ἡγοῦμαι τὰ προειρημένα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 73

(디오니시오스, Antiquitates Romanae, book 1, chapter 73)

상위

목록

SEARCH

MENU NAVIGATION