헬라어 문장 검색 - Διονψσ́Αντιθυί1́64́

(디오니시오스, Antiquitates Romanae, book 1, chapter 64)

Αἰνείασ δὲ κατασκευάσασ ἱεροῖσ τε καὶ τοῖσ ἄλλοισ κόσμοισ ἀποχρώντωσ τὴν πόλιν, ὧν τὰ πλεῖστα ἔτι καὶ εἰσ ἐμὲ ἦν, τῷ μὲν ἑξῆσ ἐνιαυτῷ, τρίτῳ δὲ ἀπὸ τῆσ ἐξόδου, Τρώων ἐβασίλευσε μόνων· τῷ δὲ τετάρτῳ τελευτήσαντοσ Λατίνου καὶ τὴν ἐκείνου βασιλείαν παραλαμβάνει τῆσ τε κηδείασ οἰκειότητι τῆσ πρὸσ αὐτὸν ἐπικλήρου τῆσ Λαύνασ γενομένησ μετὰ τὸν Λατίνου θάνατον καὶ τοῦ πρὸσ τοὺσ ἀστυγείτονασ πολέμου τῆσ στρατηγίασ ἕνεκα. ἀπέστησαν γὰρ αὖθισ ἀπὸ τοῦ Λατίνου Ῥότολοι λαβόντεσ ἡγεμόνα τῶν αὐτομόλων τινὰ τῆσ Λατίνου γυναικὸσ Ἀμίτασ ἀνεψιὸν ὄνομα Τυρρηνόν.

Ἀμίτασ παροξυνούσησ καὶ ἄλλων τινῶν συλλαμβανόντων ἄγων τὴν δύναμιν, ἧσ αὐτὸσ ἦρχε, προστίθεται τοῖσ Ῥοτόλοισ.

πολέμου δ’ ἐκ τῶν ἐγκλημάτων τούτων γενομένου καὶ μάχησ ἰσχυρᾶσ Λατῖνόσ τε ἀποθνήσκει καὶ Τυρρηνὸσ καὶ τῶν ἄλλων συχνοί, κρατοῦσι δ’ ὅμωσ οἱ σὺν Αἰνείᾳ.

ἐκ δὲ τούτου τὴν ὑπὸ τῷ κηδεστῇ γενομένην ἀρχὴν Αἰνείασ παραλαμβάνει. τρία δὲ βασιλεύσασ ἔτη μετὰ τὴν Λατίνου τελευτὴν τῷ τετάρτῳ θνήσκει κατὰ πόλεμον. Ῥότολοί τε γὰρ ἐκ τῶν πόλεων στρατεύουσιν ἅπαντεσ ἐπ’ αὐτὸν, καὶ σὺν αὐτοῖσ βασιλεὺσ Τυρρηνῶν Μεσέντιοσ δείσασ περὶ τῆσ αὑτοῦ χώρασ, ἤδη γὰρ ἐπὶ μέγα χωροῦσαν τὴν Ἑλληνικὴν ὁρῶν δύναμιν ἤχθετο.

μάχησ δὲ γενομένησ καρτερᾶσ οὐ πρόσω τοῦ Λαουϊνίου καὶ πολλῶν ἑκατέρωθεν ἀπολομένων τὰ μὲν στρατεύματα νυκτὸσ ἐπελθούσησ διελύθη, τὸ δὲ Αἰνείου σῶμα φανερὸν οὐδαμῇ γενόμενον οἱ μὲν εἰσ θεοὺσ μεταστῆναι εἴκαζον, οἱ δ’ ἐν τῷ ποταμῷ, παρ’ ὃν ἡ μάχη ἐγένετο, διαφθαρῆναι. καὶ αὐτῷ κατασκευάζουσιν οἱ Λατῖνοι ἡρῶον ἐπιγραφῇ τοιᾷδε κοσμούμενον·

πατρὸσ θεοῦ χθονίου, ὃσ ποταμοῦ Νομικίου ῥεῦμα διέπει.

εἰσὶ δ’ οἳ λέγουσιν ἐπ’ Ἀγχίσῃ κατασκευασθῆναι αὐτὸ ὑπ’ Αἰνείου, ἐνιαυτῷ πρότερον τοῦ πολέμου τούτου τελευτήσαντι. ἔστι δὲ χωμάτιον οὐ μέγα καὶ περὶ αὐτὸ δένδρα στοιχηδὸν πεφυκότα θέασ ἄξια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 64

(디오니시오스, Antiquitates Romanae, book 1, chapter 64)

상위

목록

SEARCH

MENU NAVIGATION