헬라어 문장 검색 - Διονψσ́Αντιθυί1́50́

(디오니시오스, Antiquitates Romanae, book 1, chapter 50)

ἐκ δὲ τῆσ Παλλήνησ ἄραντεσ οἱ Τρῶεσ εἰσ Δῆλον ἀφικνοῦνται βασιλεύοντοσ αὐτῆσ Ἀνίου· καὶ ἦν πολλὰ σημεῖα ἐν Δήλῳ τῆσ Αἰνείου τε καὶ Τρώων παρουσίασ, ἑώσ ἤνθει τε καὶ ᾤκισθ’ ἡ νῆσοσ. ἔπειτα εἰσ Κύθηρα νῆσον ἑτέραν, ἣ πρόκειται Πελοποννήσου, παραγενόμενοι ἱερὸν Ἀφροδίτησ ἱδρύονται. ἀπὸ δὲ Κυθήρων ποιούμενοι τὸν πλοῦν οὐ πρόσω τῆσ Πελοποννήσου τελευτήσαντα τῶν ἑταίρων τινὰ τῶν Αἰνείου Κίναιθον ἐπὶ τῶν ἀκρωτηρίων τινὸσ θάπτουσιν, ὃ νῦν ἀπ’ ἐκείνου Κιναίθιον καλεῖται·

καὶ τὴν πρὸσ Ἀρκάδασ συγγένειαν ἀνανεωσάμενοι, περὶ ἧσ ἐν ὑστέρῳ λόγῳ διηγήσομαι, χρόνον τε ὀλίγον περὶ ταῦτα τὰ χωρία διατρίψαντεσ καὶ ὑπολιπόμενοί τινασ σφῶν αὐτῶν εἰσ Ζάκυνθον ἀφικνοῦνται. δεξαμένων δ’ αὐτοὺσ καὶ τῶν Ζακυνθίων πρὸσ φιλίαν διὰ τὸ συγγενέσ·

Δαρδάνῳ γὰρ τῷ Διὸσ καὶ Ἠλέκτρασ τῆσ Ἀτλαντίδοσ δύο γενέσθαι φασὶν ἐκ Βατείασ παῖδασ, Ζάκυνθόν τε καὶ Ἐριχθόνιον, ὧν ὁ μὲν Αἰνείου πρόγονοσ ἦν, Ζάκυνθοσ δὲ τῆσ νήσου κτίστησ· ταύτησ τε δὴ τῆσ συγγενείασ ἀναμνήσει καὶ φιλοφροσύνῃ τῶν ἐπιχωρίων διατρίβοντεσ αὐτόθι καὶ ἅμα ἀπλοίᾳ κατειργόμενοι θύουσιν Ἀφροδίτῃ πρὸσ τῷ κατασκευασθέντι ἱερῷ θυσίαν, ἣν εἰσ τόδε χρόνου συντελοῦσι κοινῇ Ζακύνθιοι, καὶ ἀγῶνα ποιοῦσιν ἐφήβοισ τῶν τε ἄλλων ἀγωνισμάτων καὶ δρόμου·

τὸ δὲ νικητήριον ὁ πρῶτοσ ἐλθὼν εἰσ τὸν νεὼν λαμβάνει· λέγεται δὲ Αἰνείου καὶ Ἀφροδίτησ ὁ δρόμοσ, καὶ ξόανα τούτων ἕστηκεν ἀμφοτέρων. ἐκεῖθεν δὲ πελάγιον ποιησάμενοι τὸν πλοῦν εἰσ Λευκάδα κατάγονται, κατεχόντων ἔτι τὸ χωρίον Ἀκαρνάνων.

κἀν ταύτῃ πάλιν ἱερὸν Ἀφροδίτησ ἱδρύονται τοῦτο, ὃ νῦν ἐστιν ἐν τῇ νησῖδι τῇ μεταξὺ τοῦ Διορύκτου τε καὶ τῆσ πόλεωσ, καλεῖται δὲ Ἀφροδίτησ Αἰνειάδοσ. ἄραντεσ δὲ αὐτόθεν ἐπί τε Ἄκτιον ἐλθόντεσ ὁρμίζονται τοῦ Ἀμβρακικοῦ κόλπου πρὸσ τὸ ἀκρωτήριον. κἀκεῖθεν εἰσ Ἀμβρακίαν ἀφικνοῦνται πόλιν, ἧσ ἐβασίλευεν Ἄμβραξ ὁ Δεξαμενοῦ τοῦ Ἡρακλέουσ, καὶ ὑπολείπονται ἑκατέρωθι μνημεῖα τῆσ ἀφίξεωσ·

ἐν Ἀκτίῳ μὲν Ἀφροδίτησ Αἰνειάδοσ ἱερὸν καὶ πλησίον αὐτοῦ θεῶν μεγάλων, ἃ καὶ εἰσ ἐμὲ ἦν· λεγόμενον, καὶ αὐτὸ θυσίαισ ἐγέραιρον αἱ καλούμεναι παρ’ αὐτοῖσ ἀμφίπολοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 50

(디오니시오스, Antiquitates Romanae, book 1, chapter 50)

상위

목록

SEARCH

MENU NAVIGATION