헬라어 문장 검색 - Διονψσ́Αντιθυί1́49́

(디오니시오스, Antiquitates Romanae, book 1, chapter 49)

τὰ δὲ μετὰ τὴν ἔξοδον ἔτι πλείω παρέχει τοῖσ πολλοῖσ τὴν ἀπορίαν. οἱ μὲν γὰρ ἑώσ Θρᾴκησ ἀγαγόντεσ αὐτὸν ἐκεῖ λέγουσι τελευτῆσαι τὸν βίον, ὧν ἐστι Κεφάλων τε ὁ Γεργίθιοσ καὶ Ἡγήσιπποσ ὁ περὶ Παλλήνησ γράψασ, ἄνδρεσ ἀρχαῖοι καὶ λόγου ἄξιοι. ἕτεροι δὲ ἐκ Θρᾴκησ ἀναστήσαντεσ αὐτὸν ἑώσ Ἀρκαδίασ παρακομίζουσιν, οἰκῆσαι δὲ λέγουσιν ἐν Ὀρχομενῷ τε τῷ Ἀρκαδικῷ, καὶ Νήσῳ δὲ λεγομένῃ, καίπερ οὔσῃ μεσόχθονι, ἀπὸ τελμάτων καὶ ποταμοῦ· τάσ τε καλουμένασ Καπύασ Αἰνείου τε καὶ Τρώων ἀπόκτισιν εἶναι, Καπύασ ὀνομασθείσασ ἀπὸ τοῦ Τρωικοῦ Κάπυοσ.

λέγεται δὲ ταῦτα ἄλλοισ τε καὶ Ἀριαίθῳ τῷ γράψαντι τὰ Ἀρκαδικά. εἰσὶ δὲ καὶ οἳ δεῦρο μὲν ἀφικέσθαι τὸν Αἰνείαν μυθολογοῦσιν, οὐ μέντοι τήν γε τελευτὴν αὐτῷ τοῦ βίου συμπεσεῖν ἐν τοῖσ2δε τοῖσ χωρίοισ, ἀλλ’ ἐν Ἰταλίᾳ, ὡσ ἄλλοί τε πολλοὶ δηλοῦσι καὶ Ἀγάθυλλοσ Ἀρκὰσ ὁ ποιητὴσ ἐν ἐλεγείῳ λέγων ὧδε· ἵκετο δ’ Ἀρκαδίην, Νήσῳ δ’ ἐγκάτθετο παῖδασ δοιάσ, Κωδώνησ λέκτρα καὶ Ἀνθεμόνησ.

αὐτὸσ δ’ Ἑσπερίην ἔσυτο χθόνα, γείνατο δ’ υἱᾶ Ῥωμύλον. τῆσ δ’ εἰσ Ἰταλίαν Αἰνείου καὶ Τρώων ἀφίξεωσ Ῥωμαῖοί τε πάντεσ βεβαιωταὶ καὶ τὰ δρώμενα ὑπ’ αὐτῶν ἔν τε θυσίαισ καὶ ἑορταῖσ μηνύματα, Σιβύλλησ τε λόγια καὶ χρησμοὶ Πυθικοὶ καὶ ἄλλα πολλά, ὧν οὐκ ἄν τισ ὡσ εὐπρεπείασ ἕνεκα συγκειμένων ὑπερίδοι.

πολλὰ δὲ καὶ παρ’ Ἕλλησι γνωρίσματα καὶ φανερὰ εἰσ τόδε χρόνου περιλείπεται, ἔνθα ὡρμίσαντο καὶ παρ’ οἷσ διατριβὴν ἀπλοίασ ἕνεκεν ἐποιήσαντο·

ὧν ἐγὼ μνήμην ὡσ ἂν οἱο͂́σ τε ὦ πολλῶν ὄντων βραχυτάτην ποιήσομαι. πρῶτον μὲν εἰσ Θρᾴκην ἀφικόμενοι κατὰ τὴν χερρόνησον, ἣ καλεῖται Παλλήνη, ωρμίσαντο.

εἶχον δὲ αὐτὴν ὥσπερ ἔφην βάρβαροι Κρουσαῖοι καλούμενοι καὶ παρέσχον αὐτοῖσ τὰσ καταγωγὰσ ἀσφαλεῖσ. μείναντεσ δὲ τὴν χειμερινὴν ὡρ́αν αὐτόθι νεὼν Ἀφροδίτησ ἱδρύσαντο ἐπὶ τῶν ἀκρωτηρίων ἑνὸσ καὶ πόλιν Αἴνειαν ἔκτισαν, ἐν ᾗ τούσ τε ὑπὸ καμάτων ἀδυνάτουσ πλεῖν καὶ ὅσοισ αὐτοῦ μένειν βουλομένοισ ἦν, ὡσ ἐν οἰκείᾳ γῇ τὸ λοιπὸν ἐσομένουσ, ὑπελίποντο. αὕτη διέμεινεν ἑώσ τῆσ Μακεδόνων δυναστείασ τῆσ κατὰ τοὺσ διαδόχουσ τοὺσ Ἀλεξάνδρου γενομένησ·

ἐπὶ δὲ τῆσ Κασάνδρου βασιλείασ καθῃρέθη, ὅτε Θεσσαλονίκη πόλισ ἐκτίζετο, καὶ οἱ Αἰνεᾶται σὺν ἄλλοισ πολλοῖσ εἰσ τὴν νεόκτιστον μετῴκησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 49

(디오니시오스, Antiquitates Romanae, book 1, chapter 49)

상위

목록

SEARCH

MENU NAVIGATION