헬라어 문장 검색 - Διονψσ́Αντιθυί1́48́

(디오니시오스, Antiquitates Romanae, book 1, chapter 48)

ὁ μὲν οὖν πιστότατοσ τῶν λόγων, ᾧ κέχρηται τῶν παλαιῶν συγγραφέων Ἑλλάνικοσ ἐν τοῖσ Τρωικοῖσ, περὶ τῆσ Αἰνείου φυγῆσ τοιόσ2δε ἐστίν. εἴρηνται δὲ καὶ ἄλλοισ τισὶ περὶ τῶν αὐτῶν οὐ κατὰ ταὐτὰ ἔχοντεσ λόγοι, οὓσ ἧττον ἔγωγε τούτου πιθανοὺσ εἶναι νομίζω. κρινέτω δὲ ὡσ ἕκαστοσ τῶν ἀκουόντων βούλεται. Σοφοκλῆσ μὲν ὁ τραγῳδοποιὸσ ἐν Λαοκόωντι δράματι μελλούσησ ἁλίσκεσθαι τῆσ πόλεωσ πεποίηκε τὸν Αἰνείαν ἀνασκευαζόμενον εἰσ τὴν Ἴδην, κελευσθέντα ὑπὸ τοῦ πατρὸσ Ἀγχίσου κατὰ τὴν μνήμην ὧν Ἀφροδίτη ἐπέσκηψε καὶ ἀπὸ τῶν νεωστὶ γενομένων περὶ τοὺσ Λαοκοωντίδασ σημείων τὸν μέλλοντα ὄλεθρον τῆσ πόλεωσ συντεκμηραμένου.

ἔχει δ’ ἐν αὐτῷ τὰ ἰαμβεῖα ἐν ἀγγέλου προσώπῳ λεγόμενα ὧδε· νῦν δ’ ἐν πύλαισιν Αἰνέασ ὁ τῆσ θεοῦ πάρεστ’ ἐπ’ ὤμων πατέρ’ ἔχων κεραυνίου νώτου καταστάζοντα βύσσινον φάροσ.

κύκλῳ δὲ πᾶσαν οἰκετῶν παμπληθίαν· συμπλάζεται δὲ πλῆθοσ οὐχ ὅσον δοκεῖσ, οἳ τῆσ2δ’ ἐρῶσι τῆσ ἀποικίασ Φρυγῶν. Μενεκράτησ δὲ ὁ Ξάνθιοσ προδοῦναι τοῖσ Ἀχαιοῖσ αὐτὸν ἀποφαίνει τὴν πόλιν τῆσ πρὸσ Ἀλέξανδρον ἔχθρασ ἕνεκα, καὶ διὰ τὴν εὐεργεσίαν ταύτην Ἀχαιοὺσ αὐτῷ συγχωρῆσαι διασώσασθαι τὸν οἶκον.

σύγκειται δὲ αὐτῷ ὁ λόγοσ ἀρξαμένῳ ἀπὸ τῆσ Ἀχιλλέωσ ταφῆσ τὸν τρόπον τόνδε· Ἁ̓χαιοὺσ δ’ ἀνίη εἶχε καὶ ἐδόκεον τῆσ στρατιῆσ τὴν κεφαλὴν ἀπηράχθαι. ὅμωσ δὲ τάφον αὐτῷ δαίσαντεσ ἐπολέμεον βίῃ πάσῃ, ἄχρισ Ἴλιοσ ἑάλω Αἰνείεω ἐνδόντοσ. Αἰνείησ γὰρ ἄτιτοσ ἐὼν ὑπὸ Ἀλεξάνδρου καὶ ἀπὸ γερέων ἐξειργόμενοσ ἀνέτρεψε Πρίαμον·

ἐργασάμενοσ δὲ ταῦτα εἷσ Ἀχαιῶν ἐγεγόνεἰ. ἄλλοι δέ τινεσ ἐπὶ τοῦ ναυστάθμου τοῦ Τρωικοῦ τυχεῖν αὐτὸν τηνικαῦτα διατρίβοντα λέγουσιν, οἱ δ’ εἰσ Φρυγίαν ἀπεσταλμένον ὑπὸ Πριάμου μετὰ δυνάμεωσ ἐπί τινα χρείαν στρατιωτικήν·

εἰσὶ δ’ οἳ μυθωδεστέραν αὐτοῦ ποιοῦσι τὴν ἔξοδον. ἐχέτω δ’ ὅπῃ τισ αὑτὸν πείθει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 48

(디오니시오스, Antiquitates Romanae, book 1, chapter 48)

상위

목록

SEARCH

MENU NAVIGATION