헬라어 문장 검색 - Διονψσ́Αντιθυί1́31́

(디오니시오스, Antiquitates Romanae, book 1, chapter 31)

μετὰ δὲ οὐ πολὺν χρόνον στόλοσ ἄλλοσ Ἑλληνικὸσ εἰσ ταῦτα τὰ χωρία τῆσ Ἰταλίασ κατάγεται, ἑξηκοστῷ μάλιστα ἔτει πρότερον τῶν Τρωικῶν, ὡσ αὐτοὶ Ῥωμαῖοι λέγουσιν, ἐκ Παλλαντίου πόλεωσ Ἀρκαδικῆσ ἀναστάσ. ἡγεῖτο δὲ τῆσ ἀποικίασ Εὐάνδροσ Ἑρμοῦ λεγόμενοσ καὶ νύμφησ τινὸσ Ἀρκάσιν ἐπιχωρίασ, ἣν οἱ μὲν Ἕλληνεσ Θέμιν εἶναι λέγουσι καὶ θεοφόρητον ἀποφαίνουσιν, οἱ δὲ τὰσ Ῥωμαϊκὰσ συγγράψαντεσ ἀρχαιολογίασ τῇ πατρίῳ γλώσσῃ Καρμέντην ὀνομάζουσιν· εἰή δ’ ἂν Ἑλλάδι φωνῇ Θεσπιῳδὸσ τῇ νύμφῃ τοὔνομα·

τὰσ μὲν γὰρ ᾠδὰσ καλοῦσι Ῥωμαῖοι κάρμινα, τὴν δὲ γυναῖκα ταύτην ὁμολογοῦσι δαιμονίῳ πνεύματι κατάσχετον γενομένην τὰ μέλλοντα συμβαίνειν τῷ πλήθει δι’ ᾠδῆσ προλέγειν. ὁ δὲ στόλοσ οὗτοσ οὐκ ἀπὸ τοῦ κοινοῦ τῆσ γνώμησ ἐπέμφθη, ἀλλὰ στασιάσαντοσ τοῦ δήμου τὸ ἐλαττωθὲν μέροσ ἑκούσιον ὑπεξῆλθεν.

ἐτύγχανε δὲ τότε τὴν βασιλείαν τῶν Ἀβοριγίνων παρειληφὼσ Φαῦνοσ, Ἄρεοσ ὥσ φασιν ἀπόγονοσ, ἀνὴρ μετὰ τοῦ δραστηρίου καὶ συνετὸσ, καὶ αὐτὸν ὡσ τῶν ἐπιχωρίων τινὰ Ῥωμαῖοι δαιμόνων θυσίαισ καὶ ᾠδαῖσ γεραίρουσιν.

οὗτοσ ὁ ἀνὴρ δεξάμενοσ κατὰ πολλὴν φιλότητα τοὺσ Ἀρκάδασ ὀλίγουσ ὄντασ, δίδωσιν αὐτοῖσ τῆσ αὑτοῦ χώρασ ὁπόσην ἐβούλοντο. οἱ δὲ Ἀρκάδεσ, ὡσ ἡ Θέμισ αὐτοῖσ ἐπιθειάζουσα ἔφραζεν, αἱροῦνται λόφον ὀλίγον ἀπέχοντα τοῦ Τεβέριοσ, ὅσ ἐστι νῦν ἐν μέσῳ μάλιστα τῆσ Ῥωμαίων πόλεωσ, καὶ κατασκευάζονται πρὸσ αὐτῷ κώμην βραχεῖαν, δυσὶ ναυτικοῖσ πληρώμασιν ἐν οἷσ ἀπανέστησαν τῆσ Ἑλλάδοσ ἀποχρῶσαν, ἣν ἔμελλε τὸ πεπρωμένον σὺν χρόνῳ θήσειν ὅσην οὔθ’ Ἑλλάδα πόλιν οὔτε βάρβαρον κατά τε οἰκήσεωσ μέγεθοσ καὶ κατὰ δυναστείασ ἀξίωσιν καὶ τὴν ἄλλην ἅπασαν εὐτυχίαν, χρόνον τε ὁπόσον ἂν ὁ θνητοσ αἰὼν ἀντέχῃ πόλεων μάλιστα πασῶν μνημονευθησομένην.

ὄνομα δὲ τῷ πολίσματι τούτῳ τίθενται Παλλάντιον ἐπὶ τῆσ ἐν Ἀρκαδίᾳ σφῶν μητροπόλεωσ·

νῦν μέντοι Παλάτιον ὑπὸ Ῥωμαίων λέγεται συγχέαντοσ τοῦ χρόνου τὴν ἀκρίβειαν καὶ παρέχει πολλοῖσ ἀτόπων ἐτυμολογιῶν ἀφορμάσ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 31

(디오니시오스, Antiquitates Romanae, book 1, chapter 31)

상위

목록

SEARCH

MENU NAVIGATION