헬라어 문장 검색 - Διονψσ́Αντιθυί1́24́

(디오니시오스, Antiquitates Romanae, book 1, chapter 24)

ὡσ δὲ ἀπενεχθέντα τὸν χρησμὸν ἔμαθον, οὐκ εἶχον τὰ λεγόμενα συμβαλεῖν. ἀμηχανοῦσι δὲ αὐτοῖσ τῶν γεραιτέρων τισ λέγει συμβαλὼν τὸ λόγιον, ὅτι τοῦ παντὸσ ἡμαρτήκασιν, εἰ οἰόνται τοὺσ θεοὺσ ἀδίκωσ αὐτοῖσ ἐγκαλεῖν. χρημάτων μὲν γὰρ ἀποδεδόσθαι τὰσ ἀπαρχὰσ αὐτοῖσ ἁπάσασ ὀρθῶσ τε καὶ σὺν δίκῃ, ἀνθρώπων δὲ γονῆσ τὸ λάχοσ, χρῆμα παντὸσ μάλιστα θεοῖσ τιμιώτατον, ὀφείλεσθαι· εἰ δὲ δὴ καὶ τούτων λάβοιεν τὴν δικαίαν μοῖραν, τέλοσ ἕξειν σφίσι τὸ λόγιον.

τοῖσ μὲν δὴ ὀρθῶσ ἐδόκει λέγεσθαι ταῦτα, τοῖσ δὲ ἐξ ἐπιβουλῆσ συγκεῖσθαι ὁ λόγοσ·

εἰσηγησαμένου δέ τινοσ τὴν γνώμην, τὸν θεὸν ἐπερέσθαι, εἰ αὐτῷ φίλον ἀνθρώπων δεκάτασ ἀπολαμβάνειν, πέμπουσι τὸ δεύτερον θεοπρόπουσ, καὶ ὁ θεὸσ ἀνεῖλεν οὕτω ποιεῖν. ἐκ δὲ τούτου στάσισ αὐτοὺσ καταλαμβάνει περὶ τοῦ τρόπου τῆσ δεκατεύσεωσ. καὶ ἐν ἀλλήλοισ οἱ προεστηκότεσ τῶν πόλεων τὸ πρῶτον ἐταράχθησαν· ἔπειτα καὶ τὸ λοιπὸν πλῆθοσ δι’ ὑποψίασ τοὺσ ἐν τέλει ἐλάμβανεν.

ἐγίνοντό τε οὐδενὶ κόσμῳ αἱ ἀπαναστάσεισ, ἀλλ’ ὥσπερ εἰκὸσ οἴστρῳ καὶ θεοβλαβείᾳ ἀπελαυνόμεναι, καὶ πολλὰ ἐφέστια ὅλα ἐξηλείφθη μέρουσ αὐτῶν μεθισταμένου· οὐ γὰρ ἐδικαίουν οἱ προσήκοντεσ τοῖσ ἐξιοῦσιν ἀπολείπεσθαί τε τῶν φιλτάτων καὶ ἐν τοῖσ ἐχθίστοισ ὑπομένειν.

πρῶτοι μὲν δὴ οὗτοι μεταναστάντεσ ἐξ Ἰταλίασ εἴσ τε τὴν Ἑλλάδα καὶ τῆσ βαρβάρου πολλὴν ἐπλανήθησαν.

μετὰ δὲ τοὺσ πρώτουσ ἕτεροι ταὐτὸν ἔπαθον, καὶ τοῦτο διετέλει γινόμενον ὁσέτη. οὐ γὰρ ἀνίεσαν οἱ δυναστεύοντεσ ἐν ταῖσ πόλεσι τῆσ ἀνδρουμένησ ἀεὶ νεότητοσ ἐξαιρούμενοι τὰσ ἀπαρχάσ, τοῖσ τε θεοῖσ τὰ δίκαια ὑπουργεῖν ἀξιοῦντεσ καὶ στασιασμοὺσ ἐκ τῶν διαλαθόντων δεδιότεσ. ἦν δὲ πολὺ καὶ τὸ πρὸσ ἔχθραν σὺν προφάσει εὐπρεπεῖ ἀπελαυνόμενον ὑπὸ τῶν διαφόρων· ὥστε πολλαὶ αἱ ἀπαναστάσεισ ἐγίνοντο καὶ ἐπὶ πλεῖστον γῆσ τὸ Πελασγικὸν γένοσ διεφορήθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, book 1, chapter 24

(디오니시오스, Antiquitates Romanae, book 1, chapter 24)

상위

목록

SEARCH

MENU NAVIGATION