헬라어 문장 검색 - Διονψσ́Αντιθυί1́11́

(디오니시오스, Antiquitates Romanae, book 1, chapter 11)

οἱ δὲ λογιώτατοι τῶν Ῥωμαϊκῶν συγγραφέων, ἐν οἷσ ἐστι Πόρκιόσ τε Κάτων ὁ τὰσ γενεαλογίασ τῶν ἐν Ἰταλίᾳ πόλεων ἐπιμελέστατα συναγαγὼν καὶ Γάϊοσ Σεμπρώνιοσ καὶ ἄλλοι συχνοί, Ἕλληνασ αὐτοὺσ εἶναι λέγουσι τῶν ἐν Ἀχαϊᾴ ποτὲ οἰκησάντων, πολλαῖσ γενεαῖσ πρότερον τοῦ πολέμου τοῦ Τρωικοῦ μεταναστάντασ. οὐκέτι μέντοι διορίζουσιν οὔτε φῦλον Ἑλληνικὸν οὗ μετεῖχον, οὔτε πόλιν ἐξ ἧσ ἀπανέστησαν, οὔτε χρόνον οὔθ’ ἡγεμόνα τῆσ ἀποικίασ οὔθ’ ὁποίαισ τύχαισ χρησάμενοι τὴν μητρόπολιν ἀπέλιπον· Ἑλληνικῷ τε μύθῳ χρησάμενοι οὐδένα τῶν τὰ Ἑλληνικὰ γραψάντων βεβαιωτὴν παρέσχοντο. τὸ μὲν οὖν ἀληθὲσ ὅπωσ ποτ’ ἔχει, ἄδηλον· ἄποικοι γένουσ ἢ τοῦ καλουμένου νῦν Ἀρκαδικοῦ.

πρῶτοι γὰρ Ἑλλήνων οὗτοι περαιωθέντεσ τὸν Ιὄνιον κόλπον ᾤκησαν Ἰταλίαν, ἄγοντοσ αὐτοὺσ Οἰνώτρου τοῦ Λυκάονοσ·

ἦν δὲ πέμπτοσ ἀπό τε Αἰζειοῦ καὶ Φορωνέωσ τῶν πρώτων ἐν Πελοποννήσῳ δυναστευσάντων. Φορωνέωσ μὲν γὰρ Νιόβη γίνεται· ταύτησ δὲ υἱὸσ καὶ Διὸσ, ὡσ λέγεται, Πελασγόσ· Αἰζειοῦ δὲ υἱὸσ Λυκάων·

τούτου δὲ Δηιάνειρα θυγάτηρ· ἐκ δὲ Δηιανείρασ καὶ Πελασγοῦ Λυκάων ἕτεροσ· τούτου δὲ Οἴνωτροσ, ἑπτακαίδεκα γενεαῖσ πρότερον τῶν ἐπὶ Τροίαν στρατευσάντων. ὁ μὲν δὴ χρόνοσ, ἐν ᾧ τὴν ἀποικίαν ἔστειλαν Ἕλληνεσ εἰσ Ἰταλίαν, οὗτοσ ἦν. ἀπανέστη δὲ τῆσ Ἑλλάδοσ Οἴνωτροσ οὐκ ἀρκούμενοσ τῇ μοίρᾳ·

δύο γὰρ καὶ εἴκοσι παίδων Λυκάονι γενομένων εἰσ τοσούτουσ ἔδει κλήρουσ νεμηθῆναι τὴν Ἀρκάδων χώραν. ταύτησ μὲν δὴ τῆσ αἰτίασ ἕνεκα Πελοπόννησον Οἴνωτροσ ἐκλιπὼν καὶ κατασκευασάμενοσ ναυτικὸν διαίρει τὸν Ιὄνιον καὶ σὺν αὐτῷ Πευκέτιοσ τῶν ἀδελφῶν εἷσ. εἵποντο δὲ αὐτοῖσ τοῦ τε οἰκείου λαοῦ συχνοί, πολυάνθρωπον γὰρ δὴ τὸ ἔθνοσ τοῦτο λέγεται κατ’ ἀρχὰσ γενέσθαι, καὶ τῶν ἄλλων Ἑλλήνων ὅσοι χώραν εἶχον ἐλάττω τῆσ ἱκανῆσ. Πευκέτιοσ μὲν οὖν, ἔνθα τὸ πρῶτον ὡρμίσαντο τῆσ Ἰταλίασ, ὑπὲρ ἄκρασ Ιἀπυγίασ ἐκβιβάσασ τὸν λεὼν αὐτοῦ καθιδρύεται, καὶ ἀπ’ αὐτοῦ οἱ περὶ ταῦτα τὰ χωρία οἰκοῦντεσ Πευκέτιοι ἐκλήθησαν.

Οἴνωτροσ δὲ τὴν πλείω τοῦ στρατοῦ μοῖραν ἀγόμενοσ εἰσ τὸν ἕτερον ἀφικνεῖται κόλπον τὸν ἀπὸ τῶν ἑσπερίων μερῶν παρὰ τὴν Ἰταλίαν ἀναχεόμενον, ὃσ τότε μὲν Αὐσόνιοσ ἐπὶ τῶν προσοικούντων Αὐσόνων ἐλέγετο, ἐπεὶ δὲ Τυρρηνοὶ θαλασσοκράτορεσ ἐγένοντο, μετέλαβεν ἣν ἔχει νῦν προσηγορίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 11

(디오니시오스, Antiquitates Romanae, book 1, chapter 11)

상위

목록

SEARCH

MENU NAVIGATION