Ancient Greek Text

Dionysius of Halicarnassus, Antiquitates Romanae, book 1, chapter 8

(디오니시오스, Antiquitates Romanae, book 1, chapter 8)

ἄρχομαι μὲν οὖν τῆσ ἱστορίασ ἀπὸ τῶν παλαιοτάτων μύθων, οὓσ παρέλιπον οἱ πρὸ ἐμοῦ γενόμενοι συγγραφεῖσ χαλεποὺσ ὄντασ ἄνευ πραγματείασ μεγάλησ ἐξευρεθῆναι· καταβιβάζω δὲ τὴν διήγησιν ἐπὶ τὴν ἀρχὴν τοῦ πρώτου Φοινικικοῦ πολέμου τὴν γενομένην ἐνιαυτῷ τρίτῳ τῆσ ὀγδόησ καὶ εἰκοστῆσ ἐπὶ ταῖσ ἑκατὸν ὀλυμπιάσιν.

ἀφηγοῦμαι δὲ τούσ τε ὀθνείουσ πολέμουσ τῆσ πόλεωσ ἅπαντασ, ὅσουσ ἐν ἐκείνοισ τοῖσ χρόνοισ ἐπολέμησε, καὶ τὰσ ἐμφυλίουσ στάσεισ ὁπόσασ ἐστασίασεν, ἐξ οἱών αἰτιῶν ἐγένοντο καὶ δἰ οἱών τρόπων τε καὶ λόγων κατελύθησαν· πολιτειῶν τε ἰδέασ διέξειμι πάσασ ὅσαισ ἐχρήσατο βασιλευομένη τε καὶ μετὰ τὴν κατάλυσιν τῶν μονάρχων, καὶ τίσ ἦν αὐτῶν ἑκάστησ ὁ κόσμοσ· ἔθη τε τὰ κράτιστα καὶ νόμουσ τοὺσ ἐπιφανεστάτουσ διηγοῦμαι καὶ συλλήβδην ὅλον ἀποδείκνυμι τὸν ἀρχαῖον βίον τῆσ πόλεωσ.

σχῆμα δὲ ἀποδίδωμι τῇ πραγματείᾳ οὔθ’ ὁποῖον οἱ τοὺσ πολέμουσ μόνουσ ἀναγράψαντεσ ἀποδεδώκασι ταῖσ ἱστορίαισ οὔθ’ ὁποῖον οἱ τὰσ πολιτείασ αὐτὰσ ἐξ̓ ἑαυτῶν διηγησάμενοι οὔτε ταῖσ χρονικαῖσ παραπλήσιον, ἃσ ἐξέδωκαν οἱ τὰσ Ἀτθίδασ πραγματευσάμενοι·

μονοειδεῖσ γὰρ ἐκεῖναί τε καὶ ταχὺ προσιστάμεναι τοῖσ ἀκούουσιν· ἀλλ’ ἐξ ἁπάσησ ἰδέασ μικτὸν ἐναγωνίου τε καὶ θεωρητικῆσ καὶ ἡδείασ, ἵνα καὶ τοῖσ περὶ τοὺσ πολιτικοὺσ διατρίβουσι λόγουσ καὶ τοῖσ περὶ τὴν φιλόσοφον ἐσπουδακόσι θεωρίαν καὶ εἴ τισιν ἀοχλήτου δεήσει διαγωγῆσ ἐν ἱστορικοῖσ ἀναγνώσμασιν, ἀποχρώντωσ ἔχουσα φαίνηται.

ἡ μὲν οὖν ἱστορία περὶ τοιούτων τε γενήσεται πραγμάτων καὶ τοιούτου τεύξεται σχήματοσ·

ὁ δὲ συντάξασ αὐτὴν Διονύσιόσ εἰμι Ἀλεξάνδρου Ἁλικαρνασεύσ· ἄρχομαι δ’ ἐνθένδε.