헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 71)

πολλῶν δὲ πιπτόντων παρ’ ἀμφοτέροισ καὶ κατατραυματιζομένων καὶ τῆσ νυκτὸσ περικαταλαβούσησ ὁ μὲν Πολυπέρχων ἀνακαλεσάμενοσ τῇ σάλπιγγι τοὺσ στρατιώτασ ἐπανῆλθεν ἐπὶ τὴν ἰδίαν στρατοπεδείαν. τῇ δ’ ὑστεραίᾳ τὸν τοῦ πτώματοσ τόπον ἀνακαθάρασ ἐποίησε βάσιμον τοῖσ θηρίοισ καὶ διενοεῖτο χρήσασθαι ταῖσ τούτων ῥώμαισ πρὸσ τὴν ἅλωσιν τῆσ πόλεωσ.

οἱ δὲ Μεγαλοπολῖται Δάμιδοσ ἡγουμένου καὶ τούτου γεγονότοσ κατὰ τὴν Ἀσίαν μετ’ Ἀλεξάνδρου καὶ περὶ τὰσ φύσεισ καὶ χρείασ τῶν ἐλεφάντων ἐμπειρίαν ἔχοντοσ οὐ μετρίωσ προετέρησαν. οὗτοσ γὰρ τὴν ἰδίαν ἐπίνοιαν ἀντίταγμα τῇ τῶν θηρίων βίᾳ κατασκευάσασ ἀχρήστουσ ἐποίησε τὰσ τῶν σωμάτων ῥώμασ.

θύρασ γὰρ μεγάλασ πλείονασ ἥλοισ ὀξέσι καταπυκνώσασ καὶ ταύτασ ἐν ὀρύγμασι ταπεινοῖσ καταστρώσασ καὶ τὰσ ἐξοχὰσ τῶν κέντρων ἐπικρυψάμενοσ κατέλιπε διὰ τούτων δίοδον εἰσ τὴν πόλιν καὶ κατὰ μέτωπον μὲν οὐδένα τῶν στρατιωτῶν ἔστησεν, ἐκ δὲ τῶν πλαγίων ἔταξε πλῆθοσ ἀκοντιστῶν καὶ τοξοτῶν καὶ τῶν καταπελτικῶν βελῶν. τοῦ δὲ Πολυπέρχοντοσ ἀνακαθαίροντοσ πάντα τὸν τόπον τοῦ πτώματοσ καὶ τοῖσ θηρίοισ ἀθρόοισ διὰ τούτου τὴν ἔφοδον ποιουμένου παράδοξοσ ἐγένετο πρᾶξισ περὶ τοὺσ ἐλέφαντασ.

οὐδενὸσ γὰρ ἀπαντῶντοσ κατὰ στόμα τοῖσ θηρίοισ οἱ μὲν Ἰνδοὶ συνηνάγκαζον εἰσπίπτειν εἰσ τὴν πόλιν, οἱ δ’ ἐλέφαντεσ τῇ ῥύμῃ προπίπτοντεσ ἐνέπιπτον εἰσ τὰσ κατακεκεντρωμένασ θύρασ. τραυματιζόμενοι δὲ τοὺσ πόδασ ὑπὸ τῶν ἥλων καὶ διὰ τὸ βάροσ περιπειρόμενοι τοῖσ κέντροισ οὔτε προϊέναι πορρώτερον οὔτε ἀναστρέφειν διὰ τὴν δυσκινησίαν ἠδύναντο.

ἅμα δὲ καὶ βελῶν παντοδαπῶν ἐκ πλαγίων φερομένων οἱ μὲν ἀπέθνησκον τῶν Ἰνδῶν, οἱ δὲ κατατραυματιζόμενοι τῆσ ἐνδεχομένησ χρείασ ὑστεροῦντο. τὰ δὲ θηρία διά τε τὸ πλῆθοσ τῶν βελῶν καὶ τὴν ἰδιότητα τῆσ τῶν ἥλων πληγῆσ περιώδυνα γινόμενα τὴν διὰ τῶν φίλων ἐπιστροφὴν ἐποιοῦντο καὶ πολλοὺσ αὐτῶν κατεπάτουν.

τέλοσ δὲ τὸ μὲν ἀνδρειότατον αὐτῶν καὶ πλείστην ἔχον κατάπληξιν ἔπεσε, τῶν δὲ ἄλλων τὰ μὲν ἄχρηστα παντελῶσ ἐγένετο, τὰ δὲ πολλοῖσ τῶν ἰδίων θάνατον ἐπήνεγκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 71

(디오도로스 시켈로스, Bibliotheca Historica, Books XVIII-XX, book 18, chapter 71)

상위

목록

SEARCH

MENU NAVIGATION