헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 70)

οἱ δὲ Μεγαλοπολῖται γνόντεσ τὴν ἐπιβουλὴν τοῦ Πολυπέρχοντοσ ἐψηφίσαντο τὰ μὲν ἀπὸ τῆσ χώρασ κατάγειν εἰσ τὴν πόλιν, τῶν δὲ πολιτῶν καὶ ξένων καὶ δούλων ἀριθμὸν ποιησάμενοι μυρίουσ καὶ πεντακισχιλίουσ εὑρ͂ον τοὺσ δυναμένουσ παρέχεσθαι τὰσ πολεμικὰσ χρείασ. εὐθὺσ οὖν τοὺσ μὲν εἰσ τάξεισ κατελόχιζον, οὓσ δὲ πρὸσ τὰσ ὑπηρεσίασ τοῖσ ἔργοισ καθίστανον, οὓσ δ’ ἐπὶ τὴν ἐπιμέλειαν τῶν τειχῶν ἔταττον. ὑφ’ ἕνα δὲ καὶ τὸν αὐτὸν καιρὸν οἱ μὲν περὶ τὴν πόλιν τάφρον ὤρυττον βαθεῖαν, οἱ δὲ ἀπὸ τῆσ χώρασ χάρακα παρεκόμιζον, τινὲσ δὲ τὰ πεπονηκότα τῶν τειχῶν κατεσκεύαζον, ἄλλοι δὲ περὶ τὰσ ὁπλοποιίασ καὶ τὴν κατασκευὴν τῶν ὀξυβελῶν καταπελτῶν ἐγίνοντο, πᾶσα δ’ ἡ πόλισ ἐν ἔργοισ καθειστήκει διά τε τὴν προθυμίαν τῶν ἀνδρῶν καὶ διὰ τοὺσ προσδοκωμένουσ κινδύνουσ·

διεβεβόητο γὰρ τό τε μέγεθοσ τῆσ βασιλικῆσ δυνάμεωσ καὶ τὸ πλῆθοσ τῶν συνακολουθούντων ἐλεφάντων καὶ δοκούντων ἀνυπόστατον ἔχειν τήν τε ἀλκὴν καὶ τὴν τοῦ σώματοσ ὁρμήν.

ταχὺ δὲ πάντων εὐτρεπῶν γενομένων ὁ μὲν Πολυπέρχων ἧκε μετὰ πάσησ τῆσ δυνάμεωσ καὶ πλησίον τῆσ πόλεωσ ἐστρατοπέδευσε δύο θέμενοσ παρεμβολάσ, τὴν μὲν τῶν Μακεδόνων, τὴν δὲ τῶν συμμάχων.

κατασκευάσασ δὲ πύργουσ ξυλίνουσ ὑψηλοτέρουσ τῶν τειχῶν προσῆγε τῇ πόλει κατὰ τοὺσ εὐθέτουσ τόπουσ καὶ βέλη παντοδαπὰ καὶ τοὺσ ἀγωνιζομένουσ ἐπιστήσασ ἀνέστελλε τοὺσ ἐπὶ τῶν ἐπάλξεων ἀντιτεταγμένουσ. ἅμα δὲ τούτοισ πραττομένοισ διὰ τῶν μεταλλευόντων ὑπορύξασ τὰ τείχη καὶ τὰσ στήριγγασ ἐμπρήσασ κατέβαλε τρεῖσ πύργουσ τοὺσ μεγίστουσ καὶ μεσοπύργια τὰ ἴσα.

μεγάλου δὲ τοῦ πτώματοσ καὶ παραδόξου γενομένου τὸ μὲν πλῆθοσ τῶν Μακεδόνων ἀνεβόησεν, οἱ δὲ κατὰ τὴν πόλιν διὰ τὴν δεινότητα τῆσ πράξεωσ κατεπλάγησαν. ἔνθα δὴ τῶν Μακεδόνων διὰ τοῦ πτώματοσ εἰσπιπτόντων εἰσ τὴν πόλιν οἱ Μεγαλοπολῖται διεῖλον σφᾶσ αὐτοὺσ καὶ τῷ μὲν ἑνὶ μέρει τοὺσ πολεμίουσ ὑποστάντεσ καὶ τὴν ἐν τῷ πτώματι δυσχωρίαν συνεργὸν ἔχοντεσ καρτερὰν μάχην συνίσταντο, τῷ δ’ ἑτέρῳ χάρακι διελάμβανον τὸν ἐντὸσ τοῦ πτώματοσ τόπον καὶ τεῖχοσ ἕτερον ἀντῳκοδόμουν, συνεχῶσ ἐργαζόμενοι καὶ μεθ’ ἡμέραν καὶ νύκτωρ.

ταχὺ δὲ τῶν ἔργων συντελουμένων διά τε τὴν πολυχειρίαν καὶ τὸ πλῆθοσ·

τῆσ εἰσ ἅπαντα παρασκευῆσ τὸ μὲν διὰ τοῦ πτώματοσ ἐλάττωμα συντόμωσ οἱ Μεγαλοπολῖται διωρθώσαντο, πρὸσ δὲ τοὺσ ἐπὶ τῶν ξυλίνων πύργων ἀγωνιζομένουσ τοῖσ τε ὀξυβελέσι καταπέλταισ ἐχρῶντο καὶ τοῖσ σφενδονήταισ καὶ τοξόταισ πολλοὺσ τῶν πολεμίων κατετίτρωσκον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 70

(디오도로스 시켈로스, Bibliotheca Historica, Books XVIII-XX, book 18, chapter 70)

상위

목록

SEARCH

MENU NAVIGATION