헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 61)

πάντων δ’ ἀποδεξαμένων τοὺσ λόγουσ ταχέωσ ἅπαντα κατεσκευάσθη τὰ πρὸσ τὴν χρείαν, ὡσ ἂν πολυχρύσου τῆσ βασιλικῆσ οὔσησ γάζησ. εὐθὺσ οὖν κατασκευασθείσησ μεγαλοπρεποῦσ σκηνῆσ ὅ τε θρόνοσ ἔχων τὸ διάδημα καὶ τὸ σκῆπτρον ἐτέθη καὶ τὰ ὅπλα οἷσ εἰώθει χρῆσθαι καὶ κειμένησ ἐσχάρασ ἐχούσησ πῦρ ἐπέθυον ἐκ κιβωτίου χρυσοῦ πάντεσ οἱ ἡγεμόνεσ τόν τε λιβανωτὸν καὶ τῶν ἄλλων θυμιαμάτων εὐωδῶν τὰ πολυτελέστατα καὶ προσεκύνουν ὡσ θεὸν τὸν Ἀλέξανδρον. ἀκολούθωσ δὲ τούτοισ δίφρων πολλῶν κειμένων ἐκάθιζον ἐπὶ τούτων οἱ τὰσ ἡγεμονίασ ἔχοντεσ καὶ συνεδρεύοντεσ ἐβουλεύοντο περὶ τῶν ἀεὶ κατεπειγόντων.

ὁ δ’ Εὐμενὴσ ἐν πᾶσι τοῖσ χρηματιζομένοισ ἴσον ἑαυτὸν τοῖσ ἄλλοισ ἡγεμόσιν ἀποδεικνύων καὶ πάντασ ταῖσ φιλανθρωποτάταισ ὁμιλίαισ δημαγωγῶν τόν τε καθ’ ἑαυτοῦ φθόνον ἀπετρίψατο καὶ πολλὴν εὔνοιαν ἐν τοῖσ ἡγεμόσι πρὸσ ἑαυτὸν κατεσκεύασεν. ἅμα δὲ καὶ τῆσ κατὰ τὸν βασιλέα δεισιδαιμονίασ ἐνισχυούσησ ἀγαθῶν ἐλπίδων ἅπαντεσ ἐπληροῦντο, καθάπερ θεοῦ τινοσ αὐτῶν ἡγουμένου.

ὁμοίωσ δὲ τούτοισ καὶ πρὸσ τοὺσ ἀργυράσπιδασ Μακεδόνασ πολιτευόμενοσ ἀποδοχῆσ μεγάλησ ἐτύγχανεν παρ’ αὐτοῖσ, ὡσ ἄξιοσ ὢν τῆσ τῶν βασιλέων φροντίδοσ. προχειρισάμενοσ δὲ τῶν φίλων τοὺσ εὐθετωτάτουσ καὶ δοὺσ χρήματα δαψιλῆ πρὸσ τὴν ξενολογίαν ἐξέπεμψεν ὁρίασ ἀξιολόγουσ μισθούσ.

εὐθὺσ δ’ οἱ μὲν εἰσ τὴν Πισιδικὴν καὶ Λυκίαν καὶ τὴν πλησιόχωρον παρελθόντεσ ἐξενολόγουν ἐπιμελῶσ, οἱ δὲ τὴν Κιλικίαν ἐπεπορεύοντο, ἄλλοι δὲ τὴν Κοίλην Συρίαν καὶ Φοινίκην, τινὲσ δὲ τὰσ ἐν τῇ Κύπρῳ πόλεισ. διαβοηθείσησ δὲ τῆσ ξενολογίασ καὶ τῆσ μισθοφορᾶσ ἀξιολόγου προκειμένησ πολλοὶ καὶ ἐκ τῶν τῆσ Ἑλλάδοσ πόλεων ἐθελοντὶ κατήντων καὶ πρὸσ τὴν στρατείαν ἀπεγράφοντο.

ἐν ὀλίγῳ δὲ χρόνῳ συνήχθησαν πεζοὶ μὲν πλείουσ τῶν μυρίων, ἱππεῖσ δὲ δισχίλιοι χωρὶσ τῶν ἀργυρασπίδων καὶ τῶν μετ’ Εὐμενοῦσ κατηντηκότων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 61

(디오도로스 시켈로스, Bibliotheca Historica, Books XVIII-XX, book 18, chapter 61)

상위

목록

SEARCH

MENU NAVIGATION