Diodorus Siculus, Bibliotheca Historica, Books XVIII-XX, book 18, chapter 58 1:

(디오도로스 시켈로스, Bibliotheca Historica, Books XVIII-XX, book 18, chapter 58 1:)

ἐπ’ ἄρχοντοσ δ’ Ἀθήνησιν Ἀρχίππου Ῥωμαῖοι κατέστησαν ὑπάτουσ Κόιντον Αἴλιον καὶ Λεύκιον Παπίριον. ἐπὶ δὲ τούτων Εὐμενὴσ μὲν ἄρτι τὴν ἐκ τοῦ φρουρίου πεποιημένοσ ἀποχώρησιν ἐκομίσατο τὰσ ἐπιστολὰσ τὰσ ἀποσταλείσασ ὑπὸ Πολυπέρχοντοσ, ἐν αἷσ ἦν γεγραμμένον χωρὶσ τῶν προειρημένων ὅτι πεντακόσια μὲν τάλαντα διδόασιν αὐτῷ δωρεὰν οἱ βασιλεῖσ εἰσ ἐπανόρθωσιν τῶν γεγενημένων περὶ αὐτὸν ἐλαττωμάτων καὶ διότι γράμματα ἀπέστειλαν οἱ βασιλεῖσ πρὸσ τοὺσ ἐν τῇ Κιλικίᾳ στρατηγοὺσ καὶ θησαυροφύλακασ, ὅπωσ αὐτῷ τὰ πεντακόσια τάλαντα δῶσι καὶ τῶν ἄλλων χρημάτων ὅσα ἂν αἰτήσῃ πρόσ τε τὰσ ξενολογίασ καὶ τὰσ ἄλλασ τὰσ κατεπειγούσασ χρείασ, τούσ τε τῶν ἀργυρασπίδων Μακεδόνων τρισχιλίων ἀφηγουμένουσ, ἵνα παραδῶσιν αὑτοὺσ Εὐμενεῖ καὶ τἄλλα συμπράττωσι προθύμωσ, ὡσ ἂν ἀποδεδειγμένῳ στρατηγῷ τῆσ ὅλησ Ἀσίασ αὐτοκράτορι.

일치하는 문장이 없습니다.

SEARCH

MENU NAVIGATION