헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 57)

τούτου δὲ τοῦ διαγράμματοσ ἐκδοθέντοσ καὶ πρὸσ ἁπάσασ τὰσ πόλεισ ἀποσταλέντοσ ἔγραψεν ὁ Πολυπέρχων πρόσ τε τὴν Ἀργείων πόλιν καὶ τὰσ λοιπάσ, προστάττων τοὺσ ἀφηγησαμένουσ ἐπ’ Ἀντιπάτρου τῶν πολιτευμάτων φυγαδεῦσαι, τινῶν δὲ καὶ θάνατον καταγνῶναι καὶ δημεῦσαι τὰσ οὐσίασ, ὅπωσ ταπεινωθέντεσ εἰσ τέλοσ μηδὲν ἰσχύσωσι συνεργεῖν Κασάνδρῳ. ἔγραψε δὲ καὶ πρὸσ Ὀλυμπιάδα τὴν Ἀλεξάνδρου μητέρα, διατρίβουσαν ἐν Ἠπείρῳ διὰ τὴν πρὸσ Κάσανδρον ἔχθραν, ἵνα τὴν ταχίστην εἰσ Μακεδονίαν καταντήσῃ καὶ παραλαβοῦσα τὸ Ἀλεξάνδρου παιδίον ἐπιμέλειαν αὐτοῦ ποιῆται, μέχρι ἂν εἰσ ἡλικίαν ἔλθῃ καὶ τὴν πατρῴαν βασιλείαν παραλάβῃ.

ἔπεμψε δὲ καὶ πρὸσ Εὐμενῆ, γράψασ ἐπιστολὴν ἐκ τοῦ τῶν βασιλέων ὀνόματοσ, ὅπωσ πρὸσ μὲν Ἀντίγονον μὴ διαλύσηται τὴν ἀλλοτριότητα, πρὸσ δὲ τοὺσ βασιλεῖσ ἀποκλίνασ εἴτε βούλεται καταντᾶν εἰσ Μακεδονίαν καὶ μετ’ αὐτοῦ κοινοπραγῶν ἐπιμελητὴσ εἶναι τῶν βασιλέων, εἴτε μᾶλλον προαιρεῖται μένειν ἐπὶ τῆσ Ἀσίασ καὶ λαβὼν δύναμιν καὶ χρήματα διαπολεμεῖν πρὸσ Ἀντίγονον, φανερῶσ ἤδη γεγενημένον ἀποστάτην τῶν βασιλέων.

ἀποκαθιστάνειν δ’ αὐτῷ τοὺσ βασιλεῖσ τήν τε σατραπείαν, ἣν Ἀντίγονοσ ἀφῄρηται, καὶ τὰσ δωρεὰσ ἁπάσασ ὅσασ πρότερον εἶχε κατὰ τὴν Ἀσίαν. τὸ δ’ ὅλον ἀπεφαίνετο μάλιστα πάντων πρέπειν Εὐμενῆ τῆσ βασιλικῆσ οἰκίασ κήδεσθαι καὶ φροντίζειν, ἀκολουθοῦντα τοῖσ ὑπ’ αὐτοῦ προπεπολιτευμένοισ πρὸσ τὴν βασιλικὴν οἰκίαν.

ἐὰν δὲ μείζονοσ δυνάμεωσ προσδέηται, καὶ αὐτὸσ μετὰ τῶν βασιλέων ἀναζεύξειν ἐκ Μακεδονίασ μετὰ πάσησ τῆσ βασιλικῆσ δυνάμεωσ. ταῦτα μὲν οὖν ἐπράχθη κατὰ τοῦτον τὸν ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 57

(디오도로스 시켈로스, Bibliotheca Historica, Books XVIII-XX, book 18, chapter 57)

상위

목록

SEARCH

MENU NAVIGATION