헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 55)

ἅμα δὲ τούτοισ πραττομένοισ κατὰ μὲν τὴν Μακεδονίαν Πολυπέρχων ὁ τῶν βασιλέων ἐπιμελητὴσ μετὰ τὴν ἀπαλλαγὴν τοῦ Κασάνδρου προεώρα μὲν τὸ μέγεθοσ τοῦ πρὸσ Κάσανδρον ἐσομένου πολέμου, οὐδὲν δ’ ἄνευ τῆσ τῶν φίλων γνώμησ κρίνων πράττειν συνήγαγε τούσ τε ἡγεμόνασ ἅπαντασ καὶ τῶν ἄλλων Μακεδόνων τοὺσ ἀξιολογωτάτουσ. φανεροῦ δ’ ὄντοσ ὅτι Κάσανδροσ μὲν σωματοποιηθεὶσ ὑπ’ Ἀντιγόνου τῶν κατὰ τὴν Ἑλλάδα πόλεων ἀνθέξεται διὰ τὸ τὰσ μὲν αὐτῶν πατρικαῖσ φρουραῖσ φυλάττεσθαι, τὰσ δ’ ὑπ’ ὀλιγαρχιῶν διοικεῖσθαι, κυριευομένασ ὑπὸ τῶν Ἀντιπάτρου φίλων καὶ ξένων, πρὸσ δὲ τούτοισ συμμαχήσειν τῷ Κασάνδρῳ Πτολεμαῖόν τε τὸν Αἰγύπτου κρατοῦντα καὶ Ἀντίγονον τὸν φανερῶσ ἤδη γενόμενον ἀποστάτην τῶν βασιλέων, ἀμφοτέρουσ δὲ καὶ δυνάμεισ μεγάλασ καὶ χρημάτων ἔχειν πλῆθοσ, ἔτι δὲ πολλῶν ἐθνῶν καὶ πόλεων ἀξιολόγων κυριεύειν ‐ προτεθείσησ οὖν βουλῆσ πῶσ τούτοισ πολεμητέον ἐστὶ καὶ πολλῶν καὶ ποικίλων λόγων περὶ τοῦ πολέμου ῥηθέντων ἔδοξεν αὐτοῖσ τὰσ μὲν κατὰ τὴν Ἑλλάδα πόλεισ ἐλευθεροῦν, τὰσ δ’ ἐν αὐταῖσ ὀλιγαρχίασ καθεσταμένασ ὑπ’ Ἀντιπάτρου καταλύειν·

οὕτωσ γὰρ ἂν μάλιστα τὸν μὲν Κάσανδρον ταπεινώσειν, ἑαυτοῖσ δὲ μεγάλην δόξαν καὶ πολλὰσ συμμαχίασ ἀξιολόγουσ περιποιήσειν.

εὐθὺσ οὖν τοὺσ ἀπὸ τῶν πόλεων παρόντασ πρεσβευτὰσ προσκαλεσάμενοι καὶ θαρρεῖν παρακαλέσαντεσ ἐπηγγείλαντο τὰσ δημοκρατίασ ἀποκαταστήσειν ταῖσ πόλεσι καὶ τὸ κυρωθὲν δόγμα γράψαντεσ ἔδωκαν τοῖσ πρεσβευταῖσ, ὅπωσ κατὰ τάχοσ εἰσ τὰσ πατρίδασ ἐπανελθόντεσ ἀπαγγείλωσι τοῖσ δήμοισ τὴν τῶν βασιλέων καὶ τῶν ἡγεμόνων εἰσ τοὺσ Ἕλληνασ εὔνοιαν.

ἦν δὲ τὸ διάγραμμα τοιοῦτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 55

(디오도로스 시켈로스, Bibliotheca Historica, Books XVIII-XX, book 18, chapter 55)

상위

목록

SEARCH

MENU NAVIGATION