헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 52)

Ἀντίγονοσ δὲ πυθόμενοσ τὴν τῶν Κυζικηνῶν πόλιν πολιορκουμένην ἔτυχε μὲν ἐν Κελαιναῖσ διατρίβων, κρίνασ δὲ τὴν κινδυνεύουσαν πόλιν ἰδίαν κατασκευάσασθαι πρὸσ τὰσ μελλούσασ ἐπιβολὰσ ἀπέλεξεν ἐξ ἁπάσησ τῆσ δυνάμεωσ τοὺσ ἀρίστουσ, πεζοὺσ μὲν δισμυρίουσ, ἱππεῖσ δὲ τρισχιλίουσ. τούτουσ δὲ ἀναλαβὼν ἐν τάχει προῆγε βοηθήσων τοῖσ Κυζικηνοῖσ.

βραχὺ δὲ τῶν καιρῶν ὑστερήσασ φανερὰν μὲν ἔσχε τὴν εἰσ τὴν πόλιν εὔνοιαν, τῆσ δὲ ὅλησ ἐπιβολῆσ ἀπέτυχε. πρὸσ δὲ Ἀρριδαῖον ἐξέπεμψε πρεσβευτάσ, ἐγκαλῶν ὅτι πρῶτον μὲν Ἑλληνίδα πόλιν σύμμαχον οὖσαν καὶ μηδὲν ἀδικοῦσαν ἐτόλμησε πολιορκεῖν, ἔπειθ’ ὅτι φανερόσ ἐστιν ἀποστατήσων καὶ τὴν σατραπείαν ἑαυτῷ δυναστείαν κατασκευαζόμενοσ·

τὸ δὲ τελευταῖον προσέταττε τῆσ σατραπείασ παραχωρεῖν καὶ μίαν λαβόντα πόλιν εἰσ καταβίωσιν τὴν ἡσυχίαν ἄγειν. ὁ δ’ Ἀρριδαῖοσ διακούσασ τῶν πρέσβεων καὶ τὸ τῶν λόγων ὑπερήφανον καταμεμψάμενοσ οὐκ ἔφη παραχωρήσειν τῆσ σατραπείασ, τὰσ δὲ πόλεισ φρουραῖσ διαλαμβάνων πειράσεσθαι τοῖσ ὅπλοισ διαγωνίζεσθαι πρὸσ αὐτόν.

ἀκολούθωσ δὲ ταῖσ ἀποκρίσεσι τὰσ πόλεισ ἀσφαλισάμενοσ μέροσ τῆσ δυνάμεωσ ἐξέπεμψε καὶ στρατηγὸν ἐπ’ αὐτῆσ. τούτῳ δὲ προσέταξε συνάπτειν τοῖσ περὶ τὸν Εὐμενῆ καὶ λύειν τὴν πολιορκίαν τοῦ φρουρίου καὶ τὸν Εὐμενῆ τῶν κινδύνων ἀπαλλάξαντα ποιήσασθαι σύμμαχον. Ἀντίγονοσ δὲ σπεύδων ἀμύνασθαι τὸν Ἀρριδαῖον ἐξέπεμψεν ἐπ’ αὐτὸν δύναμιν τὴν διαπολεμήσουσαν, αὐτὸσ δὲ τὴν ἱκανὴν στρατιὰν ἀναλαβὼν προῆγεν ἐπὶ Λυδίασ, βουλόμενοσ ἐκβαλεῖν τὸν ἐν αὐτῇ σατράπην Κλεῖτον.

ὁ δὲ προϊδόμενοσ τὴν ἔφοδον αὐτοῦ τὰσ μὲν ἀξιολογωτάτασ πόλεισ φρουραῖσ ἠσφαλίσατο, αὐτὸσ δὲ εἰσ Μακεδονίαν ἐξέπλευσε, δηλώσων τοῖσ τε βασιλεῦσι καὶ Πολυπέρχοντι τὴν Ἀντιγόνου τόλμαν καὶ ἀπόστασιν καὶ ἀξιώσων ἑαυτῷ βοηθεῖν.

ὁ δ’ Ἀντίγονοσ τὴν μὲν Ἔφεσον ἐξ ἐφόδου παρέλαβε συνεργησάντων αὐτῷ τινων ἐκ τῆσ πόλεωσ·

μετὰ δὲ ταῦτα καταπλεύσαντοσ εἰσ Ἔφεσον Αἰσχύλου τοῦ Ῥοδίου καὶ κομίζοντοσ ἐκ Κιλικίασ ἐν τέσσαρσι ναυσὶν ἀργυρίου τάλαντα ἑξακόσια ἀπεσταλμένα εἰσ Μακεδονίαν πρὸσ τοὺσ βασιλεῖσ παρείλετο, φάσκων ἑαυτῷ χρείαν ἔχειν πρὸσ τὰσ τῶν ξένων μισθοφορίασ. τοῦτο δὲ πράξασ φανερὸσ ἐγένετο πρὸσ ἰδιοπραγίαν ὡρμημένοσ καὶ τοῖσ βασιλεῦσιν ἐναντιούμενοσ.

μετὰ δὲ ταῦτα συμπολιορκήσασ ἐπῄει τὰσ ἑξῆσ πόλεισ, ἃσ μὲν βίᾳ χειρούμενοσ, ἃσ δὲ πειθοῖ προσαγόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 52

(디오도로스 시켈로스, Bibliotheca Historica, Books XVIII-XX, book 18, chapter 52)

상위

목록

SEARCH

MENU NAVIGATION