헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 50)

κατὰ δὲ τὴν Ἀσίαν διαβοηθείσησ τῆσ Ἀντιπάτρου τελευτῆσ ἀρχὴ πραγμάτων καινῶν ἐγίνετο καὶ κίνησισ, τῶν ἐν ἐξουσίαισ ὄντων ἰδιοπραγεῖν ἐπιβαλομένων. τούτων δὲ πρῶτοσ μὲν Ἀντίγονοσ προνενικηκὼσ Εὐμενῆ περὶ Καππαδοκίαν καὶ τὰσ μετ’ αὐτοῦ δυνάμεισ παρειληφώσ, καταπεπολεμηκὼσ δ’ Ἀλκέταν καὶ Ἄτταλον περὶ τὴν Πισιδικὴν καὶ τὰσ δυνάμεισ τὰσ μετ’ αὐτῶν ἀνειληφώσ, πρὸσ δὲ τούτοισ ὑπ’ Ἀντιπάτρου τῆσ Ἀσίασ στρατηγὸσ αὐτοκράτωρ ᾑρημένοσ, ἅμα δὲ καὶ μεγάλησ δυνάμεωσ ἡγεμὼν ἀποδεδειγμένοσ πλήρησ ἦν ὄγκου καὶ φρονήματοσ. περιβαλλόμενοσ δὲ ταῖσ ἐλπίσι τὴν τῶν ὅλων ἡγεμονίαν ἔγνω μὴ προσέχειν μήτε τοῖσ βασιλεῦσι μήτε τοῖσ ἐπιμεληταῖσ αὐτῶν·

ὑπελάμβανε γὰρ αὑτὸν κρείττω δύναμιν ἔχοντα τῶν κατὰ τὴν Ἀσίαν θησαυρῶν κύριον ἔσεσθαι, μηδενὸσ ὄντοσ τοῦ δυναμένου πρὸσ αὐτὸν ἀντιτάξασθαι. εἶχε γὰρ κατ’ ἐκεῖνον τὸν χρόνον στρατιώτασ πεζοὺσ μὲν ἑξακισμυρίουσ, ἱππεῖσ δὲ μυρίουσ, ἐλέφαντασ δὲ τριάκοντα·

χωρὶσ δὲ τούτων ἑτοίμασ ποιήσασθαι καὶ ἄλλασ δυνάμεισ ἤλπιζεν, ἂν ᾖ χρεία, δυναμένησ τῆσ Ἀσίασ χορηγεῖν ἀνεκλείπτωσ τοῖσ στρατολογουμένοισ ξένοισ τὰσ μισθοφορίασ. ταῦτα δὲ διανοηθεὶσ Ιἑρώνυμον μὲν τὸν τὰσ ἱστορίασ γράψαντα μετεπέμψατο, φίλον ὄντα καὶ πολίτην Εὐμενοῦσ τοῦ Καρδιανοῦ τοῦ συμπεφευγότοσ εἰσ τὸ χωρίον τὸ καλούμενον Νῶρα.

τοῦτον δὲ μεγάλαισ δωρεαῖσ προκαλεσάμενοσ ἐξαπέστειλε πρεσβευτὴν πρὸσ τὸν Εὐμενῆ, παρακαλῶν τῆσ μὲν περὶ Καππαδοκίαν μάχησ γενομένησ πρὸσ αὐτὸν ἐπιλαθέσθαι, γενέσθαι δὲ φίλον καὶ σύμμαχον αὐτῷ καὶ λαβεῖν δωρεὰσ πολλαπλασίουσ ὧν πρότερον ἦν ἐσχηκὼσ καὶ σατραπείαν μείζονα καὶ καθόλου πρωτεύοντα τῶν παρ’ ἑαυτοῦ φίλων κοινωνὸν ἔσεσθαι τῆσ ὅλησ ἐπιβολῆσ. εὐθὺσ δὲ καὶ τῶν φίλων συναγαγὼν συνέδριον καὶ περὶ τῆσ τῶν ὅλων ἐπιβολῆσ κοινωσάμενοσ διέγραψε τῶν ἀξιολόγων φίλων οἷσ μὲν σατραπείασ, οἷσ δὲ στρατηγίασ·

πᾶσι δὲ μεγάλασ ἐλπίδασ ὑποθεὶσ προθύμουσ κατεσκεύασε πρὸσ τὰσ ἰδίασ ἐπιβολάσ. διενοεῖτο γὰρ ἐπελθεῖν τὴν Ἀσίαν καὶ τοὺσ μὲν προϋπάρχοντασ σατράπασ ἐκβαλεῖν, πρὸσ δὲ τῶν ἑαυτοῦ φίλων καθιστάναι τὰσ ἡγεμονίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 50

(디오도로스 시켈로스, Bibliotheca Historica, Books XVIII-XX, book 18, chapter 50)

상위

목록

SEARCH

MENU NAVIGATION