헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 48)

κατὰ δὲ τὴν Μακεδονίαν Ἀντιπάτρου περιπεσόντοσ ἀρρωστίᾳ βαρυτέρᾳ καὶ τοῦ γήρωσ συνεργοῦντοσ πρὸσ τὴν ἀπόλυσιν τοῦ βίου Ἀθηναῖοι μὲν ἐξέπεμψαν πρεσβευτὴν πρὸσ Ἀντίπατρον Δημάδην, δοκοῦντα καλῶσ πολιτεύεσθαι τὰ πρὸσ τοὺσ Μακεδόνασ, ἀξιοῦντεσ τὸν Ἀντίπατρον, καθάπερ ἦν ἐξ ἀρχῆσ ὡμολογηκώσ, ἐξαγαγεῖν τὴν φρουρὰν ἐκ τῆσ Μουνυχίασ. ὁ δ’ Ἀντίπατροσ τὸ μὲν πρῶτον εὐνοϊκῶσ διέκειτο πρὸσ τὸν Δημάδην, ὕστερον δὲ Περδίκκου τελευτήσαντοσ καί τινων ἐπιστολῶν εὑρεθεισῶν ἐν τοῖσ βασιλικοῖσ γράμμασιν, ἐν αἷσ ἦν ὁ Δημάδησ παρακαλῶν τὸν Περδίκκαν κατὰ τάχοσ διαβαίνειν εἰσ τὴν Εὐρώπην ἐπ’ Ἀντίπατρον, ἀπηλλοτριώθη πρὸσ αὐτὸν καὶ κεκρυμμένην ἐτήρει τὴν ἔχθραν.

διόπερ τοῦ Δημάδου κατὰ τὰσ ὑπὸ τοῦ δήμου δεδομένασ ἐντολὰσ ἀπαιτοῦντοσ τὴν ἐπαγγελίαν καὶ παρρησιωδέστερον ἀπειλήσαντοσ περὶ τῆσ φρουρᾶσ ὁ μὲν Ἀντίπατροσ οὐδεμίαν δοὺσ ἀπόκρισιν παρέδωκε τοῖσ ἐπὶ τὰσ τιμωρίασ τεταγμένοισ αὐτόν τε τὸν Δημάδην καὶ τὸν υἱὸν Δημέαν συμπρεσβεύοντα τῷ πατρί.

οὗτοι μὲν οὖν ἀπαχθέντεσ εἴσ τι οἴκημα εὐτελὲσ ἐθανατώθησαν διὰ τὰσ προειρημένασ αἰτίασ.

ὁ δ’ Ἀντίπατροσ ἐσχάτωσ ἤδη διακείμενοσ ἀπέδειξεν ἐπιμελητὴν τῶν βασιλέων Πολυπέρχοντα καὶ στρατηγὸν αὐτοκράτορα, πρεσβύτατον σχεδὸν ὄντα τῶν Ἀλεξάνδρῳ συνεστρατευμένων καὶ τιμώμενον ὑπὸ τῶν κατὰ τὴν Μακεδονίαν, τὸν δ’ υἱὸν Κάσανδρον χιλίαρχον καὶ δευτερεύοντα κατὰ τὴν ἐξουσίαν. ἡ δὲ τοῦ χιλιάρχου τάξισ καὶ προαγωγὴ τὸ μὲν πρῶτον ὑπὸ τῶν Περσικῶν βασιλέων εἰσ ὄνομα καὶ δόξαν προήχθη, μετὰ δὲ ταῦτα πάλιν ὑπ’ Ἀλεξάνδρου μεγάλησ ἔτυχεν ἐξουσίασ καὶ τιμῆσ, ὅτε καὶ τῶν ἄλλων Περσικῶν νομίμων ζηλωτὴσ ἐγένετο.

διὸ καὶ Ἀντίπατροσ κατὰ τὴν αὐτὴν ἀγωγὴν τὸν υἱὸν Κάσανδρον ὄντα νέον ἀπέδειξε χιλίαρχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 48

(디오도로스 시켈로스, Bibliotheca Historica, Books XVIII-XX, book 18, chapter 48)

상위

목록

SEARCH

MENU NAVIGATION