헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 47)

διὰ δὲ τῆσ ἰδίασ ἐπινοίασ ἐκ τῶν κινδύνων ἐξελόμενοι τὴν πατρίδα τὸν μὲν πόλεμον ἀπεστρέψαντο, τὴν δὲ πρὸσ τοὺσ νέουσ ἀλλοτριότητα φυγεῖν οὐ κατίσχυσαν· οὗτοι γὰρ ἀπὸ τῆσ μάχησ ἐπανελθόντεσ καὶ τὸ πεπραγμένον ἀκούσαντεσ πρὸσ τοὺσ ἰδίουσ ἀπηγριώθησαν διὰ τὴν πρὸσ Ἀλκέταν ὑπερβολὴν τῆσ εὐνοίασ. καὶ τὸ μὲν πρῶτον καταλαβόμενοι μέροσ τῆσ πόλεωσ ἐψηφίσαντο τὰσ μὲν οἰκίασ ἐμπρῆσαι, μετὰ δὲ τῶν ὅπλων ἐκχυθέντασ ἐκ τῆσ πόλεωσ καὶ τῆσ ὀρεινῆσ ἐχομένουσ πορθεῖν τὴν ὑπ’ Ἀντίγονον τεταγμένην χώραν, ὕστερον δὲ μετανοήσαντεσ τοῦ μὲν ἐμπρῆσαι τὴν πόλιν ἀπέσχοντο, δόντεσ δ’ ἑαυτοὺσ εἰσ λῃστείασ καὶ καταδρομὰσ πολλὴν τῆσ πολεμίασ χώραν κατέφθειραν.

ὁ δ’ Ἀντίγονοσ παραλαβὼν τὸ σῶμα καὶ καταικισάμενοσ ἐπὶ τρεῖσ ἡμέρασ καὶ τοῦ νεκροῦ σῆψιν λαβόντοσ ἀφεὶσ αὐτὸν ἄταφον ἀνέζευξεν ἐκ τῆσ Πισιδικῆσ.

οἱ δὲ τῶν Τερμησσέων νέοι φυλάττοντεσ τὴν πρὸσ τὸν ᾐκισμένον εὔνοιαν τό τε σῶμα ἀνείλαντο καὶ λαμπρῶσ ἐκήδευσαν. οὕτωσ ἡ τῆσ εὐεργεσίασ φύσισ, ἴδιόν τι φίλτρον ἔχουσα πρὸσ τοὺσ εὖ πεποιηκότασ, ἀμετάθετον διαφυλάττει τὴν εἰσ αὐτοὺσ εὔνοιαν. ὁ δ’ οὖν Ἀντίγονοσ ἀναζεύξασ ἐκ τῆσ Πισιδικῆσ προῆγεν ἐπὶ Φρυγίασ μετὰ πάσησ τῆσ δυνάμεωσ.

ὡσ δὲ κατήντησεν εἰσ Κρητῶν πόλιν, ἧκεν πρὸσ αὐτὸν Ἀριστόδημοσ ὁ Μιλήσιοσ ἀπαγγέλλων ὅτι Ἀντίπατροσ μὲν τετελεύτηκεν, ἡ δὲ τῶν ὅλων ἡγεμονία καὶ τῶν βασιλέων ἡ ἐπιμέλεια μεταπέπτωκεν εἰσ Πολυπέρχοντα τὸν Μακεδόνα. ἡσθεὶσ δ’ ἐπὶ τοῖσ γεγονόσι μετέωροσ ἦν ταῖσ ἐλπίσι καὶ διενοεῖτο τῶν κατὰ τὴν Ἀσίαν ἔχεσθαι πραγμάτων καὶ τῆσ κατ’ αὐτὴν ἡγεμονίασ μηδενὶ παραχωρεῖν.

καὶ τὰ μὲν περὶ τὸν Ἀντίγονον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 47

(디오도로스 시켈로스, Bibliotheca Historica, Books XVIII-XX, book 18, chapter 47)

상위

목록

SEARCH

MENU NAVIGATION